Nuggi abgewöhnen

Wie habt ihr das gemacht?

Kommentare

  • Mir sind jetzt au grad dranne ... sie isch jetzt 3 und mir machets aber schrittwies..

    Jetzt derf sie ihn na zum schlafe ha mir händ 1 Nuggi bim Bett und de chunt sie den nur im Bett über.

    Und de woti gern de Nuggi am Oschterhas mitgeh 👍 und de chunt sie au eh Oschternäscht vo ihm übr
  • Ich han vomene nuggibaum ghört im Winterthur glaubs.. det chönd sich die chline so zsege vom nuggi verabschiede i dem sie dete nuggi ufhenget .. aber ich bi mir nöd sicher wo genau das isch..
    Min Sohn isch jetzt 20 mönet und ich gib ihm jetzt scho se nuggi nur no zum ihschlafe oder wenn er wükli weinerlich isch..zbsp wegem zahne oder so..
    I de Dominikanische rep. Segets a de chinder zbsp "oh nei Lueg so en grosse bueb mit nuggi, chum tüemers versorge de bruchsch nöd, gebemers a mene baby wos brucht " 😅 ob daaa wüklii klappt isch die ander frag aber probiere gaht über studiere ....
  • De mitem osterhas isch e gueti idee de merki mir 🥰😍
  • Ja also mir händ üsä nugi müesse am Samichlaus geh... aber so lang woti ned warte 😆 de hät mini Mam gseit ich sölls doch is Oschternäschtli ine due und mit de Chli für de Oschterhas öppis bastle ...

    Und de chunt sie am nächste Tag eh vool Oschternäscht über ...

    Aber das de Baum ih Winti isch wär au na öppis da muessi mal gugge ... mini Mum wohnt ja ih Winti und ich bin öppe al 1-2 Mönät dert
  • So en nuggibaum hets au im zürizoo, bim zoolino hinde vor de geissli. hans au scho i anderne zoos gseh. falls e besseri option wer:) Mini hends au beid mit 3 abgeh. Hans mit beidne scho vorane wuchene lang besproche und immer vo dem tag gredet. Eimal de wiehnachtswichtel und eimal de osterhas. Obwohls ab 3+ bi ihne immer es riise theater gsi isch mitem nuggi hends en abgeh und nie me denah gfröged. würs dure zieh. aber chunt au chli uf dini erziehig a. bi mir ischs klar, weg isch weg. went eher eini bisch wo gern nah git sobald s chind uf d tränedrüse druckt denn wüsseds das. 😂
  • Haha bi mir isch es ja keis problem ... aber mi Mah 😆😆😆 de macht sich chli schwirig ih dere sach 🤔
  • Mir werdet ihn au am osterhaas mitgeh! 🙈 mini drüü jährig het ihn nur no ide nacht, aber ich weiss jetzt scho es wird es riese drama geh! 😂🙈

    Sie chunt den es gschenkli vom osterhaas über!
  • Ich mache das eso, das min Sohn tagüber gar kein nuggi me hät, ich gibs ihm nur bim mittags schlof und am obig, er nimms amig au selber e weg und schlofft so ih
  • Ig ha agfange Regle ufzboue. Er darf zNuggi nur ha, we er e pouse wet mache ufem Sofa/Bett. U klar bim schlafe. Aber bim Spiele darf er ne nüme ha. Klappt super. U nachere Zyt nur no zum schlafe. Er ish 2 II worde Im Januar.
  • Tierpark Goldau hed au so en Baum👍😍
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum