Möchtet ihr au mal Chinde?

Gester het mi wiedr e kollegin gfreget. Sie so „du isch viellicht chli persönlich aber wend ihr au mal chind?“ Und sie het nüme ufghört frege. So frech! Obwohl ich eifach gseid ha: im moment ned.. Und sie het mi schomal gfreget voremer jahr oder so. Mir isch grad de lade abe und i ha nur no hei welle..

Ich weiss ned wiso ich sit ich de aktivi Chindewunsch ha soo sooo regelmässig danach gfreget wird!?

Wiso mached das mensch? Isch chli Fingerspitzengefühl zviel verlangt?

Kommentare

  • Verstah Di guet. Mi Ma u ig si scho sächs Jahr verhüratet gsi wo mir üses erschtä Ching becho hei. Mir si ou ständig gfagt wordä. Ha när aubä gseit mir hebä ke Zit für Ching, mir wöugä keni oder mir chöi keni.
    När hei mir s'erschtä kha, när isches witergangä mit wenn chunnt s'Zwöitä 🤦
    Lah dir irgend ä schlagfertigä Spruch ifauä u zue di abgränzä.
    Viu Geduld u toi, toi fürs Schwanger wärdä.
  • @Gold

    Mir kenne das zu guet und meistens chöme die froge usm umfeld und vo Familiemitglieder wo scho 2-3 Kinder hend & do bin ich eifach knallhart gsi, ha d Frage irgendwenn nüm beantwortet und denn eifach en gegefrage gstellt. Vor allem wenn die frage alli paar wuche cho sind, oder jedes zweite oder Dritte Familientreffe.

    Cha dir gern bispiel geh:

    Wenn d frog cho isch: wenn chund eures erste kind, hani gfrogt: wenn chund eures dritte kind?

    Oder wo sie 1 kind gha hend und gseit hend mir selle au eins mache, denn chöne si zäme spiele: hani gseit: wieso machsch du nid no es zweits?

    Ich mues drzue säge, mir hend allne 1x erklärt, WIESO mir no kei kinder hend & wenn denn immer gfrogt wird, isch mir mengmol fast dr Kragen platz hahahaha und hans irgendwenn total verletzend gfunde. Mit so gegenfrage, höre sie schnell uf - das chasch mir glaube.

    Viel Erfolg!
    Schneewittli
  • Mir händ euis das eifach gmacht gha, mir händ ab verlobig kommuniziert dass mir kei chind wetet. So hät niemert meh nagfröget 😄 und nachem 1. hämer gseit mir welet keis zweits, so sind beidi e grossi überraschig gsi.

    Aber generell dörfmer glaub au nöd vergässe dass d‘Lüt die Frag ja au nöd bös oder verletzend meinet. Aber ich weiss dass es eim sehr chan treffe, bin selber au nöd grad zack schwanger worde
  • @Sonnenblümchen

    Das hend mir uns au überleit aber es het denn tatsächlich so frechi lüt geh, wo gfrogt hend, ob unseri Tochter en Unfall gsi isch ?!
    Gohts no? Und au wenn... gohts öper öpis ah?

    Ich denk, das vieli eifach nid wit überlegen, oder wieso mues me alli paar mönet go froge?
    D Antwort isch immer no die glichi und darum hanis irgendwenn nüm chöne ghöre und denn agfange so antworte geh, wie ich obe gschribe han.

  • Mi het denne im Spitalbett, 3 täg nach de Geburt vo üsem Bueb öbber gfrogt „und weiter es zweits? Würd de nid allzu lang warte mitem Abstand“ 🤯 ig wo voll im Babyblues/beginnendi Wuchebettdepression gsi bi, total verhüület… i ha gmeint i spinne 🙄

    Aber das wod Esperanza gschribe het, findi super 😂👍🏼
  • @AnDu88

    Ebe wie gseit, kei Fingerspitzengfühl d lüt und so merke sis ebe.

    Chönt do no viel gschichte schribe aber ich spars mir jetzt:)

    Mit so antworten bin ich uf jede Fall guet gfahre :)

    Lg
    Esperanza
  • Ja, die Antworte findi e gueti Idee. Derfsch gern no meh Bispiel schriebe :)

    Ich weiss, dasses ned bös gmeint isch aber sorry mega nett isches au ned. Alli würkli alli und jede weiss, dass bi de Fraue ab 30gi Uhr tickt und wenn mer scho lang en Partner het, denn muss mer das eifach ned frege. Weiss ned aber ebe i würd au ned eifach nacherem 2te frege. Und ebe eimal frege chani no verzeihe aber ab 2 Mal findis ehrlichgseid nur no arschig.. ha kei gueti meinig vo so lüt. Und wenns sogar no seget isch e persönlichi frag, denn verratets sich ja selber, dass sie eich wüssed das mer das ned fregt. Nächst mal fregi glaub, und was isch dini lieblings Sexposition?
  • @Gold

    Ich würd dir empfehle, mitere Gegenfrage Antworte, wo genau so frech isch.

    Mir hend z.b en Babyparty gmacht wo au paar Kollege cho sind und sind denn vor allen gfrogt worde, ob s Kind en Unfall gsi isch. Mir hend 25 ! Lüt dört gha und es isch maximal unangnehm gsi & als würd das nid länge, sind mir denn au no gfrogt worde, wie lang das mir brucht hend bis es klappt het mitm Baby, das alles vor unsere Familie !

    Hans absolut drnäbe gfunde und mi Partner het die froge geduldig beantwortet.

    Z.b han ich denn gseit: bi uns hets im 2. Zyklus klappt und bi euch? Denn hend si ebe verzellt, das es bi ihne 1 Jahr gange isch. Denn hani gseit: Oh wow, das isch aber lang und ihr hend nid ufgeh, meeeeega toll ! Hend ihr denn das nid abklären loh bim Arzt ?

    Ich find eifach, wenn öper findet, er mues mich verletzen - bin ich persönlich die, wo denn dem no eine druf setzt !!
    Nachdem hend denn d froge ufghört & die ganzi Familie weiss jetzt bscheid.

    Ich hoff für alli Mami's wo sich das fest wünsche, das sie schnell ihres Wunder dörfe in dr Hand ha.

    Ich würd dir empfehle, die ''dumme froge'' mol notieren und mir denn drzue paar antworten überlegen & au notieren. So weisch grad was säge, wenn me gfrogt wird.

    Lg
    Esperanza
    AnDu88
  • Also, dörfi fröge wieso das eu die frag stört? Also, ich persönlich frög lüt nöd wann sie noh meh chinder mache werdet oder so. Interessiert mich ja nöd unbedingt. Aber wenn öpert mir die frage würd stelle, würds mich gar nöd störe. Ich würd eifach die frag normal antworte. Naja, dass mich das öpert gfrögt het, hani noh nie gha aber ja… störts eu eifach wiils eu druck macht oder wie?
    Nalan83
  • @ Glöö: Bi üs isch ewig nid gangä u när hets kheissä mir wärdä wahrschinlich keni Ching chönnä ha. Äs isch schwirig gsi u ni hets trurig gmacht si mir ständig gfragt wordä.
    Mä weiss ja nie wiso öper ke Ching het oder villich nüme meh Ching wet. Das chöi sehr persönlichi Sachä si, darum fragi das nie.
    Glöö
  • Ich go mit allem sehr offe um und wür mir das au vo andere wünsche, die froge sind sicher nöd bös gmeint (meistens). Die frögendi person hät allefalls würklich intresse und macht vilicht au grad sgliche dure oder häts dure gmacht und so chas doch än guete ustusch geh und mer cha sogar vonenand profitiere. ich find mer sött vil vil offener mit allem umgoh und so wür sicher immer wieder gueti gspröch geh.
    Stephanie1987Nalan83
  • Bi üs isches 6 johr gangä bis klappet het. Ich han imene familiere gastrobetrieb gschaffet wo alli s gfühl gha hend sie seged mini kollege… dementsprechend bin ich viel gfroget worde au will mir sit 7johr ghürote gsi sind. Ich ha abme gwüsse ziitpunkt sehr oft ganz ehrlich zur antwort gäh was bi üs lauft und das mir das weh tuet! Viel hend blöd glueget und mir denn gseit sie werdet so öppis nüm frogä.. t freud wos denn klappet het isch natürlich riesig gsi. ich bin froh gsi han ichs so gmacht. Het mir chli druck gno. Jetzt bini mitem zweite schwanger und das nach grad mol eim johr üäbä!
    Glöö
  • @Glöö

    Ich ha obe erklärt wie d Situation bi mir gsi isch. Mir hend offe kommuniziert, wieso mir no kei Kinder hend & sind trotzdem die ganzi zit gfrogt worde.

    Mich persönlich stört das. Will mir nid nur 1x gfrogt worde sind, sondern ständig und jede het s gfühl gha, nur will mir lang zäme sind MUES me jetzt 1 Schritt witer goh. Genau so wird au ständig gfrogt wenn ghüorte wird etc.

    Das sind Sache wo mich und mi Partner öpis agöhnd und me nid die ganzi zit mues froge, 1x länggt. Darum han ich agfange so antworte geh.

    Glöö
  • @Glöö
    Darf ich dich fragen, warum du das nicht verstehst?

    Du möchtest offensichtlich auch Kinder, sonst wärst du kaum in diesem Chat. Ich weiss nicht, wie die Situation bei dir ist aber ich persönlich habe eine schwere Zeit hinter mir. Wenn mich jeden 2. Tag Leute unsensibel und dreist nach unserem Kinderwunsch fragen, dann bringt mich das in eine unangenehme Situation.

    Ich werde niemandem von meinem Kinderwunsch erzählen (ein paar wisssen Bescheid). Und zwar ist es einfach zu persönlich und ich habe keine Lust auf Mitleid oder blöde Fragen. Was soll ich dann antworten? Ich möchte ja niemandem davon erzählen.

    -> Würde ich es erzählen wollen, dann hätte ich es ja getan! Also warum gibt es dennoch die sensationslüsterne Frage danach?

    Viellicht überlegst du mal auf diese Seite herum.
  • Ich denk me cha die Frage ja 1x beantworten und das au anständig - wenn me das will.

    Es isch halt maximal unpassend alli paar wuche z froge und goht keine öpis ah.

    Mi Partner und ich sind 15 Jahre zäme im Oktober und sind au scho oft gfrogt worde, was mit uns nid stimmt, will mir ''nur'' zäme sind, kei kinder hend und nid ghürote sind.
    Mir hend au scho gseit, mit uns stimmt alles, mir wend eifach nid !

    Für uns stimmt das wies isch & es goht keine öpis ah !
    Glöö
  • Mer cha au normal sege...ich möcht mi ned darüber üssere oder über da rede und denn soett allne normalmensche klar ksi si das mer nüm mue nachhacke oder da namal froge. Ich würs au so sege wenn üs würd froge...so gahni diskussione usem weg und es isch ebe e privatsach und wenn mir 1 chind wennd und ned meh denn antworti au so und de isch es ok....mich störts de au ned.
    Glöö
  • ich glaub viel meineds ned bös. und wemmer na nie selber ide chinderplanig gsi isch oder s immer grad klapped hed weissmer gar ned wases ebe bedüte chan so en frag.
    ich chan au ned gross mitrede. bim erste heds bim 2.versuech klapped. bim 2.chind au. da hemmer denn aber ide 8te wuche müesse gahlah.⭐ ab denn hemmer eus gschwore ganz offe drüber zu rede und ufzkläre. sehr viel lüt isch da sehr unagnehm wenns denn so en direkri antwort bechömed,dasmer grad es chind verlore hed und s ned sehr abracht isch so en frag z stelle. ich blib ganz höflich und klär uf. ide hoffnig dass denn es anders paar nüm vo dere person mit so unabrachte frage glöchered wird. aber ich chan ja guet rede. nach eusem sterndli bini sofort wider schwanger wurde und jetz bereits ide 24.ssw. daher verstahni au total wenns paar gid nach sehr langem weg wo ned wend/chönd drüber rede. daher hoffi dasi mit minre vorgehenswiis dene chli helfe cha und sie vor so frage verschont bliibed.
    LauraannahGlööMiette
  • Ding isch ebe, wenn mer seid ich möchti mich ned üssere, heisst das übersetzt, mir sind dra aber es klapped ned…
  • Also wenn mir säge, mir wend nid drüber rede oder gseit hend mir sind nonig sowit oder mir wend zit zu zweit gniesse, sind mir bim neggste treffe eifach wieder gfrogt worde.

    Das isch mini erfahrig gsi.

    Aber jede cha das natürlich mache wie er will.

    Das me nachdem me x-mal gfrogt worde isch, vo de gliche Personen, sich nervt, sett ja klar si oder?
    Glöö
  • @Gold

    Also, ich habe nur gefragt was eure Gründe sind wieso es stört, weil ich eure Probleme kenne. Es hat mich nur wunder genommen. Habe nie gesagt es darf niemandem stören. Vielleicht hats mich noch nie gestört, weil mir niemand diese Frage gestellt hat. Ich war nur neugierig auf die Antwort. Und bis jetzt musste ich zum Glück nicht so lange probieren um schwanger zu werden. Ich weiss nicht wie ich in dieser Situation wäre. Die Gründe waren mir wichtig, um eure Aufregung eben zu verstehen. Mit eure Gründe kann ich denn es nachvollziehen. Hoffentlich macht das Sinn für euch, wenn ich es so erkläre.
  • Und man muss auch niemandem von dem Wunsch erzählen. Man kann ja Antworten, dass man die Frage gar nicht beantworten möchte und wenn sie immer wieder fragen, einfach gar nicht auf diese Frage eingehen. Bin froh ich kann sagen, dass ich niemand diese Frage gestellt habe. Ich finde diese Frage sowieso dumm😂 Und bin auch froh, dass mir niemand diese Frage gestellt hat bis jetzt.

    Wie gesagt, ich wollte niemand irgendwie zu nahe treten. Ich wollte nur eure Gründe wissen um EUCH besser zu verstehen☺️
  • Leute…. ich bin en neugierige Mensch und ich han euri Gründ welle wüsse. Meh nöd. Han nöd gseit ihr dörfet nöd gnervt si oder sust irgendöpis. Bitte nöd beleidigt si und mir hässig schribe. Denn ich han eu nie gfröget wenn ihr chinder bechömmet oder so. Han au nie ih mim lebe öpert so e dummi frag gfröget. Man cha nie wüsse wenn man es chind bechunnt oder wenn man schwanger wird. Man cha sich nur wünsche in 2 jahr es chind becho pder nöd. Aber obs so si wird, chan man nie sege und garantiere.

    Aber am beshte schrib ich nüt meh dezue. Sust werdi da noh ahgfickt, wiil mini frag missverstande wird. Han in kei moment öpis böses welle. Ich han kei lust uf stress.

    Schöne sunntig eu☀️✨
    snowangel
  • Ich dänke es isch eifach so ide "Natur" vorgeschriebe 💁‍♀️ ich gibe zue dasi das au frage ..(Kollegine)... wils doch öppis schöns isch 😍 und wenn Sie probleme hät zum schwanger werde de woti das au gern wüsse oder wens zunere FG cho isch de woti au für sie da si ! Und fremdi gaht das eh nüt ah ... aber mer chan Ja antworte das das das ide Sterne staht 😁

    Aber weg so öppisem würdi mi ned ufrege ... da gits no anderi sache wo meh zum ufrege sind ...


    Ich glaub das isch au keine böse Hintergedanke vo dene wo fröged ...
    Nalan83Miettesnowangel
  • @Glöö ich glaub dir, dasses ned bös gmeint hesch. Ich würd dier empfehle dini Frag viellicht chli netter stelle. Dini frag cha mer so oder so verstah. Und ich denke Fraue wo das ned betrifft chönd ned unbedingt mitfühle oder mitrede gliche giltet au für @JennyHelin du seisch du möchtisch wüsse, ob öbert e FG ga het. Aber viellicht möcht mers dir ned sege? Isch aber dini entscheidig ob du möchtisch, dass sich kollegine vor de chopf gstosse fühled oder ned.

    Und ich hetti das thema ned ufgmacht, wenns ned viel Fraue belaste würde. Vo dem her derf mer eus ruhig glaube, dasses schwierig isch immer so frage gstellt becho.
  • mer hend verhältnismässig eher spot chend gha, muess aber sege mer send nie druf agsproche worde - send aber au ned ghürote. denke metem 2. werd de da vermuetli en öfters gstellti frog si oder vo familie siite gar en ufforderig cho.
  • Ich find nöd, dass ich die frag nöd nett gschribe han. Han ganz normal gfröget, ob ich wüsse darf wieso es eu stört und dass ich das us neugier fröge.

    Aber ja… am schluss chan mans nöd allne recht mache.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum