1. Wunder

Hallo zämee... Wer wartet au au uf sis 1. Wunder und isch scho über 30gi? Wie gahts eu so demit? I bi scho 35gi u het hald gern dä au no es 2 chind. Mer sind etz scho sitem Mai 2020 dra u es will eifach nöd 😔
«1

Kommentare

  • Ich bin 30 worde im Oktober und mir sind jetzt im 1. ÜZ fürs 1. Wunder. Han erscht vor 2.5 Woche min letscht Nuvaring useno. Bin im Momänt no rächt ratlos, was min Zyklus abelant noch 13 Jahr hormoneller Verhüetig. Bin mega ungeduldig und chan a nüd anders meh dänke.
    Bisch du scho bim Frauearzt gsi?
  • Min zyklus isch eifach normal wiiter gange woni de nuva ring abgsetzt han. Bini mega froh gsi. Aber es wot eifach nöd. Nei bin nonig gsi. Wot etz aber bald mal en termin mache u mal luegä was bluetwärt u so säged.
  • Ich bin au 36gi und warte ufs 1 Wunder☺️ ha nach 1 Jahr versueche id Kiwu gwechslet zum nöd meh Ziit verlühre. Bi eus isch alles i.O han alles undersuechelah. Seinzige isch mini GKS darum mueni mich Hormonell unterstütze. Wie lang üebet ihr scho?
  • Hallo mitenand isch na öbbert aktiv da?

    Ich bin 34gi und jetzt aktuell innere Kiwuklinik und hoffet bald uf euses erste Wunder. Bald chani mit de erst IUI starte. Isch öbbert innere ähnliche Situation und mag sich ustusche?🥰
  • Liebi Pallas

    Mir sindfür üses j2. wunder dra ha 2 iui ka und e fehlgeburt hoff im neue johr neus glück 🥰
  • I bi 35 erst grad worde sind au mit üsem 1 Wunder dra... Han erst vor e Monet e Fehlgeburt ja... Hoff dass es nöchst Johr klappe tuet...
  • Oh jeh das duet mer leid🥺wünsch eu beidne viel kraft🍀Ich bi nanie schwanger gsi.. schient au alles i.o zih es klappt eifach nöd🙇‍♀️
  • wie viel spermiogramm häd denn din Maa scho gmacht?
  • Mir händ scho 2 gmacht und beid sind iwandfrei gsi, bi mir isch eifach dEizellrifig biz langsam aber das wär alles wos meinet a dem chas si🤷‍♀️. Was für en Grund hend ihr?
  • Möcht dir jetzt nö d hoffnig weg neh aber i kenn öber wo spermiogramm gmacht hend zwei super und wos die 1. iui gmacht hend hends möse abbreche wels 0% guet gsi isch 😬 druck dir uf jedefall dumme und dases hoffentlech bald ihschlot
  • Aber ich denke das das eher e selteni Usnahm und nöd normal, wenn bi 2 Spermiogramm und 1 Postkoitaltest alles Top gsi isch und bi de IUI grad 0% isch den isches recht Pech. Vo dem hani ehrlichgseit nanie ghört😅Nei da nimsch mer kei Hoffnig da vertrau mim Arzt voll und ganz😄
  • Hallo @PallasIch wür mer da nöd zvil gedanke mache, würs au eher als selte bezeichne, klar es git immer die Person wo mer kennt wo irgendwas passiert isch und e usnahm blibt..ha dir e PN gschickt wend lust hesch zum zemme Hibble😎
  • @ZIREAEL mir sind sitem Mai dra. Wart etz au mal no chli und susch redi mal mit de FA
  • @lachuli oje duet mer mega leid hoffe das bald wieder klappt 🐞
  • I würs ebe mega gern uf normalem wäg schaffe drum wrti etz mal no chli aber so nacheme jahr mussi glaub au mal kläre la wieni witer mache söll
  • @Speedilein Ich druck der Dume das es klappt, ich han genau am 1.1 NMT🙈 mag gar müm warte😅 Wo stasch du grad im Zyklus?
  • @zireael bi mir is am 2.1 sowiit 🙈 chans au chum abwarte
  • @Speedilein Oh na öbbis, ich wür viellicht paar abklährige glich jetzt scho mache falls es nanig gmacht hesch, bi mir isches z.B nur e Gelbkörperschwächi wo e Schwangerschaft verhindert.. leider het mini FÄ das nid gmerkt😤 ide Kiwu dörfis uf normalem weg Probiere.. ich chum eifach na Medis über. Aber all die abklährige gönd leider es Ziitli😅
  • @Speedilein Ohh cool den chömmer ja zämme biz Hibble si🙈🙈🙈 sind ja au fast glich alt🤣meine Jung😏
  • Ja mache nächst wuche e thermin ab. Aber danke viel mal.
    Druck der au gaaanz fest dume das klappt. 🍀🐞🎉
  • @ZIREAEL 😄 ja stimmt sind glich jung😉 ja zäme hibble isch immer schön. Und hoffe das dä bi eus beidne klappt
  • @Speedilein Danke🥰 falls i de nöchi ZH bisch kenni e gueti Kiwu, aber die erste Tests chasch ja bim mormale FA mache. Isch würklich schön öbbert im gliche alter kennezlerne wo au ufs 1 Wunder wartet🤗. Glaub @lachuli isch au i eusem Jahrgang .
  • @Zireael ja isch so. Chli ustusche u drüber zrede duet guet.
  • Hoi zämme
    Sit 2 Täg müess i mehrmols uf 🚾 go. Starke Harndrang... Sletschmol wo i das ka han isch im Oktober gsi und döt han i positiv testet.
    In 3 Täg sött min Drache 🐲 cho oder ebbe nit... 😉
    I bi Johr gang 85 😊
  • @lachuli Uii das wär ja mega schöön würs so schnell wieder klappe🙈🥰Druck der Dume🍀🍀🍀 Es diet guet so viel Positivi lüüt kennezlerne🤗
  • @zireael danke 😊 i glaubs nonit so recht... 😉 Es hätt i den scho gar schnell klappt.... 😉
  • @ lachuli i hoffes so für di. Wer mega schön.
    No e frag heissisch du sandra? 😉
  • @Zireael ja i bi vo züri. Wür dä gern druf zrug cho😊
  • @Speedilein Oh so cool gisch eifach bscheid🤗
  • @Zireael ja machi doch. 😊 vo wo bisch dä du?
  • @Speedilein Vorher Kreis 3 jetzt im Kreis11 und du?
  • bearbeitet 27. 12. 2020, 13:28
    @Zireael Ah ok. I wohne i langnau am albis
  • @Speedilein Grad uf de andere Siite🤣
  • Ja i heiss Sandra 😊😉
  • Wen werdet ihr afange teste? Ich hoff ich halts durre bis nach Neujahr🙈🙈hend ihr scho Symptom?
  • Also i wird am Mittwuch teste falls bis Zischtig nüt passiert..
    Muess sit 3 Täg ständig ufs 🚾 go und hüt han i Lichti Übelkeit ka...
    MAG au nit wirklich esse...
  • Druck der Dume gaanz fest🍀🍀🙏😊

    Ich han Brustspanne und Buchweh,aber das chunt sicher na vo de HCG sprütze (die chumi über zum de ES uslöse) und verfälscht de Sst bisch Es+10 oder länger drum chani nöd vorher Teste. Aber solang sBrustspanne na da isch sött alles guet si, susch gahts amigs 1-2Täg vorher weg wens nod klappt het🙇‍♀️
  • Also i han hüt liechti bluetig gha aber etz isch wieder nüt. Hoffe so uf inistig. Han au uf de rächte sitr immer wieder e liecht, mängisch au chli sterchers zieh. I teste am dunnstig scho. Dasi weiss wasi am abig dörf. 😄
  • bearbeitet 27. 12. 2020, 22:12
    Ja und ufs wc mussi sit hüt au ständig.
  • Hallo zäme... druck oi allne fest Dume!
    ich ben 39gi ond mer händ em Frühlig met de Abklärige agfange! Eifach wäg mim Alter ond well alles chli Ziit brucht!
    alles ok be ois beidne aber hed eifach ned wele klappe! Au met Insemination ned!
    Jetz die erst Stimulation met Follikelpunktion gha! Transfer am 12.12. dörfe ha ond a Wiehnachte dihei en positive Test! Send mega happy ond gspannt of de erst Ultraschall em Januar!🥰
  • @Denise81 sooo schön. Gratulier der. 🥰 ja das glaubi der das gspannt bisch. Froit mi so für di.
  • @Zireael wie gsehts bi dir so us?
  • @Speedilein Also mini Brustschmerze sind scho weg ich rechne nach absetzte vom Progesteron mit minö Täg das wär ca am 3.1.
  • Wie gahts eu ?
  • I han hüt negativ testet... Min Drache 🐲 sött demnächst cho... Uf e neus Zyklus im neue Johr 😍🥰
  • @lachuli Duet mer leid😞Ich han au scho abgschlosse, ich red mal mit de Kiwu obi nöd doch scho die Künstlichi Befruchtig cha mache, ha grad nüm so list uf die ganze Termine, Sprütze und Medis😤UF es neus besser Jahr für eus 2🥰
  • Bin am 23.12. am Obe i 2. ÜZ gstartet. Leider liid ich a ständige Zwüschebluetige. Lid wohrschinli ade Portioektopie am Muettermund. Sehr müehsam.
  • @dixi90 Hesch das scho abklähre la?
  • Ohe duet mer leid. 😔 ich bin no am warte u teste am dunntig. Han aber au nüm so hoffnig
  • Ohe duet mer leid. 😔 ich bin no am warte u teste am dunntig. Han aber au nüm so hoffnig
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum