Schlechter Esser

Hoi Zäme
Villicht kennt ja öpper das problem..
Min Sohn 16 Monate isst zurziit sehr schlächt.. Bis vor 2 wuche hetter no schön sini gläsli zum zmittag verdruckt, die verweigeret er komplett. Milchbrei isch au plötzli nüüt meh.. Milch trinkt er nüme sit er 11 Monate alt gsi isch. Er isst im moment hauptsächlich joghurt...
Ich koche au immer frisch jede tag und das bechunnt er au zum znacht und zmittag..
Sini begeisterig isch z erst ganz gross mit vill mmmmh und nach 3 biss isch schluss...
Brot nimmt er au nöd... Da schläckt er höchstens das ab was druf isch 😅
Was chönnti no mache?
Het öpper paar tipps oder kennt das au?
Lg

Kommentare

  • Heey Liebs ich ha sgliche Problem mit min chline ma 18 mtn.. er isst au nur wenn er grad en guete tag het.... Er isch erst ca. 80 cm gross und wiegt nur 9 Kilo...
    Aber er isch sooo fit wiene flamme... Han am afang immer mega sorge ka, bi glaubs jedi wuche zum Arzt.. aber mir hend langsam begriffe er isch halt esoo en fine und brucht nöd viel..
    Min Arzt seit immer solang er schön fit isch, und nöd brüellt immer ufmerksam isch und luegt.. isch alles okay..
    Die chline chömet vo allei wenn sie Hunger hend..
    De Arzt seit au die chline tüend bis zum 1te lebensjahr gnueg "babyspeck" zuelege so das sie wüsche 1 und 2 Jahr reserve hend wenn sie ebe mal so e phase hend und nöd wend esse...
    Vlt isch din chline am Zahne..? Falls ja empfehli ich dir Osa Gel Rosa es tröpfli uf de nuggi und is mul ca. 20 minute voorem zmittag oder znacht..
    Das het min chline extrem ghulfe bim Zahne...
    Vlt ischer au grad imene Schub.. da sind sie ganz unterschiedlich
    Entweder sie esset wie verrückt oder sie wend gar nüüüt . wichtig isch dass er gnueg trinkt!
    Versuechs mal glich witerhi mit Joghurt und früchtli.. Banane het super kalorie..
    Suscht falls grossi sorge häsch würi zum Arzt mitem chline....
    die chline machet eim amigs wahnsinnig vor sorge gääl 😅😅 aber du machsch das sicher tip top 🥰
  • Oh was au no sehr guet chunt sind farbigi pancakes. Sehr magnetisch bi min sohn. 😅
    Angilein
  • Danke villmal 😊
    Ja mer denkt halt immer das so doch nöd satt is bett gönd.. Aber er isch wie dine, fit wie en turnschueh und immer völlig zfride 🤷‍♀️
    Trinke duet er über 1 liter also eh gnueg 🤭
    Mal abwarte, er isch gad am experimentiere mit selber ässe mit bsteck.. Villicht hetter meh spass wenns besser klappt 😅
  • Oh ja as finded sie mega 😂 Hoff es klappt super eso mitem selber esse!
  • O i kennä das o mit üsem 15 Monet aute Sohn😩😩 Är isch sooo schnäderfrässig u isst am liebste nume Teigware oder äbe o Joghurt. Bi froh geit das nid nume üs so🙈 I hoffe das är gli mau o chli meh isst😊
    Angilein
  • Tönt gemein aber bi froh stömmer nöf allei so da 😅😂
    Ja wär ja scho froh wenner mal chli teigware wür ässe.. Nöd nur 3 nüdäli 😂
    Pommes gönd defür immer 🤭
    Abwarten und tee trinken würdi da mal säge 🤷‍♀️
  • Isch leider soo gääl..de Kinder Arzt het gseit eusi ufgab isch am chind 5 mal am Tag esse abüte. Thats it.. 😅
  • Ja zwinge chömmers nöd das denn würkli au ässet 🤷‍♀️
  • Ja duet guet ds läse das mir da nid allei si mit däm cheibä ässe🙈 I hät nämli gli o hi dine wöuä fragä wasi da chönnt mache😊 Hüt Mittag het är nid emau wöuä Teigware ässe wo är schüsch über aues liebt😩 Das isch mängisch komisch😅 Pommes isst är o gärn u am liebste aus wo so richtig ungsund isch😂 Är isst nid äs mau Gmües oder Frücht. Irgendwenn ässe de üser Schätz scho richtig müesse haut eifach Geduld ha😜
  • Versuech mal banane mit gezuckerte kondensmilch.. eimal cheatday für die chline bitte 😁😁 min chline hets am afang nöd gern ka, jetzz muessi kondesmilch im Kühlschrank verstecke
    Oder sanfwich und mit dene guetzli form ustecke.. ( wenn ihr wüsset wie ixh meine ) 😅😅 isch alles so chli magnet für de auge, chlini pizzaböleli selber mache, oder rissböleli... Härdöpfel mot chäs gfüllti bölleli.. das het aaaaab und zue ghulfe... Nöd immer.. aber ja.. und vor allem het er i dene phase am liebste am bode gässe statt ufm Tisch.. so als würdets denke "Ich dörf öpis verbotenes mache" denn lachets amigs sogar so tüflisch vor freud 😂😂 vlt spuckets aber au wieder use.. nachem 3te bölleli... 🙈🙈🙈 Arme ritter zum zmorge... 👍 Sbeschte
  • Ja also frücht isch keis problem, die liebt er alli... Chani em geh wasi will wies alles gnoh.. Aber die machet ja uf d nacht nöd satt 🤷‍♀️😂
    Ja mer weiss nir öb da no baggezäh im amarsch sind.. Hend no keine 😅😂
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum