Beim 2. Kind Zwillinge

Bindli · 2. 08. 2022, 10:54

Wer het bim 2. Chind Zwilling becho? Ich stahn total under Schock und han nie Zwilling welle 😢

Minifee · 2. 08. 2022, 10:57

Ich han zwilling becho noch em Sohn sie sind etz 10mt 😉👍

AnDu88 · 2. 08. 2022, 11:06

E bekannti het, wo die grossi knapp 2 isch gsi, Zwillinge becho. Si seit selber es sig scho mega asträngend aber es funktioniert irgendwie. Me macht s beste us de Situation und s wichtigste isch au s Umfeld wome het „sis Dorf“ vo lüt wo eim unterstütze. Am Afang isch die Grossi sehr vill bide Grosseltere gsi, da die zwei chline au no uf dr Neointensiv si gsi.

I wünsche dir alles Gueti, es chunnt sicher alles guet ❤️

aenn · 2. 08. 2022, 11:52

@Bindli ha leider no kei chind.. cha aso garnöd so recht mitrede.. aber ich denke ihr schaffed das 🙏🏼
Vill muet und chraft für eu🤍

Mayla · 2. 08. 2022, 12:50

Isch bi üs nöd so, findes aber e schöni vorstellig, hesch jo scho viel erfahrig vom 1. Kind ☺️👍 alles gueti 🍀

dixi90 · 2. 08. 2022, 15:33

Mini Verwandte hend nochem 1. Chind Drilling becho. Es isch sehr, sehr sträng, aber an sich seigid Drilling „eifacher“ bzw. zfridner als s‘erschtgeborene Chind. Hesch du Hilf?

Tanja87 · 3. 08. 2022, 22:45

En Bekannti vo mier hed es 3. Chund welle und denn heds twins geh☺️ sie hed en strengi Ziit gha, aber sie heds gschafft und 4 tolli Chind🌸 ihr schaffid das🦋🦋

🦋Farfalla · 4. 08. 2022, 06:38

Mini Schwöster het au Zwilling becho .. wo diä chli 2 gsi isch. Es isch streng gsi am Afang. Aber mer cha alles schaffe ♥️ sie isch aber do bim US au sehr gschockt gsi. I wünsch eu alles Gueti 🍀 ihr schaffet das.