Vorbereitung/Tipps Kaiserschnitt

Kommentare

• Crystal

  239

  17. 08. 2022, 20:03

  Hallo, i ha dir nid würklech tipps, aber probier di so guet wi mügläch drmit a ds fründä, dasd positiv a das ganze härä chasch, schlussändläch isches doch glich wi dis chline wunder ufd wäut chunnt, houptsach äs geit am bebe guet, das isch ds wichtigschtä. Mi erscht sohn isch mitämä unplantä keiserschnitt ufd wäut cho. Was eifach isch, di erschtä öpe zwe täg wirsch di wahrschinlech nume sehr schlächt chönne bewegä wüu dir d narbe weh macht u dr ganz buch wi sehr starchä muskukater isch. Ä katheter wirsch o ha u gloub mir du wirsch froh si wet fürds bislä nid muesch ufstah🙈 nimm uf jedä fau trainerhose oder leggings mitämä höchä bund mit das si nid ufd narbe drücke u für dahei würdi luege dasd ungerhose hesch wo o überd narbe chöme ( im spitau hesch ja di netzhösli )
  I ha arnikachügäli gno nach dr op fürd wundheilig
  Gits aber „nume“ ä spinauanästhesie oder ä vounarkose? U wet wosch vürzeue was dr grund füre ks isch losi gärn zue☺️

  
• simi99

  167

  17. 08. 2022, 20:22

  Aso ich han zwei planti Kaiserschnitt gha de erschti Mai 2021 de zweiti Juni 2022… Muss sege bim erschte KS sind bi mir schmerze da gsi isch ja logisch nachere Buch OP mini Fazit sind eifach stahn grad uf sobald derfsch egal wie weh s macht es isch en höllische schmerz durebise und bewege umso schneller du dich getrausch ufstah desto schneller gahts djr wieder guet ich bin bi beidne KS am gliche Tag no ufgstande und am nexte morge isch mer de katheter wegnoh worde min tipp au no trink was nur chasch trink extrem viel wasser nach de geburt au wenn kei durscht hesch eifach abelehre es tönt mega doof aber so spüelsh di antibiotika und narkose use😊 Han aber zweimal e super geburt gha beides mal teilnarkose bim erschte KS bini nacher 4 Tag im Spital gsi bim hweite KS hani gar kei schmerze gha bini am nexte morge nachem KS heigange🙈 Mir het megga Arnika kügeli ghulfe hani am Abig vor de OP am morge vor de OP nach de OP und na paar tag witer gnoh für wundheilig mjr hets ghulfe😊 Han au sones Öl für de buch gha sones homeopatishs wo d luft usem buch use macht wos vode OP geh chan😊 Aso wenn gnauers wüsse wetsch bezüglich ablauf etc bi da mega offe schriebsch mer eifach 😊

  
• Zireael

  440

  18. 08. 2022, 04:49

  Ich han min Plante Kaiserschnitt vor 2 Mönet gha. Ich bin zum Arzt und den 2 Täg später het mer de KS gmacht. Ich bin mega Glücklich gsi mit dem Gedanke woow jetzt i 2 Täg bisch Mami😍 am Abig vorher sind ich und min Maa no zämme go Esse und de Gedanke Morn werdet mir 3te si isch soo schöön gsi😍❤️
  
  Am Morge hemmer eus zämme parat gmacht und am 5i simmer los. Es isch mir vorcho wie Weni id Gerie ga will nur den stahni so früeh uf.
  
  Ich han mi nöd würklich i dene 2 Täg chöne Informativ vorbereite, ha aber au
  
  noe welle Geburtsbricht oder über KS welle gnau sache wüsse. Ha angst gha das mer öbbert Horrorstorys verzellt🙈
  
  De Tipp mit em grad ufstah isch de best, de hani dur e Forumskollegin da den au übercho, ich ha de Katheter au grad 2 h später zieh la.Bim erstemal ufstah laufsch in Günseschrittli und de Buch muesch hebe.
  Am 2 Tag hani alles allei gmacht Dusche Wc etc. Bi nach3 Täg den scho Hei es isch mer so guetgange. De Hei hani eifach gluegt dasi nöd viel schwer Lupfe. Bi amer nach 4 Täg acho chlini rundene go Spaziere es het mer so guet da.☺️
  
  

  
• Juno

  72

  19. 08. 2022, 07:21

  Ganz ganz herzliche Dank eu fürs teile vo eune erfahrige🥰
  Het mi grad chli beruhigt
  Stell mich etzt eifach druf ieh und freu mich dass mir s bebé scho gaanz gli chönnd it arme neh
  
  s isch mir de Mäntig eifach gxeit worde vode fa weg de lag gäbis etzt denn gli en ks abr Infos hets kei geh glaub Spital het gmeint t fa kontrolliert nomal und bespricht alls und t fa het gmeint s Spital möch das...Sie het mi au erst die Wuche überwise as Spital... De Grund isch dass de chli in BEL ganz tüf is Becki grutscht isch plus diabetes...
  
  Etzt hani denn no nöchst wuche e Kontrolle im Spital woni cha Frage stelle da bini mega froh