Positiver Test aber nix

Hallo zusammen

Völlig unerwartet habe ich heute Morgen positiv getestet. Unerwartet, weil ich ab Eisprung mit Schmierblutungen zu kämpfen hatte und bereits nach einer Woche eine leichte 2-tägige Periode stattfand. Da meine Temperatur aber seit gestern wieder stieg (nur 1 Tag war tief) und ich auch sonst 1-2 seltsame Dinge bemerkte, wagte ich einen Test. Ich bin/wäre heute aber erst ungefähr ES+11/12 bzw. ZT5.

Zuerst mit dem Migros Safe & easy Frühtest. Da ein leicht rosa Strich zu sehen war, habe ich noch einen digitalen Clearblue mit Wochenbestimmung gemacht. Dort hiess es Schwanger 1-2 Wochen. Beide Tests machte ich mit Morgenurin. Ich zitterte am ganzen Körper und rief meine FÄ an. Ich musste sofort zu ihr, um eine Anti-D-Prophylaxe zu spritzen. Zuerst untersuchte sie mich aber vaginal. Leider war die Schleimhaut sehr dünn, zu dünn für eine Schwangerschaft.
Im Bauchraum sah sie etwas freie Flüssigkeit, aber rein optisch sieht es nicht nach einer SS aus. Der Urintest in der Praxis vor dem Mittag fiel ebenfalls negativ aus.

Naja. Ich ging also wieder nach Hause und verbrachte meinen freien Tag deprimiert auf dem Sofa.

Nun hoffe ich, dass sich mein Zyklus bald wieder einpendelt. Keine Ahnung, ob ich irgendwie noch schwanger bin oder es jemals war. Im nächsten Zyklus soll ich dann in der 2. Zyklushälfte Utrogestan nehmen. Mönchspfeffer soll ich weiter nehmen.

Danke fürs Lesen.

Liebe Grüsse
Dixi

Kommentare

  • Positiv bleiben 🌷 die Medizin hat ihre Grenzen und das Leben ist voller wunderbarer Überraschungen.
    Ich wünsche nur das Beste 💐
  • Mir ging es auch mal so. Im Blut wurde dann SS-Hormone nachgewiesen. Ich war kurz schwanger. Habe dann im nächsten Zyklus ab 12. Zyklustag Utrogestan genommen und keine Schmierblutungen und ich blueb schwanger.. (hatte dann eine Fehlgeburt, aber das hat nichts damit zu tun). Viel Glück 🍀
  • @Bindli Bei mir wurde kein blut abgenommen und ich weiss aktuell gar nicht, ob ich schwanger war oder es noch bin 😞 Ich werde wohl am Freitag nochmal testen. Bin nur unsicher, ob ich jetzt noch Utrogestan nehmen soll...
  • Kurzes Update:
    Gestern Abend noch einmal mit sehr verdünntem Urin einen Migros-Test gemacht. Er hatte eine feine rosa Linie. Heute Morgen dann noch einmal einen digitalen Clearblue (dieses Mal ohne Wochenbestimmung). Auch wieder „schwanger“... mmmh.
  • ich fiebere mit dier mit und hoffe fest, dass es klappt hed und alles guet isch! komisch ischs uf alli fäll, hesch numal mit de FA gredt?
  • Meiner Meinung nach bist Du schwanger. Dass beim Zeitpunkt des FA Besuches noch nichts zu erkennen war, ist fast klar. Normalerweise macht man den ersten FA Termin ja auch erst ab der 7./8. Woche.

    So viele positive Tests. Der FA hätte Dir Blut nehmen sollen und nochmals einen neuen Termin geben sollen für eine weitere Entnahme.
  • Ich glaub au das du schwanger bisch😁 falsch negativ gits viel aber falsch positiv isch fast nid möglich. Bim FA eifach nu z früeh gsi dänkich
  • Sie hed kei Test und au kei Anti-D-Prophylaxe gmacht, wöu mini Gebärmuetter nid noch Schwangerschaft usgsehd (dünni Schliimhut). Han jo vorher über ä Woche (Schmier-)Bluetige gha. Wirde wohrschinli morn nomou alüte und froge, wie lang ich das söu beobachte und öb mir nid söttid Bluet nä. Han chli Angscht vonere Eileiterschwangerschaft 😞 Sie hed mi jo hei gschickt mit de Wort „Das isch nüd und muess nid beobachtet wärde“. Aber ich fühl mi halt schwanger und es zwackt im Buch.
  • Wetsch nid ä angeri FA suechä? Angst vor ihrä isch nid guet.
  • Dixi90 dini gschicht isch jo ächt schreg i würd uf jedefall e anderi FÄ ufsueche und dast schnellst möglech chasch verbii go nö das sich d Eileiterss am weekend bemerkbar macht und du notfallmässig in spitol muesch wet dir aber kei angst mache 🙏🏻🙏🏻🙏🏻
  • Total komisch?! Keis bluet abgno? Wie will sie denn bestimme ob zHCG gstige isch? Und wie will me ihr 5. wuche eppis gseh? Ich würd glaub au wechsle? Vor allem, da du ja so mind. 2 positivi SS-Test hesch.
  • @Sti Han nid Angscht vor minere Ärztin, sondern Angscht vonere Eileiterschwangerschaft ☺️

    Grad nomou teschtet. Dütlicher god fascht nümme. 6cc4a270-729d-11eb-ba15-c377ca5eb540.jpegHan grad ir FÄ aglütet. Praxishilf hed kei Ahnig, aber klärt‘s mit de Ärztin ab und lütet mir när zrugg.
  • denn söll si umbedingt d Eierstöck korekt kontrolliere und i dä vor dä 6ssw gsehtme ächt no nüt gid au sötegi womer erst idä 8ssw was gseht
    Viel kraft für die situation 🙏🏻
  • Bi stilli mitläserin gsie, iz bini auso scho gspannt wis bi dir usgeit, hei si dr scho aglütet?
  • Sie hend vorhär grad Bscheid gä. Ich seig jetzt offiziell schwanger 😍🤔 Ä Bluettest haltid sie nid für nötig. Ich söu optimistisch sie und dörf am 12. März zum 1. Ultraschall. Ich söll mi eifach sofort mäude, wenn ich Bluetige, Fieber oder Buchweh bechume.
    Vitamin D-Prohylaxe bruchis jetzt doch nid, da de Test zum Ziitpunkt vode Bluetige no negativ gsi isch. S‘Utrogestan sölli witernäh. Ich hoffe so fescht, dass es guet chund ❤️🍀
  • erscht am 12 März eh Termin ?
  • @JennyHelin Ja leider. Sie ist ziemlich ausgebucht und zu früh sei auch nicht gut, hat sie gemeint.
  • ♥️ gratuliere ♥️ melde Dich doch bitte nach dem 1. Termin 😁
  • Viu Glück u mäud Di de.
    Lg
  • Sehr gerne ❤️
  • Ich danke euch!!!
  • So schön ichvgratulier dir und hoffe fest das sich dä chli zwärg fest a di krallt 🙏🏻🙏🏻🙏🏻🍀
  • Merci ❤️ das hoffi au. Sind extrem gmischti Gfühl. Uf de einte Siite ä wahnsinnigi Freud, uf de ander Siite au dAngscht.
  • Das isch normal und föllig ok 🙏🏻
  • Han hüt churz is Spital müesse wägere rosa Konaktbluetig (negative Rhesusfaktor). Isch aber nur wäg minere stark usprägte Portioektopie gsi - wie vermuetet - und nid schlimm. Sie hed denn no grad ä Ultraschall gmacht. Leider hed mir nur ä Fruchthöhle gseh. Bi 6+2 müesst do meh si. Sie hed mega lang gschallet, sich ächt vöu Ziit gno und denn sogar ä chliine Schatte gfunde, wo vor Grössi här würd passe. Aber isch aues nur sehr ungwüss. Nöchscht Fritig isch jo denn de 1. Ultraschall bide FÄ. Hoffentlich hend mir denn Gwüssheit, öbs ä Eggehocker isch oder nur es Windei 😕
  • Oje, drückä Dümä dass mä am FR meh gseht und alles guet chunnt.
  • Druck au ganz fest Dume 🍀
  • Hüt de 1. Termin gha und tatsächlich keis Windei. S‘Herzli hed pöperlet 😍 22b0d7f0-831c-11eb-812a-1b6de8c69cc3.jpegJetzt muessi 5.5 Woche bis zum nöchschte Termin warte 😩
    aenn
  • Ooohhhh 😍😍 gratuliärä vo Härzä. Ha paar Mau a Di dänkt di Wuchä. Aues, aues Guetä 😊
  • Merci @StiJetzt macht‘s doppelt Freud im Buech dschmöckere ❤️
  • Ohhh so schön ❤️ gratuliere vo Härze ☺️
  • Oooh so schön 😍 gratuliere 🥰
  • dabidabiduuuuuu 🥳🎉🍀♥️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum