Wassergeburt

Liäbii Lüüüt..

Han chlii wölle froge wege tipps..
Da ich ja en wassergeburt mache wott uf was sötti achte?

Was chan au nochli d schmerze den lindere?

Beste dank scho im vorus 😘

Kommentare

  • Hallo Lele
    I haa zwei mol e Wassergeburt kaa und has super gfunde😊 Muess aber au sege das i sehr offe a d‘Geburte anegange bi und mi nöd uf d‘Wassergeburt verstieft haa.
    Bi mer isches so gsi das i bi de erste Geburt en Wehesturm kaa haa und d‘Hebamme mer denn empfohle het mol is Wasser z‘goh. För mi isch da s‘Beste Schmerzmedi gsii und haa kei anderi Schmerzmedis brucht.D‘Wehe sind echt ushaltbar gsii und i haa mega guet chöne entspanne.
    Soviel i weiss chamer nöd is Wasser wenn mer e PDA het oder d‘Herztönli vom Baby nöd guet sind. Es cha passiere das mer usem Wasser use muess wenn d‘Herztönli schlecht werded.
    Bi mer isch s‘Usecho us de Badwanne bim 2. Mol chli problematisch gsii.
    Well min Kreislauf im Keller gsii isch und i echt chli Mühe kaa haa mit de Schwerchraft (im Wasser schwebt mer jo ond fühlt sich liechter) hends mi fascht nomme zo de Badwanne usebrocht🙈D‘Hebamme het so gschwitzt sie het sich noche zerscht mösse go andersch alege...
    Wassergeburt isch sicher e tolls Erlebniss aber mer muess sich im Wasser wohl fühle.
    Alles gueti för Geburt😘
  • Jöööööööh danke dir viel mal für dini super schnelli uskunft.. so schön 🌸😍 schätze ich sehr @Pheobee
  • Ich han grad vor 7 Wuche die zweit Wassergeburt gha. Han mich bim erschte Mal au uf nüt verstift, aber denkt das wer na öpis. Bim zweite Mal hani natürlich unbedingt wele id Badwanne und s het den au klappet. Chum bini im Wasser gsi hani hrad e mega erleichterig gspürt, hets mer nid anderscht chöne vorstelle. Han drum au kei anderi Medis brucht. Allerdings hani au zwei schnelli Geburte gha. Und han beidi Mal kein Dammriss gha, chan mer guet vorstelle das s Wasser das unterstützt.
    Das wege de PDA hani au so ghört das mer den nid id Wanne chan.
  • Ich glaub wichtig isch das du das machsch was dir guet duet ...
    Ich ha umbedingt eh Wassergeburt wele ha 🤭😒

    Es isch de aber so schnell gange das kei ziit da gsi isch .. und ich bin die ganz ziit am laufe gsi .. und am bewege ( ich glaub im Wasser häti mi ned wohl gfühlt)
  • Ohhh ich ha au unbedingt e Wassergeburt welle, so so so fescht dassi denn mega entüscht gso bin dasses nöd klappt het.. 😂 ich wür nöd all zu fescht alles vorus plane.. das het bi mir en mega druck gmacht willis eso han welle und nöd eso glofe isch..
    Nach 9 stund wehe hends mich endlich welle is Wasser lah aber denn hemmer notkaiser schnitt müesse mache..
    Das weg de PDA hani au eso ghört han aber au ghört dass paar spitäler e anderi Form vo PDA das tüend abüte aber da muesch dich informiere. und lachgas derf me au nöd.. ...
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum