PMS - psychischi symptome

Hoi zäme
Sit de Geburt vo mim zweite Chind und nachdem mini Mens wieder agfange het, liidi extrem unter psychischer PMS… körperlich hani nur liechty Symptome aber wie gseit, die psychische si für mi ächt müehsam. Vilicht geits öbberem ähnlich? Was machet dir drgäge?

Normalerwiis bini sehr es geduldigs und iifüehlsams Mami aber während dere gwüsse Zit mutieri regelrächt zumene „Monster“ i bi sooo greizt, mag gar nüt verträge vode Chinder oder vo mim Maa, wirde lut und agressiv. Füehle mi allgemein sehr einsam i dere Zit ha s gfühl alles und jede schaffet gäge mi und luegt nur für sich während ig alles muess manage dehei usw. Mir duets so leid im nachhinein aber i dene Momänte chanis irgendwie nid ändere. I kenne mi denne selber gar nid wieder.

Chum het d Mens agfange geits ine extremi fast „bleierni“ Müedigkeit über… aberes goht denne rächt schnell wieder Berg uf, bisi de wieder churz vor dr Mens stoh 🙈 dr ewigi Tüüfelskreis…

Kommentare

  • Genau so fühl echs au. Nochem erste chind und jz au nochem zwöite.
    Ha mönchspfeffer gnoh, hed aber nur bedingt gnötzt. Tcm hed chlii öppis brocht aber das monster in mir gwönnt immer… she hulk seid mi mah amigs
    AnDu88
  • Geit mir scho sit mirä erschtä Mens so. Leider hilft nüt würklich. Versuechä aubä s'bestä drus z'machä u ga auem, ussert dä Ching, so guets geit usm Wäg.
    AnDu88
  • Ich han das au scho immer gha, richtig agressiv🙈Mir hend nur Künstlichi Hormon ghulfe… chönsch es au mal mit Mönchspfeffer oder Baldriantropfen probiere wend kei Hormone wetsch neh. Mini Schwögerin het die Psychische problem allerdings vo de Spirale gha😅😅
    AnDu88Swissmom
  • Mir tuet Shiatsu extrem guet und so han ich‘s besser in Griff becho🙏
    AnDu88
  • Was bi mir e dütlichi Verbesserug brocht hett isch d‘Ihnam vo Omega-3- Fettsüre gsi. Sprich Nachtkerze oder Fischölkapsle. Am beste gosch di emoll inere Drogerie go berote loh.
    Generell sin Nahrugsergänzugsmittel öbbis guets zum allfälligi Mängel usszglieche.
    Was sicher au hilft, isch regelm. körperliche Aktivität zum Abbau vo Stress (als Mami nit immer ganz eifach gäll).
    Uff Spotify gits mittlewiele vieli Podcasts zu däm Thema, es goht viel mehr Fraue eso als me dänkt.. 🤨
    Lauraannah
  • Es zitli lang hand zimmlich folsüri und iisemangel gha, aber jetz weissi nid wies usgseht.

    Es isch würklech nid schön wenn me sich so verhaltet und die Hormone achterbahn fahre… vorallem chönne d Chind am wenigste öbbis drfür 🙈 und au sitem zweite Chind isch min Geduldsfade rächt gschrumpft 😅 im gägesatz zu eim Chind. I froge mi wie das Müettere schaffe mit 3,4,5 Chinder 😵‍💫

    @aenderli shiatsu isch mega, ig bi vor paar Johr regelmässig is Shiatsu und es het sehr guet do. Stimmt do chönnti wieder mol e Termin mache ❤️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum