2 mal bueb

Gits da mamis wo 2 mal sgliche gschlecht gebore händ obwohl sie sich zb es meitli händ 2 mal bueb becho händ? Und liecht enttüscht sind will de wunsch so gross gsi isch andere gschlecht au zha? Gits da mamis wo bereits 2 buebe händ u sich damit abgfunde händ dass es doch kei meitli mami zsi? Wie fühleder eu?chunnts allefalls 3. Chind no in frag. Ufjedefall hauptsach gsund!!glich hät mer glich de wunsch wo mer evtl muess sich davo verabschiede. Mich würds interessiere wie ihr eu fühlet, isch de wunsch zb au weg?

Kommentare

  • Bi mir chunt extrem de Wunsch uf nacheme Bueb ... und solang ich mir keis Baby sonder eh Bueb wünsche -> möcht ich lieber keis ... de ich ha zu Angst das ich nachher enttüscht wirdä 😔

    Klar mer seit immer Hauptsache gsund aber de wunsch nach dem gschlächt isch ebe scho da ..

    Chan dir zwar ned helfe ... aber lise gern mit 😘😘😘
  • Ich han en Bueb und bin miteme Bueb schwanger. Bim erste bini recht enttüscht gsi, ich han mich immer als Meitli-Mami gseh. Bim zweite ischsmer glich gsi, da isch ehner min Ma enttüscht gsi. Für mich isches guet so wies isch, ich bin fängs gern es Buebe-Mami und luege gern Baustelle und Bagger und was weiss ich a mit mim Sohn. S‘Rössli-Gen hät er vo mir übernah, daher hani glich öpis wo ‚typisch Meitli‘ isch.

    Ich han zwüschet mine zwei Jungs e fg gha, det wird ich mich immer bitz fröge, was es echt gäh het. Aber sust isch super so, ich han zwei Gottimeitli woni mich chli rosa chan usläbe. Es dritts nur wegem gschlecht sicher nöd. D‘wahrschindlichkeit dass es wieder en Bueb gäbt wär eh sehr höch bi euis
  • Zwei mal s gliche gschlächt nid nei, aber woni mit mim erste Chind schwanger bi gsi, hani mir sooo sehr es Meitli gwünscht und ha würklech denkt es isch uf jede Fall es Meitli, ha devo tröimt sogar. Womer d Fraueärztin aber denne gseit het es git zimmlech sicher e Bueb, bini innerlich scho bitz entdüscht und truurig gsi… Ja und das darf me au si, es het absolut nüt drmit ztue dasme nid dankbar isch für das wunder… aber es isch d Gfüehlslag i dem Moment. Denne isch bi mir au nid sicher gsi, obi überhaupt jemols es zweits Chind cha ha. ABER i cha nur das säge, das mis erste Chind e Bueb isch worde, isch eifach sooo toll…er het mir so viles glernt und zeigt uf sini Art und i bi so gern es Buebe Mami ❤️
    Aber i verstoh d Gfüehlslag au s Umfeld machts eim nid eifach…. Bim erste chind isches nur d Neugier ufs Gschlecht, bim zweite chind heissts „ohh i wünsche mer für di s andere Gschlächt vom jetzige“ „es git sicher es xx/xy“ etc. Es wird wie erwartet das s zweite Chind muess s andere Gschlächt ha und das machts ganze au nid eifacher. Me muess wie d erwartige vom Umfeld erfülle und ha villi mol erläbt wie d Lüt rundume reagiert hei wos zwei mol halt s gliche Gschlächt gä het „ohh schaad, jo de macheter halt no es dritts“ 🤯🙈 dr einti Arbeitskolleg het 3 Töchtere und was er sich het müesse alose vo gwüssne, hauptsächlich männliche Persone… die blöde sprüch will s dritte es Meitli isch worde… katastrophe. Mittlerwile verstohni sogar dassme s gschlächt bis zur Geburt gar nid wett wüsse.
  • Okey beruhigt eim au ghköre dass mer derf zuegeh dass mer en wunsch hät. Icha mich au als meitli mami gseh u nie denkt dass es nur buebe git u ja jetzt damit abfinde findi schono schwierig
  • Jenny Helin, hesch du 1 meitli?
  • Ich frög mich ebe au ob de wunsch denn irgendwenn vilicht von allei weggaht? Ich find au umfeld hät au erwartig!
  • @BAS ja ich ha fängs 1 Mäitli -> und 1 Mäitli im Himmel


  • i ha so kei wonsch, nie gha. mer werde eus vom gschlächt, wie au bem erschte, öberrasche loh
  • Ich han mich - bevor ich s erste Mal schwanger gsi bin - immer irgendwie als Buebemami gseh. Wo denn s erste es Meitli worde isch, han ich mich zersch chli müese fange. Bi nöd trurig gsi, au nöd enttüscht, aber han mich vo dem „Buebemami“-Bild verabschiedet. Woni mitem zweite schwanger gsi bin, hani mir nur no es Meitli chöne vorstelle und so isches au worde. Bin jetzt mitem dritte Meitli schwanger und ich finds mega 😍
  • ich ha mir immer bueb/meitli gwünscht! bin etz es buebemami vomeme 3 und 1jährige und es dritts gids uf ke fall. klar wärs schön gsi es meitli (ha immer denkt sig es meitlimami 😅). aber ich denke me bechud das wo zu eim passt und ich muess sege ich bin eher es buebemami und fühl mi ganz wohl als alleinigi prinzessin 😂 die zwei buebe forderet eim aber scho recht die luuuscheibe! 🥰 bin eifach dankbar sinds gsund und so glücklichi 🙏🏻
  • i ha geng 2 ching wöue u mini horrorvorschtelig si geng 2 buebe gsi 🙈 drum hani dänkt, ds erschte MUESS eifach es meitschi wärde 😅 woni de bi schwanger worde, isch mir vo afang a klar gsi, dass es ä bueb git, has eifach gschpürt. u es isch völlig ok gsi. u i ha när gmerkt, dasi vou ds buebemami bi 🥰
    woni ds zwöite mou bi schwanger gsi hani mer sooo fescht nomou ä bueb gwünscht, u es het nomou eine gä. i wär gloub mega enttüscht gsi wenn nid u hätt äuä chli z kämpfe gha, ouso i verschta das totau, di gfüeu.
    i liebes, ds einzige wibleche wäse im hus z si, aber wi öper vor mir scho het gschribe, 2 buebe si mega aschträngend, so wiudsöi 🙈
  • @BAS: Ig bi zwar nid i derä Situation, aber ig verstah Di guet. Klar darfsch enttüscht si. Das isch doch normal. Gloub d'Freud chunnt de mit dr Zit glich. U was s'Umfäud ageit: don't giva a Shit. Irgendöpis wird doch immer beirteilt oder gstürmt. Los uf Di u mach das wo für Di stimmt. Wes nid ums Gschlächt geit, de geits um äs witers Ching u we de meh aus zwöi hesch de fragä si ob ä Unfall sig gsi u wes no eis git de fragä si wenn ändlich gnue isch 🤦😂 Wünschä Dir alles Gueti mit dinä Ching, Du bisch sicher äs super Mami.
    Celeste
  • @gröipschi wieso meinsch isches denn streng? Will buebe allgemeim streng sind?
  • @BAS ouso i wotts nid veraugemeinere, aber weni mini 2 buebe mit meitschi us mim umfäud vergliche, geit de das scho um einiges wiuder u lütter zue und här 😅 mit chriegerle, aues isch ä wettbewärb etc.
  • Ich han zwei Buebe, und siit Mai hämmer jetzt no es Meitli, bim erschte Bueb hani u froid gha, han immer en Bueb welle, bim zweite wär es Meitli au schön xi, han mich aber schnäll mit em Bueb agfründet und sie sind au näch ufenand, es isch lüter, wilder, es wird viel gstritte und au viel körperlicher (mit haue, schupfe, bisse, etc.) aber sie sind au ei hätz und ei seel 😍es dritts häts nöd ge will ich unbedingt no es meitli ha we sondern wil mir gärn no es dritts händ wele aber klar mir sind meeeega happy hämmer etzt no es meitli 😉😍
  • @BAS ich bin jetzt ide 40 ssw mit mim 2te Sohn. Klar bini zerscht chliin enttüscht gsi aber jetzt freui ich mich sehr. Denke die 2 Buebe werded sich um so besser verstah, es isch fascht klar das es keis 3ts git.
  • Eusi Mädels sind wie zwei Buebe… luut, bissed, haued. Energie ohne Ende… grad jetzt woni hochschwanger bin, chumi würkli a mini Gränze. Weni gnau überlegg, hani mini Buebeerfahrig trotzdem 😂😂
  • @Fabi88 jetzt freusch dich druff? Ich weiss hätti erfahre dass es meitli git wäri halt jetzt sofort go meitli kleider go kaufe. Wünschisch der no es meitli oder wie hät sich das jetzt bi dir enrwicklet?
  • @gröipschi ja das chani mer vorstelle aber irgendwie händs doch au unterhaltig zeme? Ich mein min bueb macht au vorallem seich wills ihm ebe halt au langwillig isch will ihm es gschwüsterti fehlt. Aber ja buebe sind scho vorallem lüüter/aktiver. Wie gasch du damit um? Was machts eifacher? Spielets au zeme? Wie alt sinds denn?
  • so wied gröipschi schriibt sind mini zwei jungs au mega asträngend, als Buebemami bin ich scho die wo am meischte muss luege uf em spilpi. klar händ sie sich au gegesiitig zum spiele aber dä konkurrenzkampf isch halt da und es isch würkli so dass buebe sich schnäller haued/schupfed…
    däfür sind sie scho mega sälbständig, sporned sich s, dä chlii fahrt siit 2 1/2 pedalevelo und mir sind so u schnäll unterwäx😊
  • Ich ha Zwillinge und bi voll der überzügig gsi es isch es meitli und en buebe. Ufd welt bracht hani 2 buebe. Au bi eus gits bisse haue alles drum und dra. Es dritts chind wür für mich erst so i 4 Jahr es Thema sie, aber de wär mir gschlecht egal.
  • i fone au meh törf enttüscht si und sich es anders gschlächt wünsche. i han immer gwüsst dasi meh kind wet und ha mr baidi gschlächt gwünscht. mir hend au bi kainem Kind gwüsst wases git erst bi de Geburt.
    serst het en bueb geh und au wen i i minre vorstellig immer denkt ha zerst bueb den Maitli bini meeega enttüscht gsi und ha alli maitli mamis kli beniedet.
    den hani 3 verlohre und ir 2intakte SS hani kli ghoft dases eh maitli git abr es isch nüme so extrem gsi i bin aifach dankbar gsi überhaupt schwanger zsi. es het den es maitli geh abr de wundch nochemne 3 isch immer no do trotz baidne gschlächt
  • Icha aber ghört dass au meitlis umehauet u bisset?
  • @BAS oh jaaa mini hät die Phase au gha .. das chunt glaub gar ned druff ah was es isch ... 😁😆
  • I ha 2 buebe. i ha immer wellä es meitlimami si woni den bim 1. Erfahre ha das es e bueb isch bini scho biz entüscht gsi ha mi aber glich mega gfreut dr 2. Bueb isch vor 2 mönet uf d wält cho ir schwangerschaft hani mr immer es meitli gwünscht und bi dementsprächend au sehr entüscht gsi wos gheisse het es sig e bueb aber sit er uf dr wält isch chan ichs mir gar nüm anderst vorstelle und ha so freud a mine 2 jungs und wär weiss was d zit no bringt🙈😊
  • ich han es meitli (han mir au fescht es meitli gwünscht) und falls mir no es zweits becho würet, würi mir namal es meitli wünsche 🥰 so wünsch sind doch ganz normal.. aber schlussendlich liebt mer s chind trotzdem, egal öbs wunschgschlecht het oder nöd. und wenni d buebe im umfeld gsehne, isch mini tochter um einiges strenger as d buebe. e richtigi diva!
  • @BAS ja jetzt freui mi und gseh d Vorteile vo 2 Buebe. Ich glaub nid das mir nachher no wir es Meitli fehle denke bi gnueg usglastet mit dene 2.
  • Also ich bechume jetzt z 3te meitli und ha sho bim 2te fest gwünscht das es eh bueb git mit babyparty und allem wo aber den rosa Konfetti statt blau cho ish hani müesse doch träne verdrücke nichts desto trotz hani mich für mis meitli gfreut das sie eh schwöster bechunt nach 6monet bini wieder schwanger worde planet für eh bueb eisprung berechnet gluegt welli tag es ender eh bueb würd gäh und ka was Endeffekt bechumi jetzt 3te meitli ich ha sicher 2mönet mit dem zkämpfe kha es zakzeptiere weils au erst kheisse het es ish eh bueb nichts desto trotz bini froh über mini 3meitli aber natürlich hani mir eh bueb gwünscht heisst aber nid das ich eine vo de 3 weniger liebe es ish eifach au meh de druck vo usse gsy oh giz eh bueb , wünschish dir sicher eh bueb , dis nächste wird eh bueb

    (Ish eifach eh offeni Antwort ) 😅

    selin
  • Also wie händs zerst gmeint bueb? Im ultraschall oder wie?also ich verstah scho dini enttüschig, mer will halt beidi gschlechter mal erlebe. Bi mir ischs halt so dass es für mich klar gsi isch dass ich mal es meitli wird ha u han mich eher als meitlimami gseh u natürluch gsund isch swichtigste aber isch halt wie mir drin u chan das halt au ned ändere dassich de wunsch ka han/han. Trotzdem freuich mich uf min bueb:) u imfall das mitem druck stimmt voll!! Das machts nomal schwerer
  • Ich ha mer au es meitli gwünscht aber ha denn mal denkt.. man es git so viel mensche wo sich überhaupt es baby wünschet und es gaht us irgend en Grund nöd... Ich cha mich glücklich schätze dassi denn zwei gsund chlini mane han 🥰🤸
    samira. nic10LillyFeePatricia1909
  • @snowangel da hesch du ebe scho recht!!
  • @snowangel Danke für dini Wort. Aber i verstoh alli wo sich no s ander gschlächt wünsched 😉
    Miettesnowangel
  • Genau mir het meh bis zum 6te monet gseid isch eh bueb und au bis hüt aktuell 36ssw nid 100% bestätigt das es meitli ish aber ich ha gseid mir ish es jetzt egal weil ich glücklich bi gsundi kind zha ohni problem kei strengi ssw deswege klar im erste moment entüscht würd lüge aber ich ha au freud 3 füzlis zha 😂 um mami shopping zmache
  • Aber händs denn genitalie ned gseh will icha gmeint ka en bueb gseht mer eifach.
  • I ha o zwe buebe u ha mir ir zwöite ss äs meitli gwünscht, bi scho sehr enttüscht gsi wos wider ä bueb isch worde, aber i ha mi mittlerwile drmit abgfunge u bi sogar froh um mini zwe buebe, kes theater wäg schminke, ds churzi röckli, ds grossi usschnitt🤪 i finge mä darf säch öpis wünsche u mä darf enttüscht si…därum hei mir o wöue wüsse wases wird, das d enttüschig bir geburt (fasch) wäg isch u mir üs eifach überds bebe chöi fröiie u nid denn no enttüscht si. Bi üs isch vo afang a klar gsi das mir zwöi möchte, u därum gniessi mittlerwile so fescht buebemami ds si. Lueg eifach aui vorteilä a wos het wett zwöi glich gschlächtlächi hesch u i bi sicher dini enttüschig vürschwindet, aues geute dir
  • Guet so sorge/theater isch bi beidne glich 🙈 bi buebe muesch luege dass die kei seich machet kei kriminells zügs oder plötzlich e schwangeri mithei nehmet.. sich vor krankheit schützet.. 🤭
    Bi meitli öpe genau glich 😏
  • Ja stimmt au buebe machet dummheit wie bsoffe fahre etc. Aber irgendwie hät mer bimene meitli höt mer wie nomeh sorge glaubich also hani vo minere muetter eao ghört.ich wör halt scho mega meitli mami, shoppe, schminke, bebele wär voll mis u han mich nie als buebe mami gsi vo dem her wirds mer sicher fehle u 3. Dritte chind isch halt scho mega viel findi aber ich glaube wenns baby denn da isch interessiert eim gschlecht eh nöme u denn chönt mini jungs zeme die buebesache mache (bagger/auto/umekämpfe)
  • sorge machsch dr doch gschlächtunabhängig würkli fast di gliche. au maitle chömd bi bsofne istiege und saich mache wie au buebe.
    und wild tue chönd doch baidi. mini tochter wachst akturll nu mit buebe uf. 1 brüeder ubd 4 cousins und alli im „gliche“alter öbe i denke sie wird den au ehner mit buebe sache und weniger maizle sache konfrontiert wens zeme spieled. ubd i finds total oke. zudem isch lustig jrtzt findi das rosa und glitzer züg megs doof bi minre tochter und verwütsch mi selber dasi ihre au meh buebe sache ahlege
    Mamelo
  • @BAS ich verstah di vollkomme aber s git au vil meittli wo nit schminke und tanze und röckli und so ahlegge.
    also würdimi nit zu fest uf das verstiife ☺️aber verstahdi natürlich scho☺️
  • wo mer eusi schwangerschaft bekannt geh hend hets au heisse hoffentli es meitli, jedes mami brucht doch en tochter. vell meh als es chopfschöttle hani dere ussag ned biiträge chöne
  • Bi mir hets gheisse öbi jetzt entt
  • Bi mir hets gheisse öbi jetzt enttosche seg😂🤦🏼‍♀️
  • Bin sit 2 Täg 2 fachs Buebe Mami und all die Gedanke ide Schwangerschaft sind wenns Baby mal da isch weg.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum