Novemberli 2021

Heeeyy Fraue!
Vori gad mi Positiv Test ir Hand gha! Bi total ufgreggt u freue mi wahnsinnig!!!
Würd mi sehr gern mit gliichgsinnte ustusche🥰
«13

Kommentare

  • Gratuliere 🥳
  • Ich han wohrschinli Ändi Oktober Termin gem. App. Bin gspannt was dFÄ nöchscht Woche meint. Evtl. gods jo denn glich es Novemberli, wenn‘s sich Zit lod.
  • Gratuliere dir! Si mr gspannt waser meint wegem termin!🥳👍 haltisch mi ufem laufende?🥰🥰
  • Hoi Himmugüägäli und dixi90 ☺️Bi grad uf dr Suechi gsi nachem ne Forum, wo ig mi mit Fraue ir gliche Situation cha ustusche 😀 Bi mir sötts ou im Novämber (afangs) so wiit si.. 🥰 Ha vorgeschter dr positiv Test ir Hand gha und bi total hibbelig 😇🤩 Weiss gar nid, wie ig das die nöchschte Woche söu ushalte.. ig ha erst am 23.3. e Termin bim FA becho 😣 Nimme a, dir sit ou s‘erschte Mou schwanger? Heit dir scho Symptom? Bi mega gspannt uf üchi Erfahrige und üches momentane Befinde.. ☺️
  • Hooi Carino!
    Wow mir zwe hei mega viel gmeinsam!
    Ha o erst gad de pos. Test gha u mi FA-termin erst am 24.3. 🤯Ig ha immer wieder es zieh im unterbuuch, schwindel u totali müedigkeit.. und bi dir?
  • 😅 S‘Zieh im Unterbuuch und Müedigkeit hani ou. Schwindel nid grad, aber mir isch eifach richtig übel. Und mini Brüst si sehr empfindlich 😩 Aber s‘Schöne isch jo, dass me weiss, wieso me das het 🥰😁
    Eulchen
  • Müedigkeit hani erscht sit dere Woche (7. Woche), aber dÜbelkeit scho länger. Vor auem wird sie hüfiger. Muess wirkli ca. all 3/4h öpis ässe, söscht kippets. Ächt müehsam bim Schaffe. Brüscht sind ou chli empfindlich. De Schwindu isch besser worde. Nöchscht Fritig, 12.3., hani ändli de 1. Termin bi 7+1.
  • Ig ha Bluetige gha bzw. immer no. Bi hüt bir FA gsi wäge däm. Leider hei mir üses Baby verlore 😞 Nur damit dir wüsset, wieso ig mi nümm mälde im Momänt. Ig bruche Zyt. Wünsche üch aber würkli vo ganzem Härze alles alles Gueti und nur s‘Beschte für üches chline Glück ❤️😊
  • Duet mir mega leid :-( Ganz vöu Chraft!
  • I wird in 1 Wuche wüsse ob i do def. dörf bitrette... 🥰 Bi ES 7 und Tempi isch hoch... 🥰
  • @Cariño tuet mir au meeega leid. 😪
  • Hallo liebi wärdendi Mamis😍
    Ich ha au grad e positive Test in dr Hand gha, s isch jedoch mis 2. Kind. Find aber e Ustusch in dene soooo spannende Mönet sehr schön und würd mi gärn euch ahhänge😊
    @ cariño, duet mer sehr sehr leid! Alles Gueti euch🍀
  • Ciiiao Rebi! Heiii soo cool Gratuliere! Freue mi ufne ustuusch🥰
  • Danke😊 wärdet ihr alli zum 1. Mol mami?
  • Bi mir isches z erste - ja🥰
  • Viel glück allne 🥰 ha im 2015 es November meitli becho ♥️🍀 und jetzt warti uf Nr. ET 27.3

    Schöni zit euch
  • Uiio so spannend.
    @ samira, dir au, isch jo gli sowit😍
  • Jaa bald bald 😂🙏🏻 🥰🥰

    Danke
  • Hey zäme..
    Ig muess die gruppe leider verla... 😢ha gester starki bluetige becho u ga morn no zur bestätigung is frauespital das üses wunder leider ni bi üs het wölle blibe.
    Ig wünsche euch vo herze alles guete❤️
  • Duet mir so leid, @Himmugüägäli🐞 😢 Ganz vöu Chraft ❤️
  • Oooh nei das tuet mir den leid 😪😪
  • Falls de no do bisch, duet mer ächt leid. Hani au scho müesse erläbe, isch unschön. Alles gueti dir🌺
  • Und wie gohts allne Andere?
    Ich ha hüt dr 1. FA-Termin gha, Härzli schloht😍
  • Oh wie schön 😍

    I ha min Termin erst am 29. Bi denn gad ide 9. Ssw. Mag chum gwarte.

    Händ ihr au so viel Beschwärde? Mir wirds am Nomittag immer schlecht, am Obet hani en richtig ufblähte Buch und mini Brüst dönd mega weh.
    Find das grad alles nöd so cool 🥲
  • Uuui, do chasch di aber druf freue😍

    Mmh also mini Brüscht sind sehr empfindlich. Sunscht bini chli müeder wie sunscht und ab und zue e zwicke im Unterbuuch. Aber beklage channi mi nit, bi au in dr 1. SS vo A-Z topfit gsi, agseh vo Kleinigkeite. Hoff das wird jetzt au eso🙏
    Hesch denn du d Möglichkeit go liege? Oder hesch scho e Zwärg wo di uf Trab hebt?
  • Jo genau, s'zwicke isch au no 😂

    Nei, i ha nur zwei Hünd. Die bruchet zwor au Zit, aber i ha gnueg Zit zum mol aneligge.

    I hoff au, dass es wieder glich schön ha wirsch! Bim Zweite weisch wenigstens schomol was so uf di zue chunt 🤗

    Wie alt isch denn dis erste Chind?
  • Mit de Hünd muesch viel laufe....
    Aber mi Arzt het immer gseit ich söll mi viel bewege, damit im Rugge nüt hängt...

    Mmmmh das z wüsse isch nit in jedere Situation guet😂 Schlofmangel😱 das chasch dr erst vorstelle wenns gha hesch🙈
    Aber freu mi druf znacht chönne bäbele, s het so öppis friedlichs findi.

    Er wird jetzt denn 1,5.
  • Jo s'laufe duet au guet.

    Mir hät de Schlofmangel scho mit de Welpe amel glanget 😅

    Ui mit 1½ häsch mit ihm aber sicher au viel z'due
  • Jä guet, denn hesch jo e chliine Vorgschmack🤗

    Jooo s wird mer nit langwiilig mit mim Wirbelwind😋
  • Wohär chömmet ihr Mamis do inne?
  • Hallo zeme!

    Min name isch Siria, bin 23gi und momentan ih de 8. wuche
    Am 01.03 hani de positiv test ih de hand gah, zum FA chani erst am 01.04 und chas chum erwarte.
    Gmäss minre App isch de ET am 03.11.

    Sit paar tag hett bi mir leider d übelkeit ihgsetzt.

    Freu mi mich mit eu uusztusche
    Lg
    hane
  • Gratuliere Dir, weli Folsäure nimsch zu Dir?
  • Dankeschön☺️ Ich han d tablette vo babyforte
  • newmom21 schrieb: »
    Dankeschön☺️ Ich han d tablette vo babyforte

    Oki. Sind die aber nid vo Deutschland? Muess me die bstelle?
  • Ja, isch en dütschi firma. Lieferet aber au id schwiiz.
  • Ui ich gratuliere dir!

    Denn mönd mir fast glich lang hibble, cha de Mentig chum erwarte 😅

    Blödi Übelkeit.
    newmom21
  • Au dir gratuliere!

    Jaa das glaubi, ich freu mi scho riesig uuf de termin. Und hoffe natürli dass bis denn no alles guet isch🙈
  • Jo genau da macht mi so nervös. Ich alles guet? Ischs kei Windei oder e Eileiterschwangerschaft usw. Und denn gohts jo nomel e paar Wuche bis s'erste Trimester dure isch 😌

    Händ ihr scho e wili e kind planet?
  • Ha gest chöne de erst US mache und gseht alles super us, au s'Herzli hani gseh pöperle 😍

    Jetzt wirds so richtig real.
    newmom21
  • Hallo zäme,
    Isch die Gruppe na aktiv? Han gester min erste ultraschall gha und alles gset guet us. S baby isch usgrechnet uf de 28. November! Würd mi gern mit eu über eui Erfahrige ustusche 😍
  • Hallo littletulip. Weiss nöd öb gruppe no aktiv isch. Uf jedefall gits bi üs au es novemberli. Mir hend de et am 25.11🙂
  • @Himmugüägäli🐞 Das tuet mer sehr leid😣😔 viel Chraft wünschi dir🙏🏼
  • @littletulip und @SVeNjA2020 gratuliere eu!

    I bi vor e paar Täg am obet in Notfall, well i plötzlich Bluetige gha han. Am Chline gohts guet, sie wüsset nöd woher das es chunt. Macht scho gad Panik 😥

    Aber so hani defür nomol e US Bild und s'Herzli ghört schloh 🥰


    Wie gohts eu mit de Ss Symptom?
  • Gratuliere dir au❤ uii jo macht scho panik. I han au mol so komische usfluss gha. Kei ahnig woher. Wenn hesch du et? Sorry hesch sicher scho mol gschriebe obedra🙈
  • Bi mir isch vorallem müedigkeit.. und ab und zue isch mir schlecht. Und bi eu?
  • Bi mir au, vorallem müedigkeit. Schlecht ebe luschtigerwiis ned e so stark. Ab und zue chli flaue mage, aber ned meh.
  • Hallo zusammen

    Als aller erstes gratuliere euch allen. Bei mir sollte es am 22.11 soweit sein.
    Meine Frage an euch: Wie sieht es bezüglich den Stimmungsschwankungen aus?
    Ich könnte an manchen Tagen nur heulen und im nächsten Augenblick, bin ich total euphorisch. Geht es hier Jemanden ähnlich?
  • Ich habe ET Ende Oktober, also somit könnte es auch ein Novemberli geben. Stimmungsschwankungen sind häufig. Ich leide zum Glück nicht darunter. Leider hatte ich wochenlang starke Übelkeit. Mittlerweile (13. SSW) schon viel besser, aber noch nicht weg 🥵 Auch die starke Müdigkeit plagt mich noch immer...
  • I merk afoch zum teil dasi mengmol mega empfindlich reagiere.. jo und mengmol hani au täg wonni vill chönt hüülä. Isches eues erste kind?
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum