Gelbe Flecken auf den Milchzähnen

AnDu88AnDu88

740

bearbeitet 19. 12. 2021, 09:49 in Babypflege
Hoi Zäme

Kennt das öbber bi sine chinder? Mini Tochter 16mt het so gelbi Fläcke uf de Zähn 😫 mir putze 2x am Tag so gründlich wies haut geit i dem Alter aber sit d Zähn si dürebroche het si so gelbi Fläcke uf de Zähn. Mache mer es mega gwüsse….
Ha scho es Mail mit föteli a üsi Zahnärztin gschickt, warte aber no uf Rückmeldig.

Kennt das öbber vo euch? Isches äch öbbis schlimmers oder nur harmlosi verfärbige?

Kommentare

  • Min chline hets au (also sind ehner no wiseri flecke) Han am afang au angst Kah, aber de Arzt meint das seg normal und chunt bi de chline hüfig vor. Er hets au sit zähnli usbroche sind und me chanüt mache. Aberwür mi sehr interessiere was dini Zahnärztin dazue meint. Würs dir öpis usmache es mir denn verzehle? 🙈
  • Chani gärn mache wenn si mer de antwortet ☺️👍🏼
  • Chönt allefalls vom fluorid sii?
  • Sie hets ja sits durebroche sind.. odee hanis falsch verstande?🙈🙈. mine ebe au und het kei fluorid i de zahpaste
  • Mi zahnarzt het gmeint äs chönnti vom tee si wod miuchzähn cha vürfärbä, villäch trifft das uf öich zue? Karies vürfärbt mines wüssens nid gäub/brun, würd mi aber o wunger nä was dini zahnärztin meint. Anschinend chas o vo zahnpastas vürfärbige gä🤷🏼‍♀️
  • @snowangel, genau, wosi düre broche si het si die Verfärbige scho gha oder grad becho ade Schufle vorne und ebe de spöter ade undere zweite Schnidezähn.

    @Crystal Die chlini trinkt ebe nur MuMi und Wasser, si het nonie tee becho. Hmm vilicht mol probiere zahnpasta wächsle meinsch? Die woni ha hani vor zahnärztin becho gha, si het gseit die sig guet und fluorid sigi sehr wichtig für d Zähn.

    Mi Sohn het immer schneewissi zähn gha sit afang a und si het die fläcke 🙈 und bi ihre putzi de vill besser als bi mim Gross denzumal (er het sich sooo gwehrt gäge s zähnputze) und s müüsli hebt meistens rächt guet häre. Bi chli ratlos 😔 wenn mes gseht, chönnt me meine ig putze ihri zähn nie 😫🙈
  • @AnDu88 ich weiss wie du dich fühlsch es isch mir glich gange am afang.. has aber müesse akzeptiere.. ich han bi min chline zwei verschiedeni Ärzt gfrögt (gliche praxis aber verschiedeni Termin ka) und deswege hani beidi gfrögt zum luege was sie meinet.. aber es seg normal das chunt hüfig vor und dass ich kei Angst muess ha dass seg kein Karies.
    Min chline hets ja sit zähnli duse sind.
    Tee het er nie gern ka, has ihm also au niemeh abote.. er trinkt au nur no wasser.
    Wassi aber no mal gläse han isch das Antibiotika zäh verfärbe chan.. und er het mal bevor zäh duse gsi sind Antibiotika becho... Ich ha sgfühl bim min Chline isch es weg dem cho.... Aber ich bi mir nöd sicher..

  • @snowangel Ja isch es scheiss gfühl 😔🙈 wett eifach nid das ig schuld bi wenn si problem bechunnt mit de zähn 😕

    Antibiotika het si nie becho und ig au nid ir Schwangerschaft.
    Was aber gsi isch, si isch us Bebe bim lehre krabble und laufe öfters uf muul tätscht 🤷🏼‍♀️ chönnt äch das au e zämehang ha? 🤔
  • Eventuell isch öppis mit em zahnschmelz? 🥺
  • @AnDu88 ahh nei das denki nöd dasses mit dem tätsches öpis chönt sie...

    @samira. Ja nimmt mi wunder was de Zahnarzt seit
  • Chas au vo de Elmex geh, falls die verwändisch
  • Do no d Antwort vo minere Zahnärztin:f0512580-63d0-11ec-98b5-ff318ffce33c.jpeg
  • Oh super danke fürs zeige...
    Hmm min fründ het mer no ebe gseit ka , en Zahnarzt findet immer öpis zum mache uf de zäh...
    Ich han ebe au zerscht denkt mer chas weg chratze lah aber de Kinder Arzt het gmeint die sind so chli, die wärded das erstens gar nöd mache lah und es seg nöd nötig....
    Find's mega schwierig 😩
    Schad het er dir nöd me Infos chöne geh 😁🙈
  • Si schribt ja, dasi das au mitem Nagel chönnti probiere wegchratze 😄 (hani scho aber si macht do nid soo guet mit) ig ha aber de imene halbe Jahr sowieso e Termin mit mim Sohn bi ihre, de nimi die Chlini grad au mit. 😄
  • Ah super denn klappts grad 😁 🙌🙌
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum