Jeden Abend liege ich 2-3 Stunden neben meinem 5.5 jährigen

bearbeitet 19. 10. 2021, 08:22 in Familie und Beziehung
Weiss nicht mehr weiter. Mini war nie ein guter schläfer. Nun ist er 5.5 jahre braucht jeden abend 2-3 stunden zum einschlafen, schläft nie alleine und nie durch. Er kommt ende august in den kindi, und wird im dezember grosser bruder.

Wie soll ich das schaffen? Wir haben alles probiert, schlafberatung, homeopathie, osteo, kineseologie usw.

Wenn ich wütend werde nützt es nichts, wenn ich verständnins habe nützt es nichts, wenn ich es akzeptiere hilft es nichts. Er ist den ganzen tag müde macht aber trotzdem nie ein auge zu und will immer etwas machen.

Ich weiss nicht mehr weiter…

Kommentare

  • Oh ig schicke der vill Energie. Das tönt sehr sehr sträng. Heiter das mol ärztlich lo abkläre? Oder het er mol gseit wieso er nid möcht schlofe?
  • Ja das tönt würkli streng! Chunts denn au nöd drufah wo er schlaft? Aso chans nid a sim Zimmer ligge?
  • De kia meint är segi sehr intelligent chönni eifach ned abschalte. Und s zimmer hemmer lo uspendle usw esch de besti ort zum schlafe zimmer gwechslet bett umgstellt hemmer alles scho gmacht
  • I weiss es chunnt für vieli nid in frog aber was isch, wenn dir sis Bett zu üch is schlofzimmer würdet nä? Vilicht het er jo starki Trennigsangst ide Nacht und cha schlecht losloh 🤔 Schlof bedütet fürnes Chind trennig. Hesch ihn mol gfrogt wieso er so schlecht cha ischlofe?

    Mi Gross schloft au nid allei ii mit 5i und er isch no bi üs im Zimmer. Het sis grosse Bett näbe üsem.
    Miriii
  • Mi mah schloft immer be ehm im bett sett ahfang ah, aso är muess nie elei schlofe. Aber ihschlofe wäri schön elei und ned 2-3 stund wach näbe üs legge
  • Und sini antwort esch är segi müed aber sin chopf dänki no so vell🤷🏻‍♀️🙈
  • Hender vode Bachblüete White Chestnut schomal probiert? Das hilft sehr guet bim sogenannte ‚Gedankekarussell‘…
  • Jo das hani eifach no met star vo betlehem gmischt gah. Das chönti weder mol gäh👍🏻danke
  • @bireweggli oje das tönt rächt sträng. Ich chan dr nur fu mier als chind verzelle. Ich han am abig jewiils de chopf au nid chönne abstelle. Hanich hüt nu müeh, irgendwenn hani ahgfange am abig kassette/ hüt hörbüecher z lose. Das het mier immer ghulfe, so hanich mini gedanke ufd gschichte chönne länke. S darf natürlich nid all zu spannend sii, susch haltets eher wach. Vilicht chasches mal usprobiere miteme gschichtli woner scho mal ghört het und kännt. Hoffe ier findet bald e lösig
  • Ich wüür ihm zit lah..

    Chinder bruched amäl ziit und vorallem wener jetzt die nöchii brucht nur geh au wenns mengisch stresst glaub mehr irgendwenn wirts dir garantiert fehle wills nümme ume isch ☺️ daher gnüsses..
  • Ich begleite üsi 4.5 jährigi au no jede Abe bim iischlafe.
    Ihre hilfts wenn mir im Bett no de hütig Tag bespräche u so alles chönne abhake. U mengmal scho de nöchsti Tag plane zäme.
    Ner überchund si no e Beinmassage. Derna blib i bi ihre Händli haltend u warte bis si schlaft.
    Am Afang hämer au immer lang gha. Aber sid dem mirs so mache, klappets meisstens innert 30 Min.
    D Witz isch, je nervöser ich bi, je länger gats.
  • Kennst du den Podcast Schlummerland? Vielleicht hilft ihm der?
  • Ein Podcast für den Kleinen??
  • Oh halt durre 💪🏼 Würds mit ebisem versueche wo er sich druf konzentriere chan z.B. wisses rusche oder meereskläng und ansünste bim Kinderarzt nach ere überwisig ins schloflabor froge?
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum