Hibble bis baby do esch 😅😊

i bi hüt 11+2 bald hani die kritische 12wuche gschafft🙏🏽…! ha vori mitem angelsound herzschlag glost vo mim schatz😍😍 so schön gsiii het mich grad beruhig bis zur nöchscht kontrolle…die hani in 9täg…de gits nackefaltemässig ect…😊…!
wie wit sind ihr wie gohts eich so?
ich ha halt emmer übelkeit 🤢und dezue no magedarm gha sit hüt isches zum glück guet mit magekrämpf🙏🏽…!
snowangelZireael
«1

Kommentare

  • @Nalan83 schön 😍 goht nümi lang und du hesch die kritschi Ziet gschafft. 😉
    2x in de Wuche los ich SHerzli au mitem Angelsound... Es beruihgt eim wirklich... 😉
    Am Fritig Lern ich mini Hebamme kenne. In 1 Wuche han i endlich die nächst Kontrolle 🥰 🍀
    Mir gohts guet. Han wenig mit Übelkeit zkämpfe ka.... Meh mit Müedigkeit... 😉 Aber dass isch au normal... 😉
    Summer84
  • Schööön gaht's dir besser vom Magedarm 🥰🥰🥰
    Ich han angelsound nonie probiert... 😏 Wür mi aber wunder nee
  • mich beruhigts ebe mega ich maches net zu oft, eifach weni mr sorge mache oder zlang goht bis zur nöchschte untersuechig zum mich beruhige😊…!
    ich weis gar net obi sel jetzt bim zweite en hebamme ha👀🤔…beuchi glaub nümme…erschte kind ja findi wichtig bim zweite weisch ja alles..!
  • Ja i has mir iplant dass ich 2x in de Wuche kurz Herzli ablos... Dass beruihgt mi sehr 🥰
    Do es mis erste Kind isch und ich no in allem sehr unerfahre bi bruch i e Hebamme... Aber i chan di verstoh... Bim 2 Kind wüsst i au nit ob ichs bruch... 😉
  • Hallo zäme

    @Nalan83 i würd dir o bim zwöite chind e hebamme für im Wuchebett empfähle😘I überchume itz de ds vierte u bi jedes mau froh gsi um d‘hebamme. Jedes bebeli isch angers u i ha jedes mau wieder frage gha woni vor hebamme hiufriichi antworte ha übercho💖
    Nalan83TheaCicci_Sami
  • Stimmt han das au oft ghört baby sind all soo anderscht ❤️🥰 han mini ersti hebamme au scho Kontaktiert und sie isch zum Glück da ! Freu mi riesig au uf sii.
    Ich bi jetzz 22 3ssw
    Han eifach langsam rippe weh und sodbrenne hend au ahgfange... Und wie gahts euu?
  • I bi itz 34+2 übukeit isch bi mir leider immer no presänt, aber zum glück nume no am mirge nachem ufstah starch brächreiz u o nüm jede morge🙏🏻Mir geits aber süsch sehr guet o we dr buuch afe geng chli i wäg chunnt😜
  • @Nalan83 ich würd dr au e hebamme empfähle… bechumme gli s 3. und ha au wieder eini… scho alleige für gwichtskontrolle am afang bim baby, falls du geburtsverletzige hesch zum die kontrolliere etc. sunsch rennsch in de erschte wuche ständig zum FA und odr KiA zu kontrolle…
    bi mir isch si bim zweite nur am afang paar mol cho will ich ambulant gebore ha, denn het si dehei zb s bluet abgno etc.
    und denn nach paar dag wo die chli scho wieder zuegno het isch si nüm cho, aber ich ha jederzyt chönne alüte und denn wär si wieder cho wenn was gseh wär…
    wärdes jez bim dritte wieder so mache… immer wieder kontrolle vom gwicht bis es zuenimmt und au bluetabnäh und so dehei… und wenni si nüm bruch denn muess si au nüm cho…. aber falls me wirklich e problem het chame spontan eh keini me organisiere; dh muesch fascht wäg jedem chline ding zum arzt renne und das wär mir definitiv zblöd 🙈
    Nalan83Cicci_Sami
  • okey danke für eui Tips..demfau isches vo nutze nomau en hebamme😊…!
  • wenn het übelkeit bi euch abgno?😩 i wot die übelkeit nümme🤢😩…bi jetzt in de 12ssw und emmer no übelkeit genau glich stark..kenn das so net vo de erschte schwangerschaft…volli dosis cariban hilft au net mega…! bi bez am jommere 😅😩
  • Ich ha sie bis zu de 16-17 ssw wuche ga. 😁
    Nalan83
  • @Nalan83 🙋🏼‍♀️ do au🤢😔 i kenn das au nöd vo de erste 2 Schwangerschafte. Bi jetzt au i de 12. SSW aber isch nöd würklich besser im Gegeteil. Ussert Salot chani praktisch nünt esse wells mer elei vom Gechmack scho schlecht wird🤢 Choche und poschte isch min absolute Horror im Moment (bi aber au no nie so schnell gsii mit poschte wie di letschte paar Wuche😉). Als ob das no nöd gnueg wör bini au no dauermüed egal wie lang das i schlof. Ah jo und SS Diabetes hani au scho wieder und cha vermuetlich ab em Mittwoch wieder Insulin sprütze😬Ha gad au chli mösse mitjommere😉
  • Bi dere 3. SS hanis au vill länger gha.. bis SSW 16. Sust hets amigs spötestens nach 14 Wuche ufghört 😖
  • @Nalan83 Ich han sie bis i die 18ssw gha, weiss nöd ob dich das beruhigt😬 nacher isch es nur na selte cho, ab de 26ssw isch es wieder cho ha aber nur na müesse erbreche weni verpasst han zEsse😓Nach de 28ssw hani müesse Ernährig biz apasse damit mer nöd die ganz Ziit Magesüüri ufe chunt😒

    Aber sheftige Ernreche isch ab de 18ssw ca weggange… es isch so schlimm, wünsch der das es bald weg gaht🙏
  • sit geschter gohts me besser mit übelkeit ich hoff es blibt e so🙏🏽👀…! bi jetzt 12+2 mäntig hani FA termin freue mi scho mega..😊…! wie gohts euch so wie lang hend de no? wüsset dr scho s‘gschlächt?
  • Ich ha am dunnstig Termin organsreening aktuell 22ssw bis mengish chli es zieh bini beschwerdelos ☺️
    Nalan83
  • @Nalan83 schön gohts besser mit de Übelkeit 🥰 i han am Mäntig au Kontrolle 🥰
    Nalan83
  • @samira. Mir sind gar nöd so wit weg voenand mite ssw 😁 ich bi jetzt 23 1
  • Jaa vlt giz de bi mir es juli baby und bi dir august 😂😂
  • Hieer ich bin i de 4wuche :)
  • Gratuliere Lili 🥰 Häsch sho symptom???

    Haha ja Samira mal luege wär scho nice en Löwe 🦁 baby 🥰
  • bi hüt Fa gsi 😊 so wiit alles guet…mau luege wie werte si und fals öpis uffällig währi achi definitiv en Nipt..! aber sowit alles guet …ha 0,5kg zuegno bis jetzt was mo freut😅 wot net veu zuenäh..!
  • @Nalan83 schön isch bi de Kontrolle alles guet gsi. 😍

    I han geschterd au Kontrolle ka. Und min Bueb wieder dörfe gseh. 🥰
    Er isch so schön gwachse 🥰
    In 4 Wuche han i bereits Organscreening und Zuckertest.
    I han 3 Kilo zuegnoh..
  • @samira. Wie isch din termin vom dunnstig glofe.?
  • Hoii termin isch guet gsy nur chli müesam da sie sich mitem kopf hinter mim hüft knoche versteckt het😅 und so messig vo allem sehr lang und mühsam gsy ish und ja us bueb wird meitli nummer 3 😅♥️
  • @samira. hend si erscht gseit das es en bueb isch?👀
  • @samira. Schön isch alles guet gange 🥰oh plötzlich doch Meitli...
    I han min Organscreening am 25 April min Maa dörf mitcho 😍
  • Jöö nomal es meiteli... 💞🥰 Hends aber chöne alles messe? Bi mir isches bi beidne Schwangerschaft au mühsam gsi die messig, beidi zapplet 😂🤸🤸
  • @Nalan83 Ja einish hets nach em bueb usgse den hetts meh nach em bueb usgse und jetzt sind 2 ärzt da gsy und sind sich einig gsy das es meitli ish😂😂 also wen sie nächstmal seiht bueb warti bis zur geburt😂😂😂😂 nai also es isch würk kes schnäppi döt gsy und die eint het halt gseid 100% weiss mes halt erst bide geburt😅😅

    Messe hends chöne alles usert gsicht hend nid so schön chöne gse aber da machi mir am wenigste sorge da sis kurz gse het 😄

  • hallo zäme

    und wie gohts eu so?
    i bi hüt met bluetig in notfall, em baby gohts guet si cha net genau sage wases isch uns ergentwas vo plazenta preavia gredet evtl…! uf jedefall seli mi schone mol die wuche, mäntig hani FA den sel sis genau mau aluege…! ha so angscht gha,emmer no bez panik..jo mau luege..!hoffe das alles guet chunt..!🍀🙏🏽🧿
  • @Nalan83 oh nei do wäri au verschrocke... Guet gohts dim Baby guet.
    Mir gohts guet. Han au am Mäntig die nächst Kontrolle 🥰 ha den Organscreening und de Zuckertest.
    Freu mi scho mi Schatz zgseh.
    Sit 2 Täg spür ich mi Schatz im Buuch. 🥰
    Nalan83
  • Nalan83Nalan83

    668

    bearbeitet 23. 04. 2022, 03:24
    @lachuli so schön freut mi mega das sowiit alles guet esch😊…!
    i bi vori nomau is notfall weli weder bluetige gha ha no stärkeri also richtig viel de hets weder ufghört. si chei eifach net genau säge wases esch …paar sache hend si ufzellt es cha das si deses si..! uf jedefall baby em gohts emmer no guet alles in ornig grössi gwicht…!
    dixi90
  • @Nalan83 oh nei 😔 dass isch echt müehsam mit de Blüetige..
    Hesch evtl es Hämatom wo am abblüete isch?
    Solangs am Baby guet goht isch jo guet. Händ sie dir öpis gäh wie zum Biespiel Progestoron?
  • @Nalan83 oh nei das tuet mer mega leid. Hoffe es hört glii wieder uf 😥
  • @ nalan83 wünsche dir grad aues guete u hoffe du chasch dir itz di nötigi ruueh gönne🙏🏻😘
  • I starte hüt i di 40ssw u ha gester geng mau chli buuchweh gha. Mir si gspannt am warte wen dases los geit. Morn het mi maa u üsi jüngsti geburtstag😍- gits äch no es dritts familiemitglied wo sech dä tag ussuecht…?🙈😉
    samira. dixi90
  • @Primeli oh wie schön bisch jetzt wirklich im Endspurt 🥰 ja chönnt morn si... 😉 😃 Wie gohts dir?
  • @ lachuli mir geits guet u ha o ganz e gueti ss gha. Ha immer mau wieder rächt schmerze am schambei, da het mi d‘Hebamme vorere wuche tape‘t u das her scho ghuufe👍🏻 itz hani eifach geng so es liecht buuchweh u zudäm no wiise usfluss was d‘ablösig vom schlimpfropf bedütet😜 vo mir us dörf das büebli cho mir si parat für üsi huusgeburt😍
  • @Primeli ah schön hesch es so guet. Mir gohts mit de Schwangerschaft au super 🙂 i hoff das bliebt so...
    Di Bueb macht sich bestimmt bald ufe Weg 🥰
  • @lachuli das hoffi o fest für di, ha dini gschicht aus stilli mitläserin verfolgt u ma drs vo härze gönne😍Ja auzu lang wirds sicher nüm ga🥰
  • @Primeli danke vielmol. 🥰 Jo für uns isch es echt es Wunder... Händ viel muesse duremache... Leider maches no viel Fraue dure... Freu mi scho riesig uf Kontrolle am Mäntig.... 😍
  • @Nalan83 Han au so starchi blüetige kah und gad 2 täg im spital gsi.
    Bin jetzt ssw 7 5.
    Sie hends nit usegfunde aber sowit wies us gseht gahts em Baby guet☺️Hoffemer ets, dass wirkli alles guet isch ☺️🍀
  • Hoi zämme 😊
    I han hüt Organscreening ka. Alles isch guet. Han tolli Bilder becho. Mir sind meega happy 🥰
    snowangel
  • Hoii ladys für die wos grad nid so rosig usgsed viel kraft

    Babys vo chöme guete rutsch😂😅

    Und super das alles guet gsy isch bim sreening 😄

    Ich bi aktuell ide 26ssw alles super letzt kontrolle ish au super gsy nur blaget mich sit 2täg sodbrenne 🥲 BABY HAAR AM WACHSSSSSE 😂♥️
    LillyFee
  • @samira. danke das chani bruche ❤️…i ha bluetige me weis net genau vo wo wa isch was…muess mi jetzt zwei wuche schohne…!😞 i hoffe es chunt alles guet…ha so angscht …!
    dixi90
  • @Nalan83 oh nei tuesch immerno bluete... Dass isch so müehsam... Tuet mir echt leid... Aber dim Schatz im Buuuch gohts bestimmt guet. 🍀🍀🍀🍀🍀
  • @samira. Sodbrennen muess muehsam si.. Wenn hets be dir agfange? I bin jetzt in de 22 Wuche und bi no verschont bliebe....
  • Ebe aktuell 26ssw und vor 3täg hets agfange also soo um die 25ssw hani bi allne ssw so kha 🥲 (babys mit viel haar kha ) ich zwar en Mythos aber bi mine kids hets mal bis jetzt gstimmt😂♥️
  • @Nalan83 Isch sho speziell hesh chöne im spital blibe oder bish hei? Würd bei so guet wies gaht ufe lege und würk halt nüd mache ish liechter gseid als gmacht aber wünsche dir zbeste
  • @samira. I bi gspannt obs be mir in 3 Wuche au starte tuet... I bin mit viel Hoor ufd Welt cho und mi Maa au.... Darum rechne i mit dem dass mis Baby au viel Hoor wird ha.... 😉
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum