Erfahrungen Schwimmhilfe

Hallo zäme. Ich sueche erfahrige betreff Schwimmhilfene. Üse chli isch 1 jährig und hasst sini flügeli😂 was hend ier so? Ich lah ihn im und am Wasser nie us de Auge aber glich wetti ihm nu zuesätzlich en schwimmhilf ahlegge wo ihn vilicht ai nid grad extrem stört. Danke für üchi erfahrige😁

Kommentare

  • Mir händ euisem e Weste kauft. Mir händ au na Flügeli, er häts aber au nöd gern a, sie chönd ja d‘Ärm chum meh bewege mit däne Dinger. Mit de Schwümmweste chan er au sändele und alles und es stört ihn nöd
  • Mir hend für eusi beide Kraulquappen Flügeli und sind mega z‘friede. Sie chönd mit dene super is Wasser go bade und lang umefloate ohni vill ufwand. Durch dass sie nöd nur Luft sondern au en Schuumstoffchern hend schwümmed d‘chind im wasser wie uf und fühled sich dadurch sicher.
  • Mir händ au Weste - Flügeli hassed beid Mädels, mit de Weste ränneds de ganz Tag ide Badi ume ohni Gmotz… isch au grad nochli Sunneschutz (näb de Sunnecreme natürli) 😊
  • Mir hend schwümmring wo sie cha dri sitze
  • Gits o angeri wo komplett uf flügäli u westä vürzichte? Oder bi i di einzigi? I finges so schreckläch di ching ds gseh wo mit dä armä ir luft im chinderpool stöh u nid richtig chöi spile🙈 u sä när wider vo dä flügäli wäg ds bringe isch doch sicher o schwirig? Mini zwe si drü u füfi u ohni öpis ungerwägs, i la sä nie us dä ougä u bi immer griff nach bi ihne
  • @Crystal also mini hät im chinder Pool au keini anne nur im Grosse wenn sis wot ... und sust hebt sie mich ah de schultere und ich chan so schwimmä ... so han ich damals au glernt schwümmä
  • @Crystal euse isch 2.5 und i zieh ihm au keini schwimmhilf ah er goht sit er 6 monet isch ins baby/kind schwümme und d schwümmlehrerin het eus usdrücklich gseit gha das mir sellä uf schwimmhilf verzichte so würis vil länger go bis d kind chönt schwümme. Jetz wenn mir ins tüfe becki gönd cha er sich a mir hebe.
  • Ah de bini doch nid ganz di einzigi mit dera asicht😉
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum