Kind 2 Jahre – Isst fast nichts

bearbeitet 9. 06. 2021, 21:48 in Ernährung
Hallo Zämme

Mini Muss isch jetzt 2½ .. sie isch scho immer echt schmal gsi und bide Kurve immer unä ..

De Arzt hät mir bide 2 Jahreskontrolle gsei ich muss 2 Mönät lang alles ufschriebe was sie so isst und wie viel (abwäge)

Sie händ de gseh das sie gnueg isst (sie isch ja sust au fit)

Jetzt isst Sie sit 3 Täg fascht nüt ..

Kein zMittag hät sie gässe 😪 au ihres lieblingsässe ned ..

Am Abe isst Sie de öppis aber au ned viel..

Due ihre immer öppis ahbüte.
Mach ich mir zviel gedanke ?
Isch es echt wäg de Hitz ?
Kennt das öper ?

Dank für euchi Tipps

Kommentare

  • Hoi Jenny, üsi zwei sind jo glich alt und ihsn scho immer sooo en schlechte esser ka. i frögen amel waser gern esse wet. den isch dChance amel grösser dasers isst. im moment hemer au wieder eh schlechtesser phase. muss wieder viel ihm geh und er luegt den büechli ah. hend su täg woner au nöd viel isst. i denk den immer er nint sich den scho das was sin körper brucht und zmol isster wieder eh rise portion nüddeli oder Polenta oder riis. Frücht isster nu öpfel und gmües nu spinot 🤷🏻‍♀️ i wür me do jetzt nöd gross gesanke oder sorge mache
  • ah jo und er tur me neu sehr gern bim koche helfe und mit koche das hilft au wener sis rüreili selber mache törf oder selber kiei ufs knächebeot schmiere chan
  • Wie gross und schwer isch si de?
    Mini zwöiti Tochter isch o ganz schlimm. Mit guet 5 Mönet ke Shoppe meh wöue und mängisch isst si eifach nüt! I finds ungloublech chräftezehrend und kenne das vor Grosse gar nid 🙈Itz mit grad jährig wiegt si 7,5kg gwachse ischsi aber immer guet und isch itz 75gross. E Tip hani nid aber du bisch nid ellei dermit 🍀
  • Sie isch jetzt 91cm und wiegt 9,4 kg

    Ja mach mir scho chli sorge .. hüt hät sie zum glück na chli Birchemüesli gässe..

    Wo chaufed ihr de chleider ?
    Hose muessi immer im 74i nehv🤭 im summer gat ja das super aber sust muessi immer alles ih näihe la
  • I muess o alles inäihe 🙈 d Hose vor Grosse gö ihre obe überhoupt nid 😂
    I versueche mi immer uf mis Gfühl zverlah, das ihri Entwicklig guet isch und mir so nid zviu Sorge zmache
  • Ja sie isch ide Entwicklig super ! Das hät de Arzt au gseit (Sie isch sehr wiit).
    Und sust isch sie au Topfit !

    Also vo dem her machts nüt.. aber es isch scho krass das de Nachbarin ihri tochter mit 12 Mönät schwerer isch wie Sie und die kommentär vo andere lüt (so quasi obi ihre nüt ässe gib) duet scho weh.

    Was na für schmali chinder guet sind sind Bodys und so vo Name It die sind vom Zalando.
    Dert gänd au dleggings super.
    Aber Jeanshose hani ihre na nie chöne ah zieh
  • mir hend viel h&m wel Migros isch zgross und zbreit gschnitte. migros gotem su no 80 bi de hose.
    er isch knapp 11kg schwer und 86 gross.
    esse isch definitiv kai liedeschaft vo mim bueb und er isch mega heikel. abr solang sie sich guet entwicklend machi mir albe kai sorge 😆🤷🏻‍♀️
  • @JennyHelin hender den au bluettest müese mache? Üsi isch au uf de 10% kurve umenand und het müese miteme fingerpicks bluet geh. Den hens ise, schilddrüse und gluete testet und isch alles guet gsi.. vilich beruhigt dich da denn au?
  • Hallo Manaya
    Ja das händs au gmacht und isch alles tip top gsi ...
    Ich muess säge min Mah und dFamilie uf sine siitä sind alli extrem dünn aber lang.
    Bi minere Familie isch eh eher anderscht umä 😄.

    Zum glück isst mini chli wider guet 😁😬 isch glaub echt weg de hitz gsi.. hät de halt viel chalt geh (Birchemüesli und co)


Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum