Ich bin derzeit total unglücklich...

bearbeitet 21. 03. 2022, 10:29 in Plauderecke
Ich wot mi mal uskotze...

Ich bin zur Ziit total unglücklich...
Also ide beziehig scho ewigs lang..

Mir händ eh Tochter wo 3 isch und es eignigs Gschäft .. ich chrampfe jede Tag *am Morge im büro* Mittag chumi Hei mache Mittag* und muess de zerst mal dihei das Chaos ufrume... da mi Mah mit de Tochter dihei isch...

Nachher heissts Hushalt mache so wiit wie ich chume.
De ich wot doch ziit mit minere Tochter verbringe ... bastle oder usä gah ...

Ich lufe wie eh Maschine zur ziit.
Gang am abe am 12i is Bett und stah am halb 7ni wider uf ...

Ich verzichte uf so viel... und mache immer alles.

Und mi Mah ???
De schlaft immer bis am 10ni ...
Weni hei chume isch die Chli na im Pyjama und er hockt ufem Sofa und spielt mit sim Handy ..
Es gseht us dihei ...

Ich chan so nümm...
Er unterstüzt mich gar ned ...

Sprich ich bin ihm völlig egal( er zeigt mir ned emal liebi) geschweige irrgend ei zueneigig.. .

Mir sind jetzt scho sit 12 Jahr zämme aber so woti nümm witer mache ..

De chani ja grad alei si ( wasi ja ned wot)
Aber mängisch wünsch ich es mit scho...

So eh trännig uf probe oder so ?

Mann ich weiss ech ned wiiter 😢😢

Kommentare

  • S tut mer leid, was du grad erläbe muesch.
    Mamisii und schaffe & alles unter ein huet bringe isch e mega useforderig. Da brucht mer umbedingt es Netz oder Teamarbeit mit em Partner/in.
    Chasch mit ihm rede? Ich bi sit 6 mönet mami und mach d erfahrig selber und chumes bi andere mit über, dass d manne sich oft wie drus nämed ( natürli nöd alli!!)
    ich sueche mit mim maa regelmässig, währed em spaziere s gspröch. verzell ihm was i mir vorgaht und wo er mich unterstütze cha.
    so klappeds relativ guet. was schätzis ah dim maa? wie kommuniziered ihr?
    oft fokusiered mir üs druf, was nöd guet lauft qnstatt das zgseh wo guet isch.
    mengisch hilft en perspektivewechsel.
    Ich seg mim maa oft, dass mer üs beidi für s chind entschiede hend und s teamarbet isch.
    Es isch uf jedefall nöd ok, dass du am ahschlag bisch und din maa „chillts“
  • 😔 tuet mir leid dass du das muesch duremache... Wenn die bezihig wetsch rette muesch mit ihm en glichgwicht finde wo eu zwei Passt..
    Häsch denn mit ihm drüber gredet?
    Ich wür ihn ganz konkret sege wo und wie er dich chli me unterstütze chan dihei...
    Seg ihm debi wie du dich fühlsch...
    Versuechs vlt zerscht usmene guete stand zrede und vlt nöd grad eso afange wie, du machsch das nöd und du machsch dies falsch und du du du.. so wird er möglicherwis nur uf die Defensive gah und denn werdet ihr eso nur stritte...

    Hender au chli ziit für eu zwei? Unterstützig vo de Familie mite Helin?
    Oder wiso schafft er nöd.. ?
    Was passiert wenn du de hushalt gar nöd machsch? Lahsch mal alles liege vlt häsch ihn dra gwöhnt dass du automatisch alles machsch...?

    Falls du sgfühl häsch das sich nachem rede nüt gänderet het oder dass du uf taubi ohre tuesch rede, muesch der langsam Gedanke drüber mache ob du dir das au wükli vorstelle chasch eso zlebe...?!
    Ob du eso glücklich chasch sie...
    Und damit iverstande bisch das er dich nöd chan oder wet Unterstütze...
    Seinzige was ihr da chönd mache isch wükli ganz offe mitenand rede..

    Wenns mit lieb rede nöd bracht het denn chanis total verstah wenn mal duredreisch, will sicherig brennt mal bi jedem dure nach viel blabla...
    Frögsch ihn ob er sich i dini lag chan setze, ob er damit chönt lebe vom schaffe müed hei zcho, no de hushalt muess mache, Helin isch no i de pijama, choche, zit lauft davo und er chönt kei zit mit Helin verbringe..!?
    Und du dich eso benimmsch wie er..?
    Wiso benimmt er sich so.. isch er vlt deppri oder eifach fuul..?

    Hoffe ihr zwei chönt glich e gmeinsami lösig finde .. und eu gegesitig besser verstönd..

    Luegsch aber au uf dini gsundheit

    💚🍀💪





  • Oh no en tipp... Es tönt zwar blöd aber ich finds no recht guet..
    Ich ha oft mitglost wie liebespärli das gmeinsam reglet wenns mit rede nöd klappt.
    Denn tüens meischtes schriebe.
    Zbso -er schriebt wo er dich wet Unterstütze und er dir wet zeige... Und du schriebsch es au uf.
    -ihr schriebet beidi was ihr eu unter e bezihig vorstellet
    -sandere isch pro und contra vo de bezihig zschriebe.

    Min partner und ich hend für sötigi situation so öpis gmacht und wenn mir eus strittet müemer jedesmal a dem Blatt verbi laufe.. denn wirds peinlich will mir ebe scho mal drüber gredet hend und eus blöd benehmet d4ea6ef0-a8ea-11ec-814f-c9ff889035aa.jpeg
    Nalan83
  • @JennyHelin boaaa sorry das muessi als erschts säge das goht gaaaaaar net…!
    ich würd nüt meh mache weni de währ deheime egal wies usgseht … wener den mau öpis seit seisch du hesch kei kraft meh und zyt und du wetsch mit diner tochter sache unternäh das isch dir wichtiger…!
    ich bi mr sicher du hesch ehm das secher scho mau gseit und sisch nüt passiert bis jetzt, i ha gmeint i ha scho mau so öpis glese gha vo dir wege dim ma weni mi nit tüsche und net verwechsle.. darum würdi entweder mau ufe tisch klopfe , wo ers net erwartet und sage wos lang goht e so e so e so oder du suwchsch dr en eigeni wohnig.

    das het kollegin im moment gmacht, rede het net viel brocht, si het eifach en wohnig gmietet und ihm gseit den und den ziehni us mit miner tochter, wohnig isch au ganz in de nöchi gsi vo ehm 5min - 10min zfuess oder so…es het ehm net passt het ihre vor würf gmacht du duesch mich trenne vom kind bla bla bla…aber het si ja net isch ja ganz in de nöchi und er cha cho wenn er will keis problem , aber so het si bez abstand gno vo de beziehig und das er gseht wies isch alles elei mache…siehe da es bringts…er checkts langsam wies esch…! weis net ob so öpis wetsch mache aber sisch mol en tip 😅😊..!

    also bi eus isches e so de huushalt macht mi ma, da er momentan net schafft hani gseit besch du huusma also machsch du de huushalt,ich schaffe und koche und bez huushalt ja aber net viel..! aber er macht de huushalt und luegt uf die chlini …! ha gseit wenn den weder fohsch afe schaffe den teile mr de huushalt weder, oder fals i mau nümm schaffe isch klar das ichs mache..! wösch chani mi gar nümm erinnere wenis z‘letscht gmacht ha! und wenn ers net macht machis au net mer egal…de sammlet sich alles uf…! so ische emu bi eus..
  • Nalan83Nalan83

    668

    bearbeitet 21. 03. 2022, 09:46
    weis net obi hilfriichi sache gschrebe ha hoffe ha net zu viel vorwürf gmacht…aber cha so sache net gseh weisch das goht gar net…macht mi hässig😡..!

    beweg di arsch gang go schaffe kolleg und wenn net chasch schaffe den hilf deheime…!!!





    p.s: fals das mit rede bit klappet schrib en brief, den das liest er bestimmt…han ich emmer so gmacht😅…bim schribe bini mega stark aber bim rede bini en niete chani net guet🙄…!
  • Also ebe mit hei es Gschäft es Umzugsunternehme ... und es lauft zur Ziit mega guet..

    Ich bi jede Morge im Büro ... vo 8- halb1 .. und sust de ganz Tag erreichbar das heisst au weni mal uf eh Spielplatz gange bini immer wider am Telefon..

    Min Mah muess Offerte mache, das chan er ebe vom Handy us .. das heisst er muess ned is Büro, go zügle gaht et filicht 1-2 mal pro Monat.. sust hämmer Personal.

    Go putze gang aber ich, da mir defür na keis personal gfunde händ.

    Jetzt gangi vom Dunnstig bis am Mittwuch zum glück uf Züri zu minere Familie , da mini Familie leider in Züri wohned und mir in Bern.. aber ich gang ja ned nur dert hi zum Ferie mache sondern zum go Putze für üsi Firma .. mit minere Mum und eh Kollegin.. mir müend jetzt de 3 Wohnige putze ...


    Ebe wie du scho gseh hesch lauft das scho länger so..

    Ich wot ned Egoistisch si aber mini gfühl für ihn sind leider scho läanger verfloge... Sex hämmer sit 5 mönät nümm gha...
    Egal was ich ihm säge .. das gat ine und wider usä...

    Leider bini abhängig vo Ihm ... das heisst dFirma lauft über ihn ... ufem Rav chani mi ned melde und er iscj aj de wo mir de Lohn zahlt ...

    Ich freu mi ufjedefall uf die wuche wo ich und Helin chli wäg chönd 🥰..

    sEinzige wo mich na bi ihm hebed isch üsi Tochter... de sie isch eh Papa chind .. und er macht au viel mit ihre .. fascht jede Sunntig und das schätze ich scho ah ihm .. aber ebe de rescht passt nümm

  • Also ebe gredet hani scho 100x mit ihm .. aber er verstaht nüt .. er isch totale pascha und seit nur, wenns mer ned passt de chani ja gah .. blabla blabla blabla ...a ber im Gschäft bin ich die wo immer alles reglet macht und duet
  • Oje denn isches glaub klar... Und wenn er so seit wenns der nöd passt chasch gah, da hätti definitiv mini sache packt und vereisst. Es isch lieb vo dir ade Helin zdenke wege ihm, aber für mich isch das au nöd wükli vo grosse Interesse zkämpfe für dHelin zlieb... Und du gasch eso kaputt.... Und sowieso wenns ande eltere nöd guet gaht chinder spüret das, die sind schlauer als mir meinet... Tuet.mer trotzdem leid das so öpis muesch mache und hoffe dasa falls ihr wüklii usenand gönd das alles guet ablauft und nöd no Komplikatione mitem sorgerecht. Das isch eifach zum chotze...😔

    Viel Kraft wünschi diir 💚🍀

  • Oje @JennyHelin … das tuet mer mega leid für euch. Ich glaub es git i jedere biziehig mal so tiefs. Han aber eher zgfühl, gemäss diner beschriebig, dass du eher en trennig asträbsch. Korrigier mi, weni falsch ligge.
    Wie wärs, wenn du mal usschau nacheme job haltisch? Ich nime a, dasses kei vertrag git, wo ier dini astelligsbedingige festghalte heid? Wenn du finanziell unabhängig bisch, denn wärsch ja schomal chli friier. Und wärsch schneller i der lag en neui wohnig zfinde, wenn du das möchtisch. Vili merkt er denn scho mal, was du alles leischtisch & dass das so gar nit selbstverständlich isch.

    Ich glaub so drohige, denn „gang doch, wes der nit passt“ si meistens nur dahin gseit. Aber was würd passiere, we du das genau so machsch?

    Das mim pyjama stosst mer chli suur uf... wie chame sich zweg mache, aber schind nit?! Isch ja chli e „verwahrlosig“… oder ischer denn selber mu im pyjama?

    Ich druck der di dume, dass du der weh findesch, wo für ew (dich & t‘Helin) stimmt. Würd sege egoistisch si & uf dis gfühl lose!
    snowangel
  • jetzt gibi min Senf au no dezue. i bin de Meinig das dis lebe grad soviel wert het wie das vo dinre Tochter und dim Maa. das haisst au du törfsch und sölsch wieder glücklich si. saisch das ihr en weg wieder finden oder ohni Maa. dini Tochter wird das merke und die dGlück gönne mit Papi im gliche Huus oder au trennt. sie wird das au merke das es die nöd guet got.
    so und jetzt zum andre…i bin do de Meinig vo de anderne, en Maa muss helfe basta. sis kind sini erzüchig sis hus odr wohnig sin hushalt fertig. i find meh isch es Team wo das zeme muss mache und wen is mol nöd schaf den machts min maa ohni komentar weler merkt i chum mit 2 kind nöd dezue. i han gest obet sreinste getro in de Kuchi hinterloh weli aifach nüme ha müese. zerst es hals Wressling mit em 3 jöhrige biser endli Bettparat gsi isch und den di kli no stille und dezwüschet koche und esse. woner den hai cho isch und i dkuchi ha wölle mache heter mi grad is bett gschickt und alles gmacht und das muss soo sie find i. das macht doch au eltre si us das min Bueb lernt das su Manne so was msched. i find dini tochter lernt so das meh dManne bedient und so isches aifach nöd. i würs stoh lo und wener motzt säge, wens di stört den rum uf odr nim de suger in dHand 🤷🏻‍♀️
    abr i ghör au use das du nüme magsch. drum findi au. suech dr en Job und lueg wegre wohnig. kämpf für dis glügg dini Tochter wird dir mol dankbar sie zgseh was füres stsrks muetigs selbstbewusts mami sie het 🥰
  • und wie gohts dir so? het sich bez öpis gänderet?
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum