Startseite› Allgemeine Themen› Plauderecke

Mimimi-Ecke 😭

Würmli2Würmli2

1
bearbeitet 26. 01. 2022, 12:50 in Plauderecke
Hoi zäme,

De Mami-Alltag esch ned emmer eifach. Ond das vod bereits i de Schwangerschaft a. Drom do en Ort wo er üche ganzi Froscht ond Ärger chönd ablade ond met öberem teile.

Kommentare

  • snowangelsnowangel

    860

    Symbol
    Sind demfall all Glücklich 😁 kei mimimi bis jetzt...
    Defür macht min chline viel mimimimi
  • Würmli2Würmli2

    1
    Schiend so 😂 oder es hend alli en andere Ort wo sie ere froscht chönd abloh 👍 was hed den di chli?
  • Victoria90Victoria90

    53

    Symbol
    Hallo
    Bi mir isch au echt streng mit 2 babys. 21 und 4mönet😬
  • Würmli2Würmli2

    1
    Jo das gloubi. Werde abem Sommer secher ou voll im Seich si. Den chond üses zwöite uf d'wält ond die chli esch de 18 Mönet alt 🤣🙈
  • Victoria90Victoria90

    53

    Symbol
    @würmli2 bisch etz schwanger und hesch no es Baby?
  • simi99simi99

    169
    bi au i dere situation mini tochter isch den 13 monet wenn euses zweite wunder afangs juni chunt wird ramba zamba
  • Victoria90Victoria90

    53

    Symbol
    Glaub mir es wird dich ned langwillig
  • Würmli2Würmli2

    1
    @Victoria90 jo genau.
    Langwilig esches jo jetzt scho ned
  • snowangelsnowangel

    860

    Symbol
    Daa weiss nur Gott was min chline Grad het, zahne... Schub? Vlt e phase? 😂I welli ssw bisch denn? Ich bi au schwanger endi Juli söt szweite cho und de erst isch denn 26 Mönet..amigs vergissi ebe au dassi schwanger bin wegem chline
  • Würmli2Würmli2

    1
    Ursprönglech wärs Afangs August gseh, aber gester bim Ultraschall hed sie mer de Termin uf de 28. Juli korrigiert
  • Fabi88Fabi88

    340
    Reie mich au grad ie min grosse isch 2 1/4 und wird im Juli grosse Brüeder. Im Moment sind grad 7 zäh nachenand durebroche und er reizt jede Tag sini Grenze us 😥 ha fascht jede Tag Chopfweh
  • Victoria90Victoria90

    53

    Symbol
    Das isch so, du hesch automatisch viel Kraft als bi de erste SS will du dich um sie kümmern muesch. Die Kinder hend jede wuche immer wieder neuii Phase.
    Bi de Geburt vo eusi Sohn isch mini Tochter plötzlich inere Trotzphase kehrt, isch nur no am schreie ksi, brüele, nüt meh welle selber mache. Abr etz isch wieder guet sie kümmert sich um de chlii😊
  • Würmli2Würmli2

    1
    @Fabi88 ou nei, du armi. Chasch ne de zwöschedöre öberem abgä, domet wennigstens chli Erholig för din Chopf bechonsch?
  • snowangelsnowangel

    860

    Symbol
    Oh denn bechunsch es Löwe 🦁 baby 😁 hoffe uf es Löwe baby 😁
  • Würmli2Würmli2

    1
    Jo das fändi ou super 👍
  • BinaaaBinaaa

    76
    So i kotz mi chli us 🤣😂Tochter 21 mönet, sohn 8 mönet.. Sie voll ide trotzphase, er am zahne und abartig ahänglich. Dreh voll dure.. Mittagsschlof klappt au ned, er het en andere Rhythmus, sie will ihn boykottiere, sobald de chli au im zimmer isch.. Aber sie brucht de schlof süscht isch sie überdreht.. Wenns gar ned goht fahr ich de mittag e stund im auto. . Mini Tochter söt scho chli rede, aber do passiert au nüt... Sie het mol mama gseit aber nach paar täg ufghört, "de da" und "det" "mimi" isch s einizige... Min chline het e zu gsubde apetit.. Ha angst er wer zdick.. Allgemein hani sgfühl i mach alles falsch.. De huushalt, ich selber, alles liedet.. . 😬
  • Victoria90Victoria90

    53

    Symbol
    @Binaaa sei ned zu streng mit dir du machsch sicher alles richtig. Es isch glaubs eifach die Phase, so Momente wo alles ned richtig läuft. Bin echli im glich Situation 😬 mini Tochter isch au 21mönet wot kei Wörter wiederhole. Seit nur Papa, Name vom brüder. Sie wot nüt lerne. Glaubs mir müend die Kinder eifach ziet lah jedes chind entwickelt sich ganz anders.
    Min Sohn isch etz den 5mönet hat au volle Appetit haha trinkt scho 210ml schoppe🙈 han au das gefühl das zviel isch abr mir sötet die Kids das geh was sie bruched. Ich gib dir Ziet, Haushalt chan warte. Wichtig isch das Ziet für dich nimmsch. Bi mir klappt das guet dass beide Kids glichzietig go schlafe gönd so hani 2h zum eifach mal schnuffe.
  • BinaaaBinaaa

    76
    @Victoria90 danke för dini nochricht.. Uii jo du hesch es wörkli öpe glich wie ich mit au zwe chline. 2 Std.. Wow..vo dem chani nur träume, ich wer scho mit 1 std.zfriede😅 döff ich froge, wie schlofe dini nachts?
  • Victoria90Victoria90

    53

    Symbol
    @Binaaa beide tuen guet schlafe ide Nacht. Momentan chumt eusi Tochter viel ide Nacht bi eus im Zimmer 🤣 wen ich Kraft bring ich sie zrück und suscht schlaft sie halt bi eusbim Bett. Min Sohn hat mit 3mönet scho sini Nächt gmacht. Er schläft sicher 5-6h dure. Muen zwische dure go Nuggi geh wen er brüellt dann schläft er wiiter.

    Wie isch es bi dir ?
  • Fabi88Fabi88

    340
    @Würmli2 isch nid so eifach d Schwiegereltere nehmed ihn eher wenn ich mal unter de wuche schaffe mini Oma isch scho z alt und suscht all z wiit weg oder bruefstätig
  • BinaaaBinaaa

    76
    @Victoria90 sie het eigentlich super duregschlofe, aber sit es paar täg wacht sie schreiend uf, müend sie beruhige und de schloft sie witer, oder sie isch um 5 wach.. Weiss ned was los isch.. Er schloft vo 19.30 bis 23 h den gits es fläschli, 2 Uhr weder wach mit fläschli und de uf die 6si nomol😬😥
  • Victoria90Victoria90

    53

    Symbol
    @Binaaa
    Ich denk es hat mit de veränderige ztue. Mine hat au immer dure pennt. Siit de Brüder da isch hend die unruhige Nächte agfange. Sie brucht meh ufmerksamkeit will sie halt kseh dass bi de Sohn ständig öpis machsch. Bi paar Babys brucht lang bis sie Nächte mached. Buchlage hesch probiert. Bi mir hat super klappt.
  • snowangelsnowangel

    860

    Symbol
    Wie gönd ihr mite ifersücht ume? De zweit isch nonig da aber nachbarin het mer ihre Sohn churz abebracht 10 mönet.. Mine isch 20 mönet .
    Und nach 1 Stund hani ihee sohn wieder müese ufebringe will er vo min Sohn angst becho het will er so wild spielt und het immer welle zu mir, aber min sohn Isch Brutal ifersüchtig word het mega brüllt und het afange haue 😔 macht mer angst dass ich es nöd schaffe allei am tag dure mite zwei .
  • snowangelsnowangel

    860

    Symbol
    Nach de geburt wirdi 2 wuche bi mini muetter wohne als Unterstützung.. hoffe min Sohn gwohnt sich denn am neue baby.. 🙈
  • Fabi88Fabi88

    340
    @snowangel luegsch scho büechli mitem ah über s Thema und redsch mitem drüber? Min Sohn isch 27 mönet, vilicht isch die Situation au ganz neui gsi für ihn und 10 monatigs bewegt sich ja scho meh we es chliises baby. Wärs nid besser dini Muetter chunt zu eui will suscht isch denn dihei allei wieder ganz anderscht
  • Würmli2Würmli2

    1
    Üsi esch ou mega ifersöchtig. Das Mami oder Papi met ehm ne andere Chend spelet god garned. Wenn de s'chline uf d'Wält chond hani aber keh Angst. De merkt die Gross secher ou dass das jetzt öbis anders ond speziells esch. Dänke sie werd de secher ou om d'Ufmerksamkeit kämpfe, aber es werd secher ned so priblematisch wir bi uswärtige Chend
  • snowangelsnowangel

    860

    Symbol
    Ich wets ebe nöd übertriebe aber er isch wükli wükli wükli abartig ifersüchtig, ich derf amigs nöd mal mitem partner rede, er chunt und schreit drii bis mir ufhöret rede.. oder er fangt a fiiin haue...
    Mini muetter wohnt sehr wit vo eus bi eus wohne wärs zeng und sie het ebe es hus.. det hetemer gnueg Platz.. min Sohn isch seeehr gern mit ihre, so dass er mich sogar vergisst.. das klappt nuuur bi ihre... Niemert schaffts suscht dass er nüt vo mir wet..
    Und nach de Geburt vo min Sohn isch mer ebe sehr schlecht gange, ha jede tag fieber ka schübwis und ich ha nöd allei vom bett chöne ufstah, han da durch chli angst dass es wieder eso wird.
  • snowangelsnowangel

    860

    Symbol
    Büechli über das thema hani mit ihm nonig gluegt..
  • Fabi88Fabi88

    340
    Denn hoff ich das es bim Baby anderst wird und er sich freut ufs gschwüsterti 🥰❤️
  • snowangelsnowangel

    860

    Symbol
    Waa für es büechli verwendisch du denn für din chlinee? dankee ❤️😍
  • Fabi88Fabi88

    340
    Mir hend vo wieso, weshalb, warum s Büechli "unser Baby" und am Mäntig chunt er no über die Spinne Wiederlich bekommt ein Geschwisterchen. Vo Mini Steps Wir sind 4 wird au no oft empfohle.
  • Fabi88Fabi88

    340
    Mine faht ah min buuch streichle und küssli geh und seit er seg au bitzeli schwanger 😅🥰
  • snowangelsnowangel

    860

    Symbol
    Ohhh mein Gott wie süess hahaj au bitz schwanger so en Goldschatz😍❤️ Dankee für die Empfehlig, wie alt isch din chline nomal?
  • Fabi88Fabi88

    340
    Im Oktober 2 worde
  • Fabi88Fabi88

    340
    @snowangel chaufsch en neue Chinderwage?
  • samira. samira.

    430
    @snowangel Da hilft viel erkläre wen fürs baby ikaufsh lah ihn mit helfe er söll öppis ussueche nuggi oder so und wen baby da isch klar säge fiin mache es isch es baby het no kei kraft und den klappets du muesh es ihm vo afang ah schmackhaft mache und das er eh grund het sich freue das er stolz isch grosse brüeder zwerde
  • snowangelsnowangel

    860

    Symbol
    @Fabi88 ich han en chicco active 3 ka für min Sohn aber han mer bereits en Uppababy Vista V2.. de chasch denn als gschwüsterti Kiwa umwandle..ich liebe de Kinderwage überalles, de beschte kauf woni i min lebe gmacht han 😂
    Und duu??

    @samira. Jaa häsch voll recht.. ich muess das echt chlii me mache. bi irgendwie bitt nervös bi dem, weiss nöd wie richtig afange ihm das biizbringe.. er verstaht nonig was baby isch, ich glaube da muessi als erst afange! 🙈🙈
  • Fabi88Fabi88

    340
    Ich ha en ABC Design und ha jetzt einfach no es Buggyboard mit Sitz dezue kauft. Evt wetti au s Baby chlii meh träge.
  • snowangelsnowangel

    860

    Symbol
    Ahh ja de Abc zoom hani mir au no ahluegt ka isch au en herzige wage. Mitem board isch e megaa cooli idee wenn er denn nüme mittagsschlöfli macht gäl
  • Fabi88Fabi88

    340
    Ah ich ha e normale Einzelwage kein Gschwüsterti. Hoffe min Sohn hät den nach de OP gnueg energie zum laufe, im Moment lauft er mengmal scho en Kilometer am Stück
  • snowangelsnowangel

    860

    Symbol
    Wow supper 👏👏😍 minefolgt nöd immer, da bin froh hani en Doppel wage 🙈

    Ich wünsche dir u d dim chline gaaaanz viel Kraft für vor und nach de op🍀
  • Fabi88Fabi88

    340
    Danke da duret noch chlii vermutlich erst im Herbst.
Hey! Melde dich an oder registriere dich, um mitzureden.