Samichlaus im KiGa - Kind hat Angst

Mi Bueb isch im 1. Kindergarte und hüt hei si gseit, dass am Mäntig de dr Samichlaus i KiGa chunnt. Jetz het mi Bueb mega Angst und seit er geit nid i Kindergarte am Mäntig und foht afo Brüele.
Ig ha ihm scho probiert z erkläre daser nüt macht und ihne nur duet Gschänkli bringe und wenns ihm Angst macht cha er sich bide Lehrerin verstecke etc. Ha ihm au scho gseit dass er nid eifach cha dehei blibe, au das geit nid. Er het eifach mega Angst und ig weiss nid wasi söll mache… er het scho sit ganz chli müeh mit veränderige undem „unbekannte“…

Wie handhabt ihr sörigi Situatione?

Kommentare

  • Vlt dörfsh ja bim samichlaus bsuecht debi sie ? Vlt würd im das biz helfe
  • I wür mis kind krank melde wens so müeh het.
  • chasch nid dLp frage, was er gnau wird mache, bi üs zb chunder nur und verzählt es gschichtli und gid en sack mimne znüni ab, bevorer denn wieder gahd - villicht würsm helfe, wenn er wüsst, was de gnau uf ihn zuechunt... bi miim bueb hilft das jewiils sehr
  • @Any Isch ja au nid lösig? De jedes mal wen er angst het söt er diheime bliebe und den werde schnell lüge us so Situatione obwohl keh angst bestoht eifach kei bock uf kiga quasi
  • @AnDu88 Eh chline tip vlt findsh ja im YouTube videos wie de samichlaus i kiga geit und chash im zeige wie das ganze ablauft vlt nimmsh ihm ja so es bizeli dangst
  • @samira. Nei ebe nid, wäge Corona dörfe d Eltere nid mit i KiGa und vorallem schaffi am Mäntig, de chani sowieso nid mitgo 😩 Aber i wett sini Angst nid eifach abespiele sondern ernst näh. Und i glaube nid das ers usnützt… i gseh wenn er würklech angst het. Das mitem YT Video wär no e Idee 👍🏼

    @Any, chrank mälde würdi ihn nid aber sicher alüte und säge das er nid chunnt, wenns gar nid geit. Oder mir finde dr Kompromiss daser geit/chunnt wenn dr Samichlaus scho wäg isch. 🤔

    @Manowela Das isch e gueti Idee, das wirdi de hüt grad mache und dr Lehrerin alüte. Vilicht hend si mir au no Tipps, schliesslech isches nid s erste Chind wo müeh het mitem Samichlaus. 👍🏼
  • @Samira ha gwüsst das das chunt hehe ja i weiss wasd meinsch. Aber i weiss eifach das viel kinde wüki es trauma händ wils so angst händ vorem Sami Klaus. Es. Müsst natürlich eimalig blibe. Aber wener ebe suscht au vor vielne sache angst het u nöd gah will den is natürlich kei lösig. Weiss er den das de samiklaus en verkleidete ma isch.. Also ken echte samiklaus.. I bi do erzoge worde das ebe ke samiklaus git u das öber isch wo verklridet isch. Vilicht de turnleherer oder so.. Mir hät das ghulfä u ha drum ke angst ka.
  • Oder ebe sege er chunt wen de Samichlaus weg isvh.
  • @Any Genau wens 1malig isch isch klar und ebe die chine hend ja meinstens angst mini 6jährigi het au höllish angst vom mr. Samichlaus aber mir machets i familie rundi de geiz no ganz guet 😅😅😅
  • Update: Ha übers wucheendi no mitem Junior gredt und ihm aues erklärt und gseit daser so muetig isch und sich sälber söll vertraue 😄 (er seit das au oft zu sich selber „ig muess mir jetz vertraue“) ☺️

    Hüt am morge ischer i KiGa ohni irgendwelchi astalte zmache oder angst zha 🥰🥰 bi mega erliechteret!
  • mega toll, da darfer ganz fest stolz sii!
  • Supiiii 👏🏼
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum