Periode trotz Stille ?

Hallo zäme
Ich bin im November Mama wurde und still de chli jetz immerna. Mer sind eus aber momentsn au am überlege obmer ned scho bald id Planig vom zweite wend starte.. Doch s gid da nur eis "Problem". Han d Periode nani wider becho. Grundsätzli hemmer ja kei Stress und ich weiss dass durs Stille da alles recht verzögere cha. Und irgendwie stressts mi dennoch chli😉 Jetz mini Frag. Gids da stillendi Mamas wo d Periode trotz stille becho hend oder wie lang nach Abstille heds duured sie wider zruggcho isch? (und nei, abstille isch zurziit eigentli na keis Thema..:p)

Kommentare

  • Bi mim erste Chind hani trotz Stille mini Periode nach 10 Mönet wieder gha. Aber bim zweite jetz hani nach 13 Mönet mini Täg immernoni 😂
  • Also ich ha mini dääg nach 6Wuche widdr bekoh, trotz voll stille - Bi rächt überrascht gsi😃
  • noch 8 mönet und 4 mol stillend schwanger worde
  • Ich hans erscht nach kompletem abstille mit 22 Mönet becho. Han die letschte paar Mönet nur na ide Nacht gstillt und glich het sich nüt ta.
  • Han au direkt 6 wuche nach der geburt wieder en normale zyklus gha.
  • Has au grad nach 6 wuche becho mitem stille.
  • Danke eu für d Rückmeldige. Spannend wie verschiede all eusi Körper doch sind! :)
  • i ha ufde tag nach 10 mônet wieder mini täg gha.. ich bin den au stillend schwanger worde wo üsi tochter 1.5 jahr alt gsi ish🥰
  • Hallo 😊 Bin au im November Mami worde und han mini Periode nach ca. 6 Mönet wieder becho. Isch au dr Zytpunkt gsi wo ich sie nur no 3-4x am Tag gstillg han. Drücke Dume 👍🏼
  • D Periode muesch nöd gha ha um schwanger zwerde, de Eisprung erfolgt vor de periode, aso din erste Eisprung nach de Geburt häsch bevor dini periode chunnt und da mer de meistens nöd merkt, chasch guet plötzli schwanger sie ohni das dini ersti periode wieder becho häsch, hoff chunnsch drus wie ichs meine, känne einigi wo so plötzlich schwanger gsie sind, die einte au unverhofft
  • Hoi 🤗Bi mir isch es 4Mönät gange trotz voll stille bis ich mini Täg wieder becho han und dänn nomal 5 Mönät bis ich wieder Schwanger worde bin. Han mini Tochter dänn no ca. 6mal am Tag gstillt gha...
  • Danke vuel mal für eui Inputs und Erfahrige!
    Corina danke für d Erklärig. Da ischmer scho bewusst. mer weiss ja ersch im Nachhinein dass en Eisprung stattgfunde hed.. 👍
    De Chlii isch au weniger wie au scho am trinke.. nimt mi wunder wie s bi mir denn wird sii.
  • Bi mir isch relativ schnell wieder cho. Trotz stille hani mini periode nach 2 mönet wüeder kha😃
  • Ich hans au trotz stille bi beidne nach 1 jahr wider becho. aber da fangeds ja au a vil anderi nahrig selber zu sich z neh…. het sicher au öpis mit dem z tue.
  • Ich han sie jetz au ziehmli gnau nach 11 mönet wieder becho. :) trotz stille!:) aber de chli isst au sehr guet mit und da hed glaub scho au en rechte ifluss. danke für eui erfahrigsbricht:)
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum