Habe ich genug Milch? 😞🙄

RenataRenata

6

bearbeitet 21. 12. 2020, 23:45 in Stillen
Hoi zĂ€mme mini chli wird am 24.12 genau 3 monet alt. Ich stille sie voll aber weis eifach ned obs ehre langet. FlĂ€sche geh weti eifach ned. Sie trinkt megaaaa schnell aber mĂ€ngisch au gar ned. Den brĂŒellt sie brust mĂ€ngisch voll a und nimmt sie ned. Letzt nacht het ehre mage knurret also glaub ich zumindest aber sie het gschlafe und ned gschroue. Ich weis ned witer han en mega psychische stress welli unbedingt stille wet aber angst han das sie ned satt wird. Sie nimmt au ned guet zue het aber immer nassi windle und au gross. Oh man😞😞😞

Kommentare

  • Zerst mal tĂŒf dureschnufe! De Stress isch gar ned guet fĂŒr eu. Sie wird scho satt kei Angst und solang d Windle nass sind mach dir kei Sorge. Due viel a setzte, due dir öpis guets und kuschle viel mit ihre. Und hol dir hilf binere Stillberaterin. Es chönti au die Bruschtschimpfphase sii. Es chunt wieder guet 🍀
  • Wenn sie zunimmt denn bechund sie sicher gnueg. Hesch denn du s GfĂŒhl hesch zwei Milch?
  • Lueg das am beste mitere Stillberaterin (IBCLC) a, will die cha am beste beurteile was los isch. De gseht si dis Baby und cha au e Anamnese stelle. Heiter bi euch im Spital es Stillambulatorium? Jedi Stillbeziehig isch sooo individuell und es git eifach keis Patentrezept defĂŒr. Es chönne do 20 Mamis schribe und bi jedere isches andersch. Mi gross hani 3,5 johr lang gstillt obwohl ig ihn am ab 8 wuche ha mĂŒesse zueschöppele will er vill zwenig het zuegno (trotz gnueg nasse windle).
    Und dĂ€nk dra, entspannts Mami - entspannts Baby ❀ wĂŒnsche dir alles gueti und hoffe es wird gli besser 😘
  • @SHAYENNE Ich bin ebe leider psychisch sehr gstresst😞 binere stillberaterin bini gsi die het nedemol welle luege wie ich ahsetzte oder sie gwöget. Isch fĂŒr chatz gsi. HĂŒt hani bide muetterberaterin termin. Weis eifach ned ob ich ehre de shoppe sell geh und guet isch
  • @Tanja87 Sie nimmt leider ned so zue wie sie sett das chunt no dezue
  • Juli88Juli88

    79

    bearbeitet 21. 12. 2020, 11:15
    Nei hör uf... muesch ihre doch ned de Schope geh. I dem Alter isch oft no so, dass sie d'Brust aschreiet. I ha da Problem au gha.
    Us wellere Region chonsch denn du? Frög doch d'MĂŒettereberatig, öb sie dir en gueti Stillberatig IBCL chan empfehle. Ond sust La Leche League afroge. Die hend en Liste vo Fraue wo dir sofort chönd Helfe und wenn sie ned wiiter wössed au gueti IBCL Stillberaterinne kenned.

    Chunt alles guet ❀
  • @Renata Heyy renata💋mach das nit, probier es bitz geduld ha wenns iwie goht. Ich weiss es isch eifacher gseit als gmacht, mich hets immer gnĂ€rvt wenn mini hebamme gseit het ‘geduld!!’ Aber es isch wirklig so das die ‘brust-aschrei-phase’ nit ewigs aduuret und das ihre mage knurrt het kani mr wirklig fast nit vorstelle, das isch sicher en blĂ€hig odr so gsi. By minere tochter ghöri stĂ€ndig öpis im bĂŒchli abgoh, sy het no kolike momentan (15 wuche alt). Ich weiss nit was du genau meinsch mitem
    Psychische stress und woher de kunnt, will dich do au nit vor allne froge, wennd magsch kasch mr gÀrn en privat nochricht schriebe aber sunst kani dr nur sage gib nit allzu schnÀll uff au wenns nit immer eifach isch. Ich hilf dr gÀrn wyter wenn immer ich ka. Ich stille au voll und es isch au nit immer alles easy gsi bis jetzte.
    Lg nina❀
  • Hoi Renata 🧡
    Du machsch das super. Mach wiiter so! đŸ€—
    Bi mier ischs im moment so dass ich wirkli z wenig milch ha, will mini chlini muus z wenig effizient trunke hed und ich das nid gmerkt ha. Jetzt bini dra, midere tolle STIBE vo de La Leche League, mini Milchproduktion azkurble und mini Muus bim trinke z understĂŒtze. Es gid anderi Möglichkeite als de Schoppe. Und ier schaffed das.
    Ich cha dier nur au empfehle zunere STIBE LLL kontakt ufzneh. Sie sind menschlich, kompetent und ifĂŒhlsam 💕
    Glaub a ĂŒch, ich packed das đŸ’ȘđŸ„°
  • Hey renata.

    Ich kennes nur zu gĂŒet! Gidanke uber gedanke. Und die angst, dass sie zwenig zuenĂ€hme!
    Was heisst fĂŒr die zwenig zuenĂ€? Mine chli het phasewiis ganz schlecht zuegnu & denn uf zmal en riese gump gnu. Er het teilwis max. 2 nassi windle am tag gha... Ich han mi so la stresse. Ver nĂŒt. Jetzt ischer 11 mt. han ihn 5.5 vollgstillt & er isch tip top fam gwicht, obwohler au phasewiis chli abgno het.

    Isch si aktiv & ufmerksam, het sie appetit? De muesch der gar kei sorge mache! Git babys wo eifach chli langsamer zuenehme. So lang sie zuenimmt (au nur 10g) isch alles guet.

    Und das wo du verzellsch, tönt chli nach brustschimpfphase. Minem hets gholfe, dasi ime dunkle ruehige zimmer gstillt han.
  • Hallo ihr liebe danke euch allne fĂŒr euchi Texte. Da het mi ufgmunterent. Bin gester bide muetterberatig gsi und tatsĂ€chlich sie isch bez „liechter“ als sie sett sie. Ich gib ehre jetzt jede morge und abig de shoppe 100ml und beobachte mol gwicht. Tag und nacht bechunt sie brust. Hoffentlich klappt da. Danke euch allne ehr sind all toll ❀❀❀
  • @Renata Du machsch das super ❀ du gisch Tag fĂŒr Tag s beste fĂŒr di chli Schatz. WĂŒnsche euch ganz schöni Wiehnachte und blibet gsund 😍
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner NĂ€he austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum