🪆📬 Ü-34-Schwangeri 🦸🏼‍♀️🎁

CelesteCeleste

136

Symbol
bearbeitet 10. 08. 2022, 17:43 in Schwangerschaft
Wer ghört vo eu zu de sogenannte Spätgebärende? De Begriff isch eifach so nervig 🙄 aber... d'Erfahrig isch für mich mit 36i ganz e anderi als mit 24i. Wie isch das bi eu? Mached ihr eu Sorge bezüglich de Risike oder nöd? Wirtz eues letschte Baby si, oder hetteder lieber früener agfange/witergmacht?
bireweggliDinky

Kommentare

  • Ich. Bim erste bini 32gi gsi und jetzt bini mitem zweite schwanger und bin 35gi. Bezüglich Risike han ich für mich bewusst bi beidne ss de NIPT gmacht. Sust mach ich mir nöd meh Sorge hani s‘Gfühl, und fühle mich au nie als alt behandlet vo minere Gyno. Für mich persönlich isches jetzt aber letschti iisebahn, wär ich das Jahr nöd schwanger worde hets keis zweits gäh. Weg Risiko aber au ufs Alter gseh, nöd nur vo mir sondern au vo mim ma, er isch 5 Jahr älter und er seit au er het eigentlich im Pensionsalter d‘Chind gern dusse, und das verstahn ich und gsehn das au so. Ich han eigentlich immer früehner chind wele, da ich für die damalig Ziit recht alti Eltere gha han und das als negativ empfunde han. Aber ja, s‘Lebe macht halt eigeti Plän 🤷🏻‍♀️
    Celeste
  • Vergiss sAlter😄es chunt sooo uf din Körperdrufa und wie Fit du bisch😊👍mit 25 chasch genau so fit sie wie mit37 gi und umgekehrt. Ich mein wend mit 25 120 kg bisch und Rauchsch und Trinksch aber mit ü34 Top fit und gsund bisch den hilft der sAlter nanig. I de SS wirsch besser betreut und hesch meh Kontrolle wo vo de KK zahlt wird.

    Trotzdem ja gwüssi Risiko dind erhöht aber für das wirsch sehr gnau Kontrolliert. Nipt test han zuesätlich au gmacht wege Angst us Trisomie 13+18. Bi dene Trisomie überlebt sKind nöd im Buch oder churz nach de Geburt stirbts. Isch aber sehr selte.
  • Betreff Eltere mini sind 72gi und sind gester 40 km mit em Velo gfahre🤣das macht mengs Junge nöd ha das au nie als negative empfunde evtl well sie aktiver gsi sind als mengi Eltere vo mim Kollegekreis😌 hani no welle verzelle
  • haha @Zireael du häsch vollkomme rächt 😄 um mich mach ich mir au gar kei sorge, es isch meh s'risiko uf fehlbildige und komplikatione wo mer chli nagaht. han zudem grad e fehlgeburt gha, das entspannt halt au nöd würklich.
  • hey @Sonnenblümchen 🌻 danke für dini antwort!

    ja ich mach es au so, grad i de 10. wuche de NIPT, denn weiss ich grad was sach isch. ich fühl mich eigentlich au nöd "alt"... aber ich merk scho, dass ich mir meh sorge mach als no bim erste. eifach obs überhaupt nomal klappet? au denn genetisch und so? ich bin etz zum glück 2x grad im erste alauf schwanger worde (1xFG, jetzt bini 4+6 🤞🏻) also a dem sötz nöd schitere. aber hach 😅
  • Ich au, s erschte chind hani mit 32i, s zweite mit 34i und jetzt s dritte mit 37i becho. vor 30i hett ichs mir gar nöd chöne vorstelle will mir no bruefsbegleitend studiert händ und no go reise händ welle. und ich ha s gfühl bin bi allne 3 ss genau gliich fit xi, bin jetzt au no bis zur Geburt is Fitness gange, und mit mine Chind sekli eh di ganz ziit ume, das haltet meg fit😀
    i mim Umfeld sind aber (fast) alli ü 30i xi wos agfange händ chind becho, dänke das macht au no was us…

    mis mami isch sehr jung xi wo sie min brüeder becho hät und drum jetzt erscht grad pensioniert worde, sie isch natürli mega fit, was mir gnüssed - ihres mami, alsi mini grossmuetter, hät sie mit 38i becho - steialt für damals, aber ich has nie empfunde, als hett ich e mega alts grossmami, sie isch fitter xi als teils grosseltere vo mine kolleginne.
    CelesteZireael
  • @Celeste Das duet mer leid ich han leider au 2 mal das müesse erlebe😔jetzt isch aber mis Wunder da. I eusem Alter isches leider so das das die Wert erhöht sind und min Arzt het mer gseit das bis zu 3 FG normal sind. Darum das isch so isches sicher wichtig das mer i eusem Alter die Test macht und zu de Vorsorgeuntersuechige gaht damit mer gwüssi Problem guet erkenne chan. Mer muess aber au sege das viel Mamis hützutags über 30 oder gar 34gi sind und die meiste Kind sind gsund. Ha mer aber au mini Gedanke gmacht zu dem. Vorallem weg de FG hemmer lang nöd gwüsst lits amene Gendefekt wo verebt wird und de Embryo so nöd cha überlebe isch aber nöd de fall gsi🙌
    CelesteVane😊
  • Also ich han mis erste met 37 gi becho mis zwöite met 42gi. Bedi gsund und met 42gi hed de fa ned mol welle de nipt mache well alles so guet gseh esch und er meint i 2 johr chöni nomol eis mache segi kes problem.
    Ha super geburt gha und en schöni ss.
    Glaube mer esch so alt oder jung wies se körper zuelod
    Claufi
  • s erschte met 32gi ond bem 2. werdi 35i si. jetzt em nochhinein hetti gern eher chend gha... aber vorher hets ebe au gstume
    🤷‍♀️ esch wes esch ond s esch guet
  • wie alt bisch denn zu @Zireael? haha @bireweggli sehr guet 😉
  • ja @mamelo das gaht mer glich! ich han e grossi tochter und hett gern es gschwüschterts für sie gha. aber nachdem es länger nöd hät wele klappe, hätz eifach nüme passt mit irem papi... und das bringt halt niemerem öppis.

    mittlerwile bini inere unheimlich tolle beziehig und wetts nomal wüsse ☺️ fintz schad, dass es ersch etz witergaht, au will ich gern meh als no eis baby würd wele. han immer e grossi familie wele 🥹
  • ich wurde mit 41 schwanger und hatte eine super Schwangerschaft ohne irgendwelche Beschwerden und eine Geburt ohne Komplikationen. Vielleicht liegt es auch daran, dass ich immer schon viel Sport gemacht und mich gesund ernährt habe. Ich wurde auch sehr schnell schwanger, sprich wir haben es nicht explizit probiert sondern einfach darauf ankommen lassen. Was ich damit sagen möchte, ich finde das Alter spielt nicht so eine grosse Rolle es ist mehr, wie man sich fühlt und in welcher Verfassung man ist.
    ZireaelMamelo
  • ja also eben @guayoya, meine sorgen drehen sich eigentlich nicht um mich, ich bin fitt und ready 😃 sondern um das genetische risiko, das zeitfenster, dass sich bald schliesst, solche sachen...
  • ich bin susch sehr e entspannti mueter, aber ich glaub ich han eifach z'fill googlet nach de fehlgeburt 🙈 han gläse, dass offebar bis zu 3 fehlgeburte no als normal gelted??

    ...und etz musi bis am 30. auguscht warte uf de ersti US 😵‍💫 und bis am 20. september bis zum NIPT!
  • @Celeste Versuche positiv zu bleiben. Das mit den Fehlgeburten nimmt wohl etwas zu mit zunehmendem Alter - muss aber überhaupt nicht. Die meisten Schwangerschaften verlaufen doch gut. Drück dir die Daumen ✊🏼. Ich musste auch ewig auf den Nipt warten. Dann war alles in Ordnung.
    CelesteMamelo
  • danke @Bell 💖 du hast vollkommen recht!

    noch 12 mal schlafen 🤞🏻😄🗓
  • a die, wo de NIPT direkt gmacht händ: sind ihr i de 10. oder 11. wuche gange? FA hät mer en termin i de 11. gäh, aber ich würd natürlich gern früener gah. isch deet d'fehlerrate grösser, oder macht das kein unterschied? @Sonnenblümchen @Zireael @Bell
  • @Celeste ich hanen au i de 11. Wuche gha. Bi de 1. ss glaub au um das ume. Zfrüeh isch glaub würklich nöd guet, kenn aber die gnaue Zahle nöd. Ah falls s‘Gschlecht wetsch wüsse dra dänke dass de Gyno das theoretisch erst ab de 13.ssw dörf mitteile
  • ah es gaht theoretisch scho ab de 10. wuche (also 9+x) aber ich glaub wenn mer z'früeh dra isch, chas unter umstände z'wenig fetali DNA im bluet ha. und denn musch nomal gah, und wartisch am end fill länger.
  • Ich weiß nicht mehr genau, welche Woche es war. 🤔Musste aber 2x Blut geben, weil der Test irgendwie unklar war. Auch beim 2. mal noch, wegen irgendwelchen Störstoffen von mir. Wir haben es dann dabei belassen, da man die häufigsten Chromosomstörungen ausschließen konnte. 🤔
  • ich han ihn bi 9+2 gmacht will mir nacher 5wuche go reise sind und es hät guet glanget mitm bluet☺️
  • I bi 36 gsi und bi froh dasi doch no Mami worde bi. Au wenni friehner ha möchte aber es muess au alles stimme vom Job bis zum Partner.
    I ha denn nur dr Bluettest gmacht ka me nid und ha mir gar nie so gedanke gmacht, ha immer positiv dänkt
  • Hey

    I hanen 9+2 gmacht und isch ohni Problem gange.
  • also ich hanen am end müse wiederhole 😄

    er isch i de 11. wuche gmacht worde und uffellig zruggcho. da es aber nur 4.2% (vo de mindestmengi 4%) fetali DNA drin gha hät, sintz nöd sicher gsi obs deswege filich falsch-positiv chönti si.

    so isches denn au gsi, hanen wiederholt und denn isch alles guet gsi. aber stressig 😅
  • Ja da au bi jetzt 37gi und mitm 2. Schwanger 😊
    Für mich stimmts so wills vorher mit ere andere beziehig nöd gstumme hetti 😊
    Ich ha kein nipt test gmacht, will screening mega guet usgseg het.
    1 fg hani au gha vor mim erste chind.
    Jetzt bini 19+0
    Celeste
  • Ich bi 39gi u hüt genau ide SSW 37 0. Ha im 2016 üsi ersti Tochter gebore. U im 2020 e Fehlgeburt gha.
    Ich ha mir au Sorge gmacht gha weg de Gsundheit vom Baby. Doch nachem NiPt bini entspannter.
    Ich denke das isch normal. Me macht sich ja immer sorge, egal ob mit 25 oder 35 Jahr.
    ZireaelCeleste
  • I ha die letschte täg mis 2. Chend gebore- met 35gi.
    I be soooo fescht verliebt i da chline chnöpfli ond es verriist mi schiir das es mis letschte sii werd.

    Die Hormon❤️🙏
    DinkyCeleste
  • ohhhhh gratuliere @Mamelo!!!!!! 😍
  • Hallo zusammen :)

    Mein Name ist Elma Softic und ich bin Reporterin beim Youtube-Reportageformat «SRF rec.». Für eine meiner Geschichten, suche ich Frauen, die in der 7.-10. SSW sind. Ich würde sie gerne bei einem ETT und NIPT begleiten.

    In der Reportage thematisiere ich den NIPT und die häufige Folge eines auffälligen NIPT sind Fragen rund um den Schwangerschaftsabbruch. Damit ich Einblick bekomme, wie solche Tests aussehen und erfolgen, würde ich gerne mitkommen, filmen und dir dabei ein paar Fragen stellen. Das würde dazu dienen, dem Publikum Einblick in die Pränataldiagnostik geben.

    Ihr könnt euch gerne bei dokonline@srf.ch oder direkt bei mir unter elma.softic@srf.ch oder unter +41 58 135 23 17.

    Elma
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum