Startseite› Geburt› Geburtskalender

Januar-Babies 2021 👶🏻

LoLa.LoLa.

3
in Geburtskalender
Am 06.01.21 isch d Alessia uf d Welt cho. Sie isch uu e zfriedeni, aber i de motorische Entwicklig nöd di Schnellsti. Aber wär schön, zum sich chli ustusche. Wer hät au vor 9 Mönet circa Nochwuchs übercho?

Kommentare

  • Wunschkinder👨‍👩‍👧‍👦Wunschkinder👨‍👩‍👧‍👦

    0
    De marlo esch am 5.01.21 zu üs cho:)
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Er esch e sehr sehr schlechte schlöfer...... 76 cm und 10.38 kilo.. er stot überall uf.

    Weso denksch dass sech dalessia zit lot?
  • GroanGroan

    228
    De Liam isch am 27.01.2021 ufd Welt cho! Er isch au überall am ufschtah und wenner öppis höchers het sitzt er uf. Vom Ligge her schafft er das nanig. Was ich amel merke, dass wenn er grad en motorische Schub het, denne staht defür de sprachlich recht still oder macht sogar momentani Rückschritt! Weiss ned, öb ier das au so erläbed! Aber isch spannend, kenne kei Babys im gliche Alter!
    Wo sind denn ier dehei?
  • LoLa.LoLa.

    3
    @Wunschkinder👨;‍👩‍👧‍👦 Sie chrücht nonig und hät au kei i teresse dra uf d bei stoh, au wenn mä sie druf stelle will. Aber pressiert jo au nöd. Sie blabberet defür ganz vill.
    Oh wow, do isch es stuck grösser als d alessia. Sie isch ca 69cm und ca 7,2kg.

    @Groan Mir wohned im TG, in Erle und du?
  • GroanGroan

    228
    Ja das pressiert würkli nanig! Chan denn plötzlich ganz schnell ga! De Liam reded defür ned so vill, ab und zue es tata😉
    Ich wohne in Züri 😊
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Aso rede esch be üs.. mamama..papapa und da.. zeigt de mitem finger. De no nei mit chopfschlttle unf jo miteme art lache.. kkatscht wenner was cha und winkt wenn öper goht... ufhocke esch zersch cho mit 7 mönet und ufsto aschküssend.. roppe mit 6.5 mönet und chrabble ersch sedere woche. Aber mini tochter esch det ganz andersch unterwex gsi.. het aber mit 9 mönet afo tierlut mache und mama säge.. het duregschlofe. Bem marlo semer meh als nur wit vo guet schlofe entfernt..
  • LoLa.LoLa.

    3
    Es isch scho mega krass, wie unterschiedlich di chline sind. Bin immer wieder erstunt.
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Jo wörkli.. vorallem brm schlofe
  • LoLa.LoLa.

    3
    @Wunschkinder👨;‍👩‍👧‍👦 wieso denksch er sig en schlechte schlöfer? Verwachet er oft i de nacht?
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Er schloft zum teil kä stund oder nur of mer.. wenns guet esch ses 2 stond am stöck.. länger het er nonie gschlofe. Spble esch, dass mer ned us sim zemmer döf.. er merkt das grad und brüellet. Wenn er imne sprong esch.. de well er sogar ne stonde dreit werde.. ohni dasd ne einisch chasch ablege.. gester fang geg die 00:00 chöne ablege mit ihm uf mer.
  • GroanGroan

    228
    Wow das isch streng für eu! Würkli krass wie unterschiedlich Chinde sind! Hender eu überleit es Schlaftraining zmache?
  • LoLa.LoLa.

    3
    Ohjee, das tönt sehr sträng.
    Isch er dis erste Chind?
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Ne i ha no es 3 jährigs meitli 3.10.18. mer heis mit 1001 nacht agluegt.. mer möche alles rechtig mit ritual etc. Er brucht halt dnöchi.. i denk die stressig schwangerschaft het im ned guet do
  • LoLa.LoLa.

    3
    Oh wow, ich bewundere dich, dass du das schaffsch miteme zweite chind. Ich finde, dass er so vill nöchi brucht isch s einte, aber dass er denn nöd länger schloft, findi fast aspruchsvoller. Schaffsch du wieder?
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    I be zum glück husfrau:)
    Darf jetz neb ihm kege😂ha drum ewig zit für chats🤣nur kä zit für min ma
  • GroanGroan

    228
    Hey mega wie du das nimmsch! Das tuet ihm sicher mega guet! Aber au als Huusfrau isches echt bewundernswert! Isch ja ned so dases zweits Chind nüt brüchti und de Hushalt staht au nie still! Ich bin mich etz grad am dra gwöhne, dasi ihn nüm eifach chli cha la spiele la, sondern er denn plötzlich im Bad isch oder …! Plus het er etz grad mega, dasi ned chan us em Ruum ga, er schreit grad uf! Hender das au chli?
  • LoLa.LoLa.

    3
    I han au mega respekt vor dir, @Wunschkinder👨‍👩‍👧‍👦. D Alessia macht gad wieder en Sprung und schloft drum chli schlechter i und mich forderet das scho mega. E wiili lang isch sie fast nur im Dondolo igschlofe, häsch das au scho probiert? @Groan D Alessia chrücht nonig und han mol gläse, dass vor allem wenn di chline mobil werded, sie denn schreied, wenn mä usem ruum goht und sie eim nöd hine dri chömed. Drum hämmer die phase glaub erst no vor üs.
  • GroanGroan

    228
    Aah so! Okay, denne mal luege wie lang das na isch!
    Wie ischs bi eu mit de zäh? Er bechunt etz grad sin erschte! Han s‘Gfühl ide Nacht heter chli müäh! Hend eui scho?
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Mer hei 6 zäh. Er schreit dure tag nüm so.. nur wenner mped esch.. er schloft am morge einisch wenn mer fus se ond am nomi legi neb ehn he.
    Mer hei mol wo er no ganz chli esch es dindolo usglehnt... sogar mit motor.. het nüt brocht.
  • GroanGroan

    228
    Es nimmt eim doch würkli de Stress mitem Vergliche, wemmer etz nur scho luegt wie unterschiedlich eusi drü Chline sind! Öbs ums Motorische, s‘Soziale, d‘Zähnli, d‘Grössi/Gwicht oder s‘Schlafe gaht.. alli amne andere Ort und alli entwicklet sich toll🥰
  • LoLa.LoLa.

    3
    Jo sägs nöd, echt krass. Aber isch au schön, wie einzigartig sie jetzt scho sind.
    D Alessia här ez 2 zäh, une. Aktuell hani s gfühl, es druckt bi ihre gad hine also ab de eggzäh und nöd vorne.. 🤷🏻‍♀️
  • GroanGroan

    228
    Wie macheders mitem Esse? Ich gibem Liam momentan am Morge en Getreide-Fruchtbrei, zum Zmittag denn de Gmüäsbrei/Fleisch und zum Zvieri d‘Reste vo dene beide plus nachli zügs zum Chnabere. Zum Znacht denne de Milch-Getreidebrei und denne vorem schlafe Stille und ide Nacht. Brücht aber nachli Idee wasi ihm zum chnabere zu de Brei oder bim Zvieri chönti geh.. han mal salzfreis Brot bache aber das isch so chrümelig, dasers ned so guet chan esse… immer die Maispops stresses mich.. hanem letschti zum Zmittag aumal eifach kochti Teigware, kochts Gmüäs und kochts Ei geh, das heter super gesse, aber eidütig weniger, als wenn er Brei isst… wie mached iers?
  • LoLa.LoLa.

    3
    Mir macheds glich.. also am Morge chunnt sie en Schoppe über statt Brei.
    Im Brei häts notürli meh wasser als i knabbersache, drum machts sinn, dass er denn weniger isst. Weisch, wasi mein?
    D Alessia hät ihri oral phase komplett usloh und drum nimmt sie nünt is muul ussert wenns ufeme löffeli isch. Drum chani ihre kei knabbereie geh. Aber i wür a dinere stell witerhin gmüessticks, ei oder brot geh oder fruchtstückli händ au vill gern.
    Ich han ez gad no agfange zum couscous und polenta (alles ohni salz) und so mache zum gmües / fleisch dezue.
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Üse esst brei nur no wenni ne enes wuetschi abföllle. Er esst vom tisch wo fad kocht esch. Er esst alles und mer stöckles chli. Met gli 10 mönet stresst mi das chline bitzli salz ned. Ä snormale brot ned. Er esst babymufffin zum zvieri ohni zucker. Chame mega difach mache mit rife bannane
  • GroanGroan

    228
    Oh danke für eui tipps! Wie gönd die babymuffins?
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    https://www.familienkost.de/rezept_bananenmuffins_ohne_zucker.html
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    We esch üche schlof? Aso meine wenn üse bueb schlecht schloft.. chamers jetz ned mol me schlof nenne.. me am wach si.. umeträge und beruige.. goht nor uf mer.. bes jo gwöhnt dassi ned eimol e 10 mönet ha döfe usem zimmer..aber jetz topts alles...
  • GroanGroan

    228
    Bi eus laufts eich guet, er schlaft vo 8i bis am 7i am Morge (usser momentan wege Ziitumstellig..). Und ich weck ihn am 4i zum Stille, wiler susch oft ergendwo nachem 5i ufwacht unds denn oft geh het, daser nüm igschlafe isch. Das isch so stypische und zwei Schlöfli am Tag. Aber momentan isst er grad uh schlecht am Tag und schiints ide Nacht zkompensiere (oft ufgwacht und Durscht gha).
    Wow du hesch echt mini Hochachtig! Das brucht meega Chraft was ier duremached mitem Schlaf!
  • Wunschkinder👨‍👩‍👧‍👦Wunschkinder👨‍👩‍👧‍👦

    0
    Höt obe: er schmigt de chopf a mi ma und seit... äääää( gnüsse) guet.. sobald mi ma es schlofzemmer esch unds oms schlofe gange wär het er sech abtröckt und brüellet.. bes er zu mer het chöne..de be i es zimmer.. ä wenn mer neb ihm lied chreit er bes er kä loft meh bechont.. aso weder träge.. chum mitem schlofende chend abgläge.. brüelle.. aso jetz halt weder am handy im gagelistuehl.. geil we ichs liebe döbe im dunkle zverbringe..

    Gnüssets für meh.. es esch ned selbstverständli
  • LoLa.LoLa.

    3
    Alessia hät au gad e schlechti Schlofphase. Vor allem a dene Täg woni mue go schaffe bini mega kaputt. Chan mir gar nöd vorstelle wie das isch, wenns immer so isch.
Hey! Melde dich an oder registriere dich, um mitzureden.