Troche werde und bliibe...

Iher Liebe

Ich wär mega froh, um Tipps... Irgendwie bini mit mim Latiin grad chli am End 🤕... Üsere Bueb (im Aug. 4 jährig) isch sitt letschtm Herbst troch - theoretisch...

Etz ischs sit gfühlt Monate so, dass er fasch täglich id Hose bislet bzw. tröpflet... Er seid vo selber chuum, wennr ufs WC muess. Wemer stündlich göhnd, de klappts, aber shed so denn halt überhaupt nüt natürlichs; will mier de ja eifach mitm ufs WC göhnd... Er seid denn oft, er müess nid, aber s chund wirklich jeeeedesmal öpis (letschtmal ufmne Usflug vo 11 bis 5 simer 9mal ufs Wc und 9mal heder au wirklich viel bislet, obwohl er kei guete Trinker isch)
wemer vo üs us nüt säged, klappts eich grundsätzlich nid... 😔
Ich glaub au, dassr eigentlich spürt, wennr muess Bisle und er cha gar nid so säge, was sProblem isch... Mängisch meinter, er heigs nid gmerkt, meischtens seidr im Nachhinein, er heig eifach kei Lust gha...

Aber mich frustrierts so... Will zrugg zu Windle bestätigt ihm ja irgendwie, dass ers cha 'gmüetlich näh' unds eifach la laufe, aber mier gahd au langsam dEnergie verlore, ständig a dem Thema drazsii - ganz zschwiige vo all dene Hose und Unterhose womr stäääändig am Wäsche sind 😔🤪🤦‍♀️

Hed öper ähnlichi Erfahrige gmacht oder irgend en Idee? Belohne oder Chläberle ischs irgendwie au nid; es sell ja öpis natürlichs sii ufs Wc zgah 🤷‍♀️

Kommentare

  • Üse bueb (bald 6) isch scho längers troche, het aber au phasene wos paar tröpfli id Hose geit oder mängisch au bitz meh. Aber meistens isches wenner öbbis am mache isch woner nid wetti underbräche oder wenn süsch öbbis los isch.

    Immer wieder mol dra erinnere müesse mer hüt no, de heissts „nei i gspüre nüt“ und 5min spöter secklet er ufs WC wills dringend isch 😂

    I würd probiere de druck use neh, halt glich immer wieder erinnere und mitem ufs WC… ja es isch asträngend aber es wird uf jede fall besser wärde. Es brucht teilwis bitz meh geduld und zit. Belohnige find ig persönlich nid so guet, will das au wieder druck erzügt. Und darfsch nid vergässe, di bueb isch halt glich ersch 3 jöhrig - guet, knapp 4 aber trotzdem. I bi überzügt devo das wird scho bald besser wärde ❤️ und wenn der gedanke machsch wäge de mängi wie du beschribsch, dues doch bir 4 johreskontrolle mol aspräche bim arzt?

  • Mini Tochter wird füfi u bi ihrä isch genau so. Si macht hüfig no id Hosä, meischtens we si uswärts isch oder schüsch is Spiu vertöift. Si seit si merks nid, u wenni vorhär fragä heisst si müess nid. Ig reagiärä nüme gross. Sägä ihrä eifach si söus nächscht Mau sägä, legä ihrä öpis früsches ah u guet isch. Ig verstah di guet, aber ig ha ke Energie meh mi ufzregä. Irgendwenn klappets scho. O dr Chinderarzt het gseit das sig no normal. Viu Geduld
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum