Startseite› Schwangerschaft

1.Kind Geburtsvorbereitug Kurs etc. ?

enelaa94enelaa94

145
bearbeitet 30. 06. 2022, 22:41 in Schwangerschaft
Hallo zemme bald chunt euses baby ufd Welt. Mini frag isch, hend ihr vorem 1.Baby irgendwelchi Kürs gmacht? oder Büecher glese oder sush öppis? Jetzt wos immer nöcher chunt, machi mer scho gedanke wasi alles gnau wüsse und beachte muess.

Kommentare

  • MaylaMayla

    4
    Hey. Also ich wür mich eifach informiere, wie isch dir überloh. Git jo geburtsvorbereitigskürs, die chasch aber au online mache, went vorhesch zum stille sind infos / erfahrige sicher nützlich, es git au e facebook gruppe stillen schweiz und übers kind finde ich s artgerecht buech guet, git aber au anderi mit allgemein infos. Echli informiere isch sicher guet und nützt mental denki. Es git au lüt wo d istellig hend gebäre, stille und kinde ha isch natürlich da goht eufach, da cha hine usegoh, usser meh het scho sehr viel vo verwandti und bekannti über babys glernt.. ich wünsch dir alles gueti und viel freud :)
    enelaa94Mami2018
  • minggiminggi

    33
    Hallo, aso ich han mich informiert mit apps, büecher und so aber am meiste gnützt het de geburtsvorbereitigskurs. De isch es Wuchenend gsi bi minere Hebamme. Ha das immer unnötig gfunde, sie hets aber super gmacht. Find das hets halt au bracht, will mii maa sich so mal mit dem ganze usenand gsetzt het und chli bscheid gwisst het, grad so übere geburtsablauf und wuchebett. Alles gueti und den e gueti geburt wünschich😁
    enelaa94
  • Tanja vRTanja vR

    0
    ich ha ke kurs gmacht. für mich isch zviel wüsse i dem fall too much gsi. und ich finde intuitiv macht mr alles scho richtig. ha zwei schöni natürlichi geburte gha (mit chline komplikatione). und ich bi immer offe für alles. finde das erliechteret eim viel au suscht im lebe 😊
    enelaa94Mamelo
  • Sandy37Sandy37

    22
    Ich ha en Geburtsvorbereitigskurs mit mim Partner bsuecht (würis ehr empfehle). Und ich han churz nach Geburt (3 mönet) en Babynothelfer gmacht. Würi ez Rückblickend ide Schwangerschaft mache.
  • MameloMamelo

    430

    Symbol
    bearbeitet 29. 06. 2022, 21:42
    ich han nix gmacht. i ha mi met dem schnufe, stöhne, hächle eifach ned chöne afrönde 🤣🤣.
    i ha druf vertraut das i de scho weiss wa zmache esch ond mer esch em normalfall jo ned alleige ond het no en hebamme zor siite.

    au em nochhinein het mini entscheidig so för meh gstume ond i has ned bereut das i mi ned demet usenand gsetzt ha sondern mi eifach ha öberrasche loh🥰
  • SHAYENNESHAYENNE

    250
    Ich ghöre zu dene wo findet gebäre, stille und Chind isch s natürlichste vo de Welt. Ich ha fescht vertraue gha das min Körper und mis Chind wüssed was ztue isch. Und ich ha au zwei sehr schöni und schnelli Geburte dörfe erlebe 🥰 Die zweiti sogar e Huusgeburt. Ich ha mi bewusst gäge en normale Geburtsvorbereitigskurs entschiide. Ich ha nöd welle wüsse was cha schief gha... Und au kei Geburtsbricht gläse im vorus. Was ich aber sehr wichtig finde isch e mentali Geburtsvorbereitig. Ha bim 1. en Hypnobirthingkurs gmacht und bim 2. de Onlinekurs Die friedlich Geburt. Ich empfihle de zweit Kurs meh.
    Wenn möchtisch stille find ichs au vo Vorteil du informiersch dich vorher guet. Will im Spital händs oft kei Ziit und es wird schnell zu Nuggi und Schoppe grate.
    Mamelo
  • ZireaelZireael

    440
    Ich han mich au selber Informiertnüber Büecher und Apps. Ich han mich da nie chöne i die Geburtsvorbereitigskürs imeversetzte chöne. Im Spital hesch ja e Hebamme bi de Geburt die seit der genau was du wie muesch mache. Am schluss chunts eh anderst wie mers üebt🤣Ich han den en KS gha und gar nüt müesse mache. Aber wasi au nie gmacht han sind Geburtsbricht lese oder alsoe. Da haninimmer grad gseit wets nöd ghöre. Well da doch paar den sache verzellet wo eim Angst machet.
  • GröipschiGröipschi

    148
    i bzw. mir hei eine diräkt im schpitau gmacht. u mir hei im fau nid einisch gschnuufet, ghächlet oder umegschtöhnt ;) süsch wäri grad wider hei 😅 u d hebamme het gfunge, für das si si jo de do. es isch eifach informativ gsi, hei scho gebärsäu chönne aluege, d Phase vor geburt, was mä när bim schtiue nid sött ässe u was fördernd isch etc. u d manne hei no ä männerobä gha u das isch schinbar suoer gsi, di hei jo ganz angeri sorge u froge.
    i würds empfähle.
    Schneewittli
  • SonnenblümchenSonnenblümchen

    169

    Symbol
    Ich han Büecher gläse und han au viel i Fore mitgläse und so viel glernt über s‘erste Lebensjahr. Geburtsvorbereitig händ mir dihai gha mit de Hebamme, so händ mir sie au grad kenneglernt und händ nöd nach Schema X müesse vorgah sondern au viel Frage chöne stelle. Sie hät dän au grad na s‘Chinderzimmer aglueget und paar Tipps gäh was na guet isch zum dihai ha für am afang
    ZireaelFightbunny
  • MameloMamelo

    430

    Symbol
    Gröipschi schrieb: »
    i bzw. mir hei eine diräkt im schpitau gmacht. u mir hei im fau nid einisch gschnuufet, ghächlet oder umegschtöhnt ;) süsch wäri grad wider hei 😅 u d hebamme het gfunge, für das si si jo de do. es isch eifach informativ gsi, hei scho gebärsäu chönne aluege, d Phase vor geburt, was mä när bim schtiue nid sött ässe u was fördernd isch etc. u d manne hei no ä männerobä gha u das isch schinbar suoer gsi, di hei jo ganz angeri sorge u froge.
    i würds empfähle.

    😅👍
    jo da stemmt, s spital wo mer eus usgsuecht hend semmer au go aluege
  • LillyFeeLillyFee

    173
    Ich erwarte mis erste Chind und han au lang überlegt. Zum Glück büdet mini Hebamme Einzelkurs ah.
    Der gaht so 2-3h und min Partner chunt au mit.
    D hebamme het gseiht mir chönni frage stelle oder si chönnt üs chli erkläre.
    Finde das perfekt so und das schnuffe etc isch meh TV züg ;)
    Mamelo
  • AnDu88AnDu88

    786
    Bim erste Chind heimer e Kurs im Spital gmacht, 3 Öbe ohni Partner und 3 Öbe mit Partner. I muess säge, es isch schön gsi überhaupt kei Hechel-Kurs oder so. Mir si ufe Geburtsverlauf sowie d Geburtsarte igange, wie de Partner üs cha understütze, entspannigsüebige und massage, d Veränderig vom wiibliche Körper, de het me no Fragerundine gmacht am Schluss und au ufgschribe uf was mer üs freue und was üs sorge macht. Wasi no wichtiger gfunde ha, isch gsi, dass si üs au erklärt het was nach de Geburt chunnt… d Umstellig vom Paar zu Eltere, d Psyche und Hormonhushalt, d Heiligsverläuf, Partnerschaft, Babyblues und Wuchebettdepression, Bedürfnis und s Verhalte vo Babys wieso es so isch und wohär das chunnt (s „Urzitbaby“), s Stille und d Komplikatione wos cha gä und wiemese behandlet, wichtigi Alaufstelle etc.

    Bim zweite Baby heimer eifach bi üsere Wuchebetthebamme nomau e „crash-kurs“ lo gä deheime.

    Klar geits au ohni, aber ig has guet gfunde und ha sicher au profitiert devo.
  • AdminAdmin

    411
    Vielleicht ist hier unter den Online-Kursen auch etwas dabei:
    https://www.schwanger.at/online-kurse.html
Hey! Melde dich an oder registriere dich, um mitzureden.