Kind spielt mit Elektro Storen 😱

Jessness · 20. 04. 2021, 16:38

Hoi zäme ich ha es problem und zwar duet min 2 jährige Sohn gern mit de Store spiele er druckt immer dKnöpf zum ufe und abe lah. Hend ihr mir echt en Tipp wieni das cha uninteressant cha mache oder giz sogar sicherige für das? Sind ebe neu züglet und hend das ebe noni so lang drum ischs für ihn wahrischlich au so spannend. 😅 Bi froh um jede tipp 🙏😅

Yul · 20. 04. 2021, 18:31

Spiele la irgendwenn het er kei interesse me 😁🤣

Shaksa · 21. 04. 2021, 19:46

Üsen machts bi de grosseltere. Oder, hetts gmacht. Hett es paar mal niemert reagiert, sither isches langwilig. Daher; ignoriere 😉

Miette · 21. 04. 2021, 19:56

Isch bi üs au grat der renner. Ignoriere ne (oder probieres...). Aktuell isches chli weniger interessant.

Jessness · 22. 04. 2021, 07:20

Hani mir ebe au scho überleit, aber mir hend ihn mal mache lah und denn het de store für es ziitli nüm funktioniert wahrschinli wel de motor überhitzt isch. Drum hemer chli schiss daser chönt kaputt gah dur das. 😅

Miette · 22. 04. 2021, 08:34

Und wennt ne ablenksch? Gisch me eppis nu interessanters zum spiele? Ha mim chli de immer sis lieblibsbüechlo bracht & de heimer ne chli chönne ablenke (isch zwar nit ver lang gsi 😂🤣).

Jessness · 22. 04. 2021, 10:48

Das hani au scho probiert ha fäng so viel usprobiert weiss nüm was mache. 🤪

Niggeli · 26. 04. 2021, 22:20

Min Maa isch StoreMonteur und seit au in eifach mache lah. Daser nüm funktioniert wener lang spielt isch nur de hitzeschutz vom Motor, aber kaputt gahter wege dem nid😉