Januar-Chnöpfli 2023

Hallo metenand

Hets do no meh Fraue ome, wo die letschte Täg händ dörfe positiv Teste ond sech met vell Glöck uf es Januar Baby freue dörfe?
«134

Kommentare

  • Hallo @Mamelo 🙋🏻‍♀️

    Ech ha vor knapp 2 Woche positiv testet, be aktuell be 5+5 ond min ET wär de 4. Januar.☃️
    Ech be aber noni bim Arzt gsi, ha min Termin erst am 25.5 🙈 wie wiet besch du?
  • hallo satsuma

    doch no öpper ome 😊
    i be au i de 6. woche ond werde afangs Juni mi 1. termin ha.
  • Ohh du muesch jo no länger warte förd bestätigong?! 🙈
    Esches dini ersti Ss?
  • jo schiint i dere praxis so chli de standart zsieh.
    nei, es wär s 2.
    ond be der?
    geburtsbegleiterin.ch
  • Es esch au mini zwöiti Ss 😊
    Wie alt esch dis erste?
    geburtsbegleiterin.ch
  • Hallo zäme

    Mi ET isch dr 3. Januar aber dr Arzttermin hani de erst ire Wuche. Fröie mi sehr und hoffe eifach das aues guet isch! Isch mini ersti Schwangerschaft :)

    Wünsche euch alles guete!!
  • Hallo @Nanaa1 🙋🏻‍♀️
    Herzliche Glöckwonsch zor Schwangerschaft 🥰 ond willkomme i de Januargroppe 😉🤗
    Jo noch dem arzttermin esch die ersti hörde mol gschafft, ech blange au ganz fescht druf, muess mi aber au no 2 Woche gedolde 🙃
  • Hallo ihr Liebe
    Ich ha gester positiv testet. Bi auso bi 4 1 oder so. S App seid d ET sig am 18. Januar 23. Doch will i bim 1. e KS gha ha, chas si dassi wieder eine muess ha. U de wirds glaub vorher sii.
    Ich darf am 19.5. ganz kurz es US go mache, will i vor 2 Jahr e FG gha ha ir Frühschwangerschaft.
    geburtsbegleiterin.ch
  • Ich glaubs aber noni so richtig. I freu mi, aber ich getrau mi nid zfescht zfreue. Ha angst dass es wieder Abgeit.
    Im Moment gönd mir 1000 Gedanke dur de Kopf. (bliibts, wie wirds mitem Altersunterschiid, bin ich z alt, neu organisiere mit Schaffe u Betreuig,...)
  • allne härzlichi gratulation ond toi, toi, toi das es eus allne ond de chline guet goht. 🍀
    jo i be au so chli hin ond her grisse. i han null symptom ond fühlt sech halt so chli komisch ah. klar, besser als de ganz tag öber de schössle z hange aber mer macht sech halt glich so sini gedanke
  • Hey @Kringel nomol herzliche Glöckwonsch zo dim wonder 😍
    Ech cha der sehr guet nochefühle. Be inere ähnliche situation betreffend alter ond altersunterschied ond vode betreuuig her hani au no kei plan. 🙈 Aber ech versueche jetzt mol ei schrett nochem andere znäh ond mer no ned zvell gedanke zmache öbet sache woni jetzt no gar ned cha löse ond wösse wis usechond. Schlossendlech chonds jo hüfig andersch als mer dänkt 😉 Die nöchsti hörde werd de erst arzttermin sie ond denn luegemer wieter. Eifacher gseid als gmacht, ech weiss 😅
  • @Mamelo ech ha au praktisch kei symptom, ossert dasi chli me müed be als söscht 😴 ond me lest jo emmer so vell 🙈 aber me lest jo au, dasses au normal esch, dass symptom mol chömed ond weder gönd 🤷‍♀️
  • Völlig überraschd han ich hüt en positive test ide hand gha! Mir hend scho es meitli wo im november 2019 nach 6johr üäbä de weg zu üs gfunde het. Dezember 2020 hemmer mitem 2.aagfangä üäbä wobii ich gfunde ha egal wies chunt es isch ok. Min maa het unbedingt no eis welle! So hemmer gseit mir lueged mol was passiert. Mir hend aber abgmacht, das mir nur bis ende 2022 wartet wills für üs susch nüm stimmt. Ich bin jetzt 35gi und min maa 38gi. Sooo jetzt bin ich schwanger und total schockiert ,freudig und unsicher. Liebs grüessli eu
    geburtsbegleiterin.ch
  • so schön stephanie, herzlichi gratulation🍀
  • Hallo @Satsuma
    Merci viu mau und glichfalls! :) Das warte isch würkli nid so toll, grad wüui praktisch keini azeiche ha machi mir viu gedanke. Wet mi viu meh chöne freue aber es bremset eim no grad. Cha auso alli wo itz am warte si sehr guet verstah. Nur ablenke und probiere positiv z'denke hilft mir grad.

    Herzlechi Gratulation ou allne andere 😍
  • Ich gratuliere üch allne au ganz herzlich.
    @Satsuma ja isch eifach gseid aus gmacht. Vorallem will i nüme würkli dermit grechnet ha.

  • Wie alt/jung sind ihr?
    Isches sErste oder zweite Wunder?
    Wie alt isch üches erste Kind?

    Ich bi 39 u mi Schatz 44
    Üsi Tochter isch 5

  • hender loscht en whats app gruppe zmache de chöne mer, ond alli andere wo de au no dezue stosse ond loscht hend, eus chli em "private" rahme ustusche
  • Hoi hoi ihr liebe.
    Sinder jetzt alli weg ir WA Gruppe?
  • get no keini - osserd i häts verpasst
  • Hallo Zäme
    Also mer goht primär ome ustusch met glichgsehnte. Öb jetzt das via Babyforum oder e WhatsApp groppe esch, spellt mer ned so e rolle 😉🤷‍♀️
    Natürli esches för anderi vellecht au spannend üsi erfahrige metzläse, so esches mer emu gange. Ech lese au gärn bi anderne groppene ond theme met.
    Ech wönsch euch ganz es schöns ond erholsams wocheend ☀ ☀ ☀
  • @Stephanie1987 herzliche Glöckwonsch zor Schwangerschaft, soo toll wenn mer so öberrascht werd 🥰🥰🥰
  • Kringel schrieb: »
    Wie alt/jung sind ihr?
    Isches sErste oder zweite Wunder?
    Wie alt isch üches erste Kind?

    Ich bi 39 u mi Schatz 44
    Üsi Tochter isch 5

    Also ech be 37 min Ma 36 ond mini Tochter werd jetzt denn bald 10 Mönet alt 😉
  • Phu hüt hani mi total unsicher gfühlt. Ha immer öpis gspürt, het sich agfühlt ob dMens i dHose gat. Isch zum Glück nur Usfluss gsi. Aber es mega doofs gfühl. Ha ame richtig Angst becho u bi ufs WC go luege. 🙈
    Voll doofi weiss
  • i au @Kringel han au recht usfluss. gspüre aber wiiterhin garnix
  • @Mamelo auso süsch hani eifach empfindlich Brüst
  • i ha rein garnix
  • Ich gspür au no gar nüt! Ha aber scho bide erste ss nur am schluss gschwullni finger gha und en dickä buch! Mol luege obs nomol so ring isch!

    Wie isch bi eu die erst geburt gsi? Ich ha müesse iileite han aber nach 6stund mis sternguckerli ufem arm gha.
  • han au en sehr ringi geburt gha. aber da esch no sooooo wiit weg hoffe es schloht es härzli emene gsunde körper
  • Also momentan esches mer eifach ab ond zue liecht schlächt ond ech be sehr müed ond usfloss hani au vermehrt.
    Die erst ss hani als sehr schön ond agnähm in erennerig.
    DGebort esch eigentli au recht zügig vorah. Be im gebortshus gsi ond ha im wasser gebore. Vode rechtige regelmässige wehe bes mini tochter denn do gsi esches ca 5 stond gange.

    Wenn hend ehr so euche ersti termin bim Gyn?
  • Hallo zäme, so schön z‘lese, dass ihr au alli im Januar es Baby bechömed und schwanger sind…herzliche Glückwunsch vo minere Site 😉

    Au ich han vor 1 1/2 wuche drü positvi Schwangerschaftstests gmacht. Bin denn wenig Täg spöter zu de Ärztin, aber sie het no nüd gseh, het gmeint, ich bin erst ide 5 Wuche und da gseht mer no nüd. Gester han ich denn nomal en test gmacht und de isch au positiv gsi. I zwei wuche han ich denn nomal en Termin…aber alles spricht defür. All mini Sympome (Vergesslichkeit, Müedigkeit, Übelkeit und kei Lust uf irgendöppis)…das kenn ich scho vo minere erste Schwangerschaft.

    Kurz zu mir: ich bin 34gi, wohne ide nöche vo Bade und han e 8 1/2-monatig alti Tochter.

    Also wenn ihr e Whatsapp Gruppe mached, wär ich au gern debi 😉
  • Ich ha di ersti Ss au schön empfunde. Usser dassi ab de 20.Ssw e Nierestau übercho ha u i oft starki Schmerze gha ha.
    Bide Geburt hani 22 Stund presst aber üses Schätzli het s Köpfli de einti cm nid welle dreie zum usecho. Schlussändlich heds e KS ge. Das het mi mega fertig gmacht. Ha recht mühe gha am afang. Ha zgfühl gha me het se mir eifach zum buch us weg gno.
    Aber später hanis langsam chönne akzeptiere.
    U i bi mega froh u dankbar dass si gsund u munter bi üs isch.
  • mache sech be euch au chli ängst breit uf de erscht untersuech hi? s hoffe das alles so esch wes si sell
  • @StePau_ZH Härzleche Glöckwonsch zor Schwangerschaft ond willkomme ide Januargroppe 🥰🎉☃️
    enelaa94
  • @Mamelo jo ech kenn das au. Es geht Täg ond Moment do beni sehr zueversechtlech aber plötzlich werdi sehr onsecher ond mach mer sorge öb echt alles in ordnig esch ond wis echt wär wenns öpis ned wörd stemme. Ech be so froh wenni de Termin bim Gyn döre ha, de gehts endli gwössheit 😊
  • jo da goht mer au so. aber uf die ander siite werds jo emmer weder so si.
    es esch es wunder wend schwanger besch aber leider bruchsch de wiiteri 36 woche all tag es wunder bes mer de da wunder ändli griffe cha❤️
  • langsam gspüri die müedigkeit au es bezli. aber ned so dasi die ganz ziit müed wär. uf ei schlag esch si do ond de chönti innert sekunde a ort ond stell ischlofe
  • @ Mamelo ja ich ha au immer wieder so momente woni richtig angst ha es sig öpis nid guet.
    Zum Bispiil wenn dBrüst chli weniger empfindlich sii, oder i es mensgfühl ha im unterliib. Oder ebe wenni Usfluss ha u ichs merke, de hani angst es chönnti Bluet sii.
    Ich hoffe es isch gsund u es bllibt
  • jo s esch en sehr schwerigi ziit.
    het öpper vo euch eigentli scho vorem erschte termin en hebamme gsuecht
  • @Mamelo: i han bi de dritte Ss mini hebamme grad nach positiven test ahgschribe ob sie zyt hät den will i unbedinkt sie han welle im wuchebett 😅
  • @Mamelo ech ha mech nochem positive test im gebortshus förd schwangerschaftbegleitig mol agmeldet, denn werd eim de en hebamme zuteilt. Bis jetzt hani aber no nüt ghört, ossert das mini ameldig ine cho esch. 😉
    Ech dänk es macht sinn wemmer sech frühezitig drom kömeret, verstoh aber au alli wo lieber no wend abwarte.
    Höt inere woche hani min Termin 🤩🎉🍀🙃🥰
  • jo i denke wenn mer en beleghebamme wett denn muess mer sech gfühlt jo scho fasch vorem positive test melde 😊

    i warte mol de erscht ondersuech ab. wett de aber au "nor" em spital gebäre ond sueche "nor" en hebamme förs wochebett
  • Hoi ir Liebe
    Ich bi jetzt i di 6.ssw cho u ha hüt zum FA dörfe go luege ob sowit alles i. O isch. Jetzt fühl i mi chli besser. Es cha zwar immerno öpis passiere, aber bis jetzt alles guet.
    D Fruchthöli isch 5mm u sPünktli drin 1.5mm 😍
    De richtigi FA Termin hani mitti Juni.
    U wie gats bi üch so?
  • Hoi ir Liebe
    Ich bi jetzt i di 6.ssw cho u ha hüt zum FA dörfe go luege ob sowit alles i. O isch. Jetzt fühl i mi chli besser. Es cha zwar immerno öpis passiere, aber bis jetzt alles guet.
    D Fruchthöli isch 5mm u sPünktli drin 1.5mm 😍
    De richtigi FA Termin hani mitti Juni.
    U wie gats bi üch so?
  • Hoi ir Liebe
    Ich bi jetzt i di 6.ssw cho u ha hüt zum FA dörfe go luege ob sowit alles i. O isch. Jetzt fühl i mi chli besser. Es cha zwar immerno öpis passiere, aber bis jetzt alles guet.
    D Fruchthöli isch 5mm u sPünktli drin 1.5mm 😍
    De richtigi FA Termin hani mitti Juni.
    U wie gats bi üch so?
  • Sorry weiss nid wieso dass es 10x postet het 🙈
  • @Kringel
    oh so toll das bes jetzt alles guet esch, da esch doch perfekt, i dröcke d düme das es au so wiitergoht.

    i be emmerno wiitgehend symptomlos bes uf paar Usnahme wos mi die plötzli öberchont.
  • @Kringel so schön zghöre, dass bis dahie alles so esch wis söt sie 😍🍀

    Mer gohts sowiet au guet. Ab ond zue mol liecht schlächt ond eifach seeeehr müed, vorallem bim schaffe. Ond gege obe hani en riese blähbuch wie im 4te oder 5te monet. Weni mi im gschäft verabschiede am obig muessi emmer de buch izieh 😂

    Wie gohts im räschte?
  • So wie ich usgrechnet han bin ich ende 7.wuchä, aber mich hend scho 3 lüüt gfroget ob ich schwanger bin!!!🫣 bi minre erste ss hetmes bis im 5.monet nid würkli gse! Isch das normal? Ha au chli schiss dases chöntet 2sii!? Ich han de ganz tag immer mol wider s gfühl en harte blähbuch zha. Das kenn ich au garnid vom erste mol…bin gspannä uf de 31.5. 🤗
  • @Stephanie1987
    wa hesch de gseit? 🙈😅
    i ha au s gfühl mi buch esch scho bez gwachse aber es cha jo fasch nor en blähbuch si. i minere erschte schwangerschaft hani bes i die 20. woche au no guet es gheimnis drus chöne mache.
    ha aber au je längeri we meh s gfühl es mache sech so paar 'näbewörkige' we liechti übelkeit ond ekel vor esse breit. da hani i de erschte au null gha.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum