Europapark oder Legoland? Kinder 6 und 2

Hoi Zäme

Was isch besser für d Chinder, Legoland oder Europapark?
Im Legoland simer nonie gsi aber üse Sohn het Wärbig drvo gseh und möcht jetz det häre. Bi aber unschlüssig ob das öbbis isch für s Alter wo üsi Chinder hei 🤔

Was chönneter brichte pro und kontra?

Kommentare

  • Sali andu

    Also mir finde Europapark isch für üchi 2 vum Alter interessanter..bütet meh und s het au guet Bahne wo sie viu chöne mit Begleitig mit
    Im Legoland isch au vur Grössi viel ab 4i....und weniger interessant als Europapark deswege au vum Alter..ussert du seisch dass es nüt usmacht wenn de chliner eher halt sporadisch mal cha uf eini druf und es isch de aber au ok......de grösse rhet de schu meh Möglichkeite...ich weiss ned wie alt sinds de? Mir gönd mit ihre..sie isch 3 gsi ..deswege ned in Legoland und wartet ab dafür simmir jedes Jahr 1 bis 2 Nächt im Europapark ;-)😀
  • Europapark isch au üse Favorit, aber ebe wöu dr Junior e werbig vom Legoland gseh het, ischer mit dem cho. Mi maa seit au, mir göi wenn denne i Europapark, isch zudem au no nöcher.

    Bisch de du au scho im Rulantica gsi? Wie isch das eso?
    S_F
  • Rulantica wei mir erst goh wenn Sie älter isch eher meh so 6i ufwärts...drum hemmer gseit machemer eifach nechst jahr wieder 2 nacht em park aber rulantica sött au hammermässig si....aber i denke au da guet du hesch au na es älters chind....aber weiss halt de au ned mim jüngere was wie wo mache wells halt schu au viel Rutsche git wo eifach älteri chöi nutze ;-)
  • Mir hend üs jetzt entschiede, mir göi i Europapark 1 Tag und de übernachte mer dete und aschliessend gömee no e Tag is Rulantica. Bi gspannt. Vom Bade wird die chlini äuä nid so vöu ha aber mau luege 😁
  • @AnDu88 hey super. Wird sicher lässig 🙂😍
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum