Baby 6.5Monate verweigert Milch immer mehr

Guete Morge zämme 😊

Min kleine 6.5Mönet verweigeret d Mumi immer mehr &‘ Pumi nimmt er nid. Mumi ussm Schoppe nimmt er aau nid. Wasser trinkt er super ussm Schoppe aber sobald er merkt das Milch dinne ish nimmt er’s nid.

Er bekunnt dreimol am daag Brei - Mittag, Nomidaag &‘ Obe, die isst er sehr guet. Am Morge und Obe Still ich ihn eig aber er trinkt immer weniger, was mir sehr sorge macht. Kennt sich do öbbr uus? Het mr öbbr e tipp? Söll ich ihm am morge au brei gäh oder was meinet ihr, gits en Tipp wie ich ihn s Stille widdr kha schmackhafter mache?

Bin um jede Tipp + Erfahrig sehr dankbar 😊 will mach mr ächt sorge, dass er zwenig bekunnt.

Wünsch e Schöne Sunntig

Kommentare

  • Hallo Fabienne😊 mach dir nid zfest gedanke,min kleine het mit 7 monet fascht nur no feschti nahrig welle esse,kochti gmüesssticks,teigware ect. Und vom einte Tag ufe andere het er nur no in dr nacht welle gstillt wärde. Solang di Sohn fit isch würdi mir keini Sorge mache😉
  • Mine het au so mit 7 mt. Brei- & Fingerfood bevorzugt. Het denn eifach nur no Abe- und Morgestille welle. Er het sich denn mit ca. 10 mt. selber abgstillt. KiA het mer denn gseit, si total ok (gwicht isch immer konstant gsi). Han mier denn au immer mega sorge gmacht. Aber solang sie fit & zfride si, würdi mier da nimme so gross gedanke mache 😉. Dis chind nimmt denn scho, was es brucht
  • Mini het mit 5 Mönet scho ke Shoppe me gno. Ha itz mit knapp 9 Mönet 4 Breimahlzite 👍 die chline chöme de scho we si Hunger hei 🤷🏻‍♀️
  • danke euch allnee für euri Antworte - das beruhigt mi shomol sehr 😊 meh macht sich halt sho mega Gedanke, ich dänk vorallem bim erste Kind
  • Min chline trinkt zbsp überhaupt nöd gern wasser usm schoppe, ich gibs ihn immer imene chline espresso tässli 😂 vo det trinkt er sehr gern wasser.. versuech susch din chline au Becherle vlt chunts denn irgendwenn wieder..
    Wie isch es i de nacht schlaft er denn dure?
  • @Yul danke für de tipp aber das hani aau sho probiert, will am ahfang het er sWassee nur us gläsli trunke &‘ wonis mit milch probiert ha, het er’s grad abglehnt 😌
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum