Dankbarkeit

Kommentare

• minggi

  33

  24. 11. 2021, 12:56

  Ich bin extrem dankbar für mi Sohn. Mier hend lang uf ihm müesse wartä. Ohni ihn wärs ih derä ziit extrem deprimierend.
• Brineli

  2

  24. 11. 2021, 15:41

  Dases mir und minere ganze familie guet gaht! 🥰 das all gsund sind und mir es schöns läbe hend! 😊💪🏼
  
  Finds es schöns Thema! 🥰 meistens isch mer ja immer am motze.. 😅Muess mich amal au zeme neh wenn mini kids verchältet sind zum sege, hey, es isch „nur“ eh verkältig!
• Dana

  40

  24. 11. 2021, 15:48

  Ich bin au dankbar defür dases minere Familie und mim Umfeld guet gaht und das mer all gsund sind und nüd gravierends händ. Grad i Ziitä vo Corona, all dene Ischränkige und täglich negative Infos, bin ich froh das mir Lüüt um eus umä händ, womer wüssed, die sind für eus da!
  
  @Brineli stimm Dir da vollkommä zue! meistens vergisst mer im Alltag wie guet dases eim gaht und wieviel schlimmer dases eim chönd träffä. Mir sind teilwiis so mit eusne Luxusproblem beschäftigt, dass würklich Wichtige vergesse gaht.
• Brineli

  2

  24. 11. 2021, 15:51

  Ich hans bim erste lockdown so schlimm gfunde! 😑 mir isches dette soo schlecht gange will mer tagtäglichs nüt positivs glese/ghört het, mer sini familie nöd hed dörfe gseh und au nöd het chöne go schaffe!
  Dette han ich wieder gmerkt was würkli wichtig im läbe isch!
• Miette

  531

  24. 11. 2021, 15:59

  Schöns thema 🥰Bi dankbar für mini familie (und natürlich dere gsundheit) und minem hund (wegbegleiter sit 10 jahr). Ich bin froh, dass mier min job so viel freud bereitet & dasi als mama so viel tolls tagtäglich erlebe (trotzdem, dass ich au sehr hufig an mini grenze chume).
• Glöö

  76

  24. 11. 2021, 19:57

  Bin dankbar wiil ich jede tag z‘esse han, en dach überem kopf, es bett mit e warmi decki, dass ich suberi kleider cha ahlegge jede tag, dass ich gsund bin, bin dankbar für mini ersti schwangerschaft, die bis jetzt guet glofe ish, für mini tolli familie, dass ich viel liebi um mich ume han und bin dankbar uf das was noh ide zuekunft chunnt, denn es cha nur besser werde☺️✨
• Shaksa

  10

  24. 11. 2021, 21:27

  Ich bin zum eine dankbar für mini Herkunftsfsmilie, also mini Eltere + Gschwüsterti, als au für mini eigeni Familie, also min Mah und mini zwei Chind!
  
  Und zum andere bin ich dankbar defür, imene Land dörfe gebore worde si und z lebe, wo mini Meinig als Frau glich viel wert hett wie d Meinig vome Mah, das ich es Stimmrecht han und jede Bruef wos git darf wähle und usfüehre!