Startseite› Schwangerschaft

Wie in derNacht schlafen?

Juna1Juna1

1
bearbeitet 3. 09. 2022, 20:33 in Schwangerschaft
Hallo zämme

Ich bin im 7 . Monat schwanger und han per zuefall gläse das mer sött uf de linke site schlafe. das ghöri zum erste man, het mer nie öper gseit. Finds müehsam immer so zschlafe . Wie hend ihr das gmacht?

Kommentare

  • CrystalCrystal

    280
    Ja wüu denn d vürsorgig vom bebe optimau isch u du nid uf öpisem ligsch u zämädrücksch…aber i würd dir glich rate so ds schlafe wi du wouh bisch☺️ het ja ke sinn we du när nid chasch schlafe, das nützt dim buchzwärg o nüt
    Zireael
  • StiSti

    343
    Ig ha so gschlafä wi mir wohl isch gsi. Sogar meischtens ufm Rüggä. Hebammä het ou gseit, ligä wis bequem isch. Wes nid guet isch, merkt mäs de scho.
  • AnDu88AnDu88

    786
    Ig ha so gschlafe, wies mir bequem isch gsi 😅 Mini Fraueärztin het gseit so wies mir wohl isch, isches au am Baby wohl.
    Am liebste bini so halb ufem Buch gläge, s undere Bei gstreckt und s obere Bei agwinklet und ha s Stillchüssi zwüsche de Bei und underem Buch düre als Stützi gno.
  • snowangelsnowangel

    860

    Symbol
    Haha ich bi au halbe ufm buch gläge 🤭 bi immer mega überascht gsi wie das überhaupt möglich gsi isch...
    Mini Ärztin het au gseit wenni mich eso wohl fühle isch doch guet 🥰
  • ZireaelZireael

    440
    Ich ha Stillküssi eis im Rugge und eis zwüsche Bei gno voredurre. Vorallem sKüssi im Rugge het mer ghulfe, bi au haubtsächlich links glege ha aber glich abunzue abgwechslet uf recht will mer dHüfte so weh ts het. Was au ghulfe het i bim Stillküssi vore das mer biz uf de Buch sich het chöne drehe. Bi mit isch uf de rechte Site die ganz Süüri ufecho und ufem Rugge hani nüm chöne Schnufe🥲es isch so müehsam !
  • LillyFeeLillyFee

    173
    Ach ich bin au im 7. Monat und schalfe immer no ufen Buch.
    Smuess dier wohl sii und ufen rugge chönne vil ned schlafe wills d luft abstellt aber wenns dier gaht🤷🏼‍♀️👍🏻
  • MaylaMayla

    4
    Ich quäl mi jedi nacht so halbe sitwärts zschlofe, aber i freu mi so mega weni endli wieder dörf ufem rugge schlofe. Dasi i de nacht nöd automatisch hindere gheie, hani au e küssi, dasi den schräg rückwärts liege 🙈, aber nüt isch so erholsam wie ufem rugge 😴🤩
  • SonnenblümchenSonnenblümchen

    169

    Symbol
    Mini Hebamme hät mir i de 1. ss gseit gha ich söll mir nöd zviel Gedanke mache über das mitem rechts ligge. Wäns öpis abchlämme würd dänn würds eim schlecht und trümmlig und verwachsch sowieso. Ich söll eifach so ligge dass nüt weh tuet und so machi das au. Bin endi 7. Monet mit de 2. ss und ligge au mängisch na halbe ufem Buuch udn links und rechts beides, verwache au znacht öpedie ufem rugge 🤷🏻‍♀️
Hey! Melde dich an oder registriere dich, um mitzureden.