Utrogestan Erfahrungen

Hoi zäme

Ich bin grad im erste Zyklus mit Utrogestan ufgrund vermueteter GKS/zu kurzer 2. ZH. Ich muess 1x 200mg vaginal näh. Wie sind eui Erfahrige? Häts ghulfe? Ich han bereits eis Chind und han im Herbst ei fg gha, also schwanger werde chani im Prinzip. Händ ihr Nebewürkige gha bi de vaginale iinahm?

Kommentare

  • i has scho paarmol möse neh 1x eifach uf nüt lust ka voll dä ahschiss und die andere mol eifach immer extrem müed 😬 i weiss nö obs hilft oder nö bi au eimol schwanger gsi mitere fg und ha utrogestan gnoh 🤷🏼‍♀️
  • has au müesse neh.. han sit de geburt vo minere tochter immer bluetige nachem eisprung. bin au schwanger demit worde, leider e fehlgeburt gha. sit churzem hani trotz utrogestan bluetige. ez düemer die 1. zyklushälfti mit hormon stimuliere. gemäss mehrere fraueärzt isch utrogestan nur kosmetisch, mer müesst eher ide 1. zyklushälfti öppis mache..
  • Ich has au müesse neh sogar hochdorsiert 3 mal 200 mg. Ich cha fast nur guets brichte😃Ha super guet gschlafe
    Bin mega enspannt gsi
    Ha e super verdauuig gha amigs biz zu guet🙉Seinzigi wo ich amigs gha han isch biz Kreislauf.
    Und Ufs Wc hani au oft müesse

    Hmm Gnützt hets i dem Sinn dasi en super Zyklus gha han
    Aber Schwanger bini schlussentlich nur dur e KünstlichiBefruchtig worde.
  • So wie Bindli seit. Han au immer 4-7 täg vor der Mens schmierbluetige gha. Mini FA het au gmeint Uterogestan si da eher kontraindiziert. Me müessi die 1. hälfti von Zyklus „stabilisiere“. Sie het au gseit, we de ES durch en FA nit bestätigt worde isch, chame mit Uterogestan eher der zyklus ruinier, da mes vilicht zfrüe ihmimmt. Sie het mer au gseit, sie verschribts nur unner ärztlicher Zykluskontroll. Sie het mer denn Mönchspfeffer empfohle. Dadurch het sich der zyklus super reguliert. Me muesses aber mind 3 zykle Ineh.
  • Ja da mieni eu recht geh @Miette @BindliBi mir i de Kiwu hends au gseit sproblem vo de Gelbkörperschwächi oder zu churze 2 Zyklushälfti isch meistens e Eizellriefgstörig.. sprich i de 1Zyklushälfti wachst de Follikel zlangsam. Und zfrüeh ihne das isch au nöd guet chani au bestätige vo mim Arzt. Und Mir hends au gseit nach de Künstliche Befruchtig es hilft eim au Psychisch wen mers bis zu 12 ssw nimt. trotzdem glaubi es hilft bim erhalt vo de GMS susch würs nöd jedi Kiwu also würkli jedi ihrere Patientin geh.
  • Danke eui. Mönchspfeffer hät leider nöd ghulfe. Mir sind nöd i de KiWu, aber vo dem was mini ‚normal’ FÄ gseht isch i de erste ZH sowiit alles guet.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum