Kaiserschnittschmerzen wirklich so schlimm

BASBAS

234

bearbeitet 19. 09. 2022, 22:19 in Geburt
Wie händers ka? Würkli so schmerzhaft? Wenn sind schmeze weg? Händer schmerzmittel becho u hät das gnützt?
Häts da fraue wo bim erste mal normal geburt ka hönd u sich danach für kaiserschnitt entschiede händ u e besseri erfahrig gmacht händ?

Kommentare

  • Me isch sicher igschränkt die ersti Zit, me lauft nur sehr langsam, darf nid schwär lüpfe, s hueste und niese duet au mega weh, jedes ufstoh schmerzt zieht und zwickt am afang. D schmerze si klar nid z unterschätze aber me het hilf. Me bechunnt au gnueg schmerzmedis über nach de OP, ig ha e Fentanyl pumpi gha woni selber ha chönne drücke…aber da es sones starchs schmerzmittel isch, hets mi bitz benäblet, ha de au us dem Grund churz nach de Geburt gseit si sölles weg neh. De hani Irfen und Dafalgan, plus no es anders im wechsel becho. Me het zwar glich no schmerze aber si ushaltbar gsi. D Nachwehe si halt au no und die heimi rächt starch dünkt vorallem bim zweite Chind.

    S erste Ufstoh nachem KS isch happig, ha brüelet bim ufstoh und do isch d Atemtechnik hilfriich 🙈 aber i dänke die normali Geburt isch äuä schmärzhafter wenn do 10h ide Wehe ligsch 😅

    Bim Sohn hani vill länger gha bisi wieder ganz fit bi gsi, ha lang kreislaufproblem gha ha au nid lang chönne stoh oder laufe.
    Bide Tochter ganz andersch, bi sehr schnell uf de Bei gsi und ha praktisch vo Afang a nachem ustritt chönne go spatziere und de Alltag einigermasse normal bewältige.

    E schmerzfreii Geburt gits leider nid, egal uf welem wäg das Chind uf d Welt chunnt, schmerze wirsch immer ha. Bir normale Geburt hesch halt d Geburtswehe evtl. no Geburtsverletzige nachher wo schmerzhaft si. Und bim KS hesch d Schmerze eifach de danach 🤷🏼‍♀️ plus chunnts no druf s was du als Person fürnes Schmerzempfinde hesch…

    Und i dänke fasch jedi Frau wird der öbbis anders verzelle 😄 die einti würd niemeh normal Gebäre will ihri Geburt so traumatisch isch gsi und de gits die wo säge e KS sig s schlimmste wos git 🤷🏼‍♀️
    ally
  • Also ich ha nach 26 stund in de wehe e KS müesse mache. Für mi isch es s schlimmste gse dä KS
  • @mimi89 wueso denn sschlimmste?
  • Ich ha mega schmerze kha über wuche( bi sehr schlank und ha kei gramm fett an mir,dr arzt het gseit,wäge däm wird ich worschinli au mehr schmerze ha) ha denn 1 wuche lang 3 mol am tag schmerzmittel müesse näh... und wenn dr nach 26 stund wehe dr buch ufgschnitte wird,weils kind im geburtskanal festgteckt isch,fühlsch di richtig schlecht. E gfühl vo versage... ich dänk wenns vo ahfang klar gse wär mitm KS,hättis besser weggsteckt
  • MietteMiette

    528

    bearbeitet 18. 09. 2022, 10:54
    Han 2x en KS gha. 1. Mal en Sekundäre nach Ileitig und 2. Mal en primäre KS ufgrund vom Schwangerschaftsdiabetes (han nit törfe übertrage).
    Der 1. isch für mich au nit so schön abgloffe. Erst 16h bin ich nach dem KS voller schmerze z1. Mal ufgstande. Han vil schmerzmittel brucht & vor allem vil hilf. Zwuchebett im spital isch echt mies gsi. Vor allem aber bini psychisch recht schlecht dra gsi. Han mi so schlecht gfühlt, dasi nit vaginal han chönne entbinde. So nach 4 Täg bini grössteteils schmerzfri gsi & han kum meh hilf brucht. De hani erst heim dörfe (nach 3 nächt).

    Der 2. KS dergege isch en Traum gsi! Bin völlig entspannt & erholt iträtte, geburt isch wunderschön gsi & alli si guet druff gsi. Nach 4h bini ohni schmerze ufgstande, go tusche (blasekatheter hei si mier denn au grat zoge, bim 1. hani der 2 täg gha). Zbaby hani elei chönne versorge. Han nie schmerzmittel brucht. Wär am liebste nach 1 nacht heim, aber der gynäkolog het ner empfohle nu 1 nacht zblibe. Zwuchebett im Spital isch au ei Traum gsi. Twunde isch wunderschön verheilt (im verglich zur 1.). Han mi aber recht muesse bremse, wills mer sooo guet gange isch.

    So unnerschiedlich chas ablaufe. Inzwische bini au mit der 1. geburt (vor allem ebe wegs der 2. geburt) total im reine. Ich glaub, ufgrund der ileitig bi der erst geburt (2 tag kei schlaf, wehesturm..) hani eifach de schmerz vil intensiver wahrgno. Bin chräftemässig so a de grenze gsi. Das isch bim 2. ganz anders gsi. Bin richtig erholt is spital.
  • aso ich han zwei planti KS gha und gar kei problem gha han bim zweite mal sogar am nexte namittag spital verlah han kei schmerze gha han au grad wieder chene laufe s erschte ufstah isch schnell streng gsi aber nacher isch gange😊 Musch eifach nochli ufpasse mitem lupfe aber muss dir ehrlich sege ich han u schnell wieder de ganz hushalt und alles gmacht isch keis problem für mich gsi wichtig isch eufach das via site ufstasch 😊 suscht chani mich echt ned beklage☺️
  • Nalan83Nalan83

    668

    bearbeitet 18. 09. 2022, 11:09
    i cha leider au nüt positivs berichte…schlimmschti schmerze gha..während em
    OP isch ok gsi abr im ufwachruum hani die schlimschte schmerze gha ca.4h lang voll pumpt mit schmerzmittel immer weder verwache de weder schmerzmittel becho weder i gschlofe…4h hani mini tochter net chöne gniesse gseh bi nit in de lag gsi..! und das ufstoh nachem kaiserschnitt oh mein gott die schmerze vergissi niemeh i ha die erschte zwei täg met chöne es het so weh do, i ha brüelet gschroue 3 hebamme hends net gschafft…sisch eifach net gange. ha gmeint ganzi noht risst uf mini ganzi eingeweihde gheie use..! nach zwei täg hend mrs gschafft mit mühe und not…ha am 6.tag dörfe hei und ha 3 wuchelang betreuuig brucht ha mega schmerze gha..! also für mich isches de horror gsi…darum wünschi mir en normali geburt vo herze nöchschtwuche isches so wiit warschinli…me het villech in dem moment meh schmerze wehe bide entbindig aber deför danach bisch meischtens grad fit und mobil..!

    aber ebe jedi wird was anders verzelle ich kenne au paar lüt wo super kaiserschnitt bericht hend wo keini grossi problem gha hend…!
  • Ich has mega esy gfunde. Bi am 6i im Spital gsi und soe hend ihri Vorbereitige gmacht. Denn hemmer gwartet bis ca 8:30 und 9:23 isch mini chlii uf de Welt gsi🥰 Ich has soo enspannt gfunde die Vorbereotig und kein stress gha. Wasi aber nöd gnacht han irgend öbbis deüber glese oder welle ghöre. Und ich has erst 2 Täg virher erfahre dasi KS jetzt doch muss mache.De Gedanke über 15h i de Wehe zlighe oder länger und den en Notkeisserschnitt zha het mer meh schiss gmacht.

    Ja sRützle isch im Buch sehr unagnehm und komisch. Mer het aber öbbe 8 Ärzte det. Und all hend mega mir ghulfe. Ha nie schmerze gha au Sprütze in Rugge duet nöd weh.

    Ich ha nach ca 2 h de Katheter zoge über cho und ha chöne ufstah mit Hilf und ifs WC. Grad ufstah am 1 Tag isch mega wichtig.

    2 Tag bini allei go Dusche und am 3 Tag isch mer so guet gange hani Hei welle.

    Was unagnehm isch biz schmerzhaft isch wen sie im Spital a de Gebärmuetter umetastet.

    Ufstah miesch immer üebe isch unagnehm.

    Ich würs uf jedefall nur no so mache und bim 2 mal grad wieder so Gebäre. Ich bi so Glücklich gsi und für mich isches gar nöd schlimm gsi.
    LauraannahMiette
  • Aja Schmerzmittel hani im Spital am 2 Tag nüm welle neh willi kei schmerze meh empfunde han. Ha den Iboprofen aber uf arate vom Arzt no 2 Täg länger gno well soe gseit het es hilft au gege entzündige etc. Denn anis halt no witer gno. Am 4Tag bini normal go Poste und Spatziere mit mim Maa. Mini Kollegin isch mit em Damm/Vaginal Riss no 2 Wuche praktisch Flach glege😬
  • ich ha 3 Kaiserschnitt gha und cha nur guets brichte. am gliche tag s erst mal ufgstande, am nögste tag scho ellei go dusche… ich glaub ned das dir die erfahrigsbricht gross helfed, es isch bi jedem andersch;-)
    Zireael
  • Ich ha 2 KS ka. De erst isch de horror gsi. Nach 9 std wehe müessr en KS mache. Derholig isch dhöll gsi wie bi de Nalan. Ich bi wie e Schnecke glofe während anderni mamis nebet mir so glofe sind als wär nüt gsi. Ha schmerzte ka bis zum gaht nüme... Nachwehen sind au da gsi aber nöd so schlimm. Ich ha grad nach dgeburt Morphin becho.. Bi soo druff gsi, nuess ehrlich sege ich bi so glücklich gsi uf die dosis 😅 eifach chöne pfuse..

    De zweit KS isch suuuper gange. Ich ha mer vo afang a gseit.. Duuu. Es chunt wies chunt. Nix plane. Nix hoffe. Laufe lah. Nüüt erwarte. Grad nachem KS am nächste Tag bini ufgstande und ha denkt, das macht jedi Mami dure, durebisse fit werde, DIN erste Chind wartet dihei uf dich. (ich Han ihn au brutal vermisst) das het no chli psychisch ghulfe stark bliebe. Aber schmerze sind definitiv weniger lang und ahgnehmer gsi, ich bi am 4 tag selber hei gange.
    Was schlimm gsi isch sind nachwehe!!!! Die sind wie richtig wehe gsi ich ha die müesse veratme und stärkeri medis verlange. Nach 1 Tag hends ufghört, 2 wuch nach dgeburt hani nomal e stark nachwehe ka ich ha denkt Min Steissbein bricht in zwei. Und blutige sind stark gsi. Aber ich bi Suscht wükli mega fit gsi...


    En liebe Tipp für dich wonich mir selber wür geh vor 3 jahre 💕 zerbricht der nöd de Kopf! Du schaffsch das! Irgendwenn denksch zruck und seisch, hey das hani h super gmeisteret!! Du chasch dini Geburt sicher plane aber denk dra es Chan total anderscht Cho, vertüfe dich nöd zfescht druff und blieb offe dass es anderscht chönt Cho, so häsch kei entüschig. Denknöd dra, ou aber sie lauft scho soo guet und ich chrüche halbe, mach dich nöd fertig.

    Mir all mamis sind krass was mir chönt ❤️😍

    Nalan83JunoZireaelAnDu88
  • Ich dänke es isch vo Frau zu Frau verschiede. Wie du ja chasch läse.
    Jede Mänsch hed au en anderi Schmerztoleranz.
    Ich han zwar kei Sektioerfahrige, aber han mal en Buch OP gha. Es isch klar schmärzhaft, aber ide hütige Medizin gids, sofern mers mag Verträge, gueti Schmerzmedis.

    Nachwehe hesch übrigens au wenn en spontani Geburt hesch. Die sind nach jedere Geburt schmärzhafter😫

  • Es wird ja mega oft vo. Kaiserschnitt abgrate darum nimmts mi eifach au wunder. Icha 3 täg müesse ileite (au schmerzhaft) mer gaht scho vorher kaputt bis sbaby chunnt. Denn etlichi risse sugglocke. Findich jetzt alles au ned so easy. U isch ja danach hani au paar täg müesse schmerzmittel müesse neh weg de nöht u finds jetzt für dpsyche au komisch dass mer jetzt am gschlechtsorgan es paar näht hät u es au niemeh wie vorher wird.
    Zireael
  • Was mir uffallt isch das die Notkaiserschnitt eher als Extrem schlimm wmpfunde werdet und die Plante als nöd so schlimm, oder tüsch ich mich? Isch aber au verständlich nach 15h+ no müesse e OP zmache. Nur scho für Psyche de Horror😰Und en Plante KS isch recht sicher Hützutags für Mutter und Kind, bimene NotKS gsehts scho anderst us.
  • Ich ha 2019 binere Zwillingsgeburt en Kaiserschnitt kah. Min Kaiserschnitt isch super gsi, schmerze hani nur kah wos mer in rucke gstoche hend. Grusig hani sganze bluet gfunde wo use cho isch wenns mer uf de buch drückt hend, aber ich ekle mich e vor bluet het nüt mitem Kaiserschnitt ztue. Bi nach öpe 6 stund ufgstande mit Hilf.
  • Cha nur positivs sage vomene KS. Ich bi zimli schnäll am Bettrand gsässe, am Obe scho die erste Schrittli gmacht, wenig Schmärze gha mit chli Schmerzmedis und am nöchste Tag scho im Spitalgländ go Spaziere. S Schmärzempfinde isch für jede Mensch anderst. Ha au scho mehreri Buchoperatione abgseh vom Kaiserschnitt gha.
  • @BAS E Kaiserschnett esch halt en grossi Buchoperation ond das sett mer ned uf die liecht Scholtere nä. Drom werd hüfig devo abgrohte.
    Ech ha bim erste Chend en Spontangebort gha ond debi leider schwäri Gebortsverletzige erlette. Bim zwöite Chend hani trotzdem weder wöue e Spontangebort ond ha de s'Thema Gebort die ganz Schwangerschaft chli verdrängt.
    Zwöi Täg befor ech hätt mösse Ileite hani mim Maa onter Träne gseid ech wöig en Kaiserschnett do ech z'vöu Angst vor de Gebort ond de Folge ha. Ond i dem Momänt hani grad d'erliechterig vo mim Maa gspört.
    Zwöi Täg spöter esch üses zwöite Chend per Kaiserschnett uf d'Wält cho ond es esch för üs alli die best Entscheidig gseh. Ond ech be nochhär om Wälte fiter gseh als noch de erst Gebort.
  • Also ich ha en notkaiserschnitt gha, ha am 2. Tag wieder chönne ufstah und ha denach au nie problem gha... isch wohl aber bi jedem anderst
  • @BAS Ich hab schon seit meiner Kindheit Angst vor Nadeln, körperliche Schmerzen, Ärzte usw. Ich hatte letztes Jahr im November ein geplanten Kaiserschnitt, da mein kleiner bis zum Schluss in der BEL Lage war. Ich konnte nachts vor der op nicht schlafen und am liebsten wäre ich weg gerannt. Alles verlief schlussendlich super. Ich konnte meine Ängste überwinden im dem ich immer dachte, gleich kannst du dein Sohn in den Armen halten und der Rest ist Geschichte. Die Schmerzen waren auszuhalten, da ich Schmerzmittel genommen habe. Ich bin 3 Stunden nach der op aufgestanden um das Bett zu wechseln, aber ich war ehrlich erstaunt, dass die Schmerzen nicht wirklich schlimm für mich waren. Ich bin 1 Tag nach der op immer wieder aufgestanden und eine Runde laufen gegangen und nach einer Woche ging es mir bereits gut. Ich hätte nie im Leben gedacht, dass ich das überstehen würde ohne zu weinen und doch hat es irgendwie geklappt. Hoffe das dir mein Beitrag ein wenig weiterhelfen kann 😊
  • Wow das tönt ja sehr motovierend! Bechunnt mer denn gnueg schmerzmittel über? Find ebe normal geburt mit gebursverletzige ja au schmerzhaft darum chani würkli ned sege dass normal geburt ja so easy u schön isch aber jede empfindets halt wieder anderst:)
  • Ich ha Morphin übercho wären de Behandlig, bi so Entspannt gsi wie wend chli atrunke bisch🤣 würkt inehalb vo sekunde😆nacher hani nur Iboprofen und Dafolgan mitenand müesse ne. Glaub wen schmerze sehr stark hesch chämtisch sicher nomal Morphin über. Da du en Venekatheter hesch chöns der det zimli schnell Medis ine sprütze
  • Oja Morphin isch echt es super wunder gsi 😅 ich ha mich sooo beneblet gfühlt, han eifach chöne schlafe, ärzt sind inecho hend mich sache gfrögt und gmacht und tah...boah es isch mir so Wurst gsi ich ha mich wunderbar gfühlt mit dem chline morphin dosis und min bebe uf de brust schlafend.. 🤭🤭🤣 das tönt sooo schrääg aber echt nice!! 🤭🤭
  • @snowangel 😂😂genau so isches mer au gange. Schönste gfühl , puuri Enspannig kei Sorge nüt und es würkt ultra schnell😂
  • Hallo liebs
    Los uf dis Herz. Es isch sehr individuell. Natürlich isch es schöner, wemmer schmerzlos mitm Baby heicho chan. Falls du dich für ein ks entscheide söllsch, dänn lueg, dass öpper zuesätzlichs dehei häsch, wo dir und dim mah unterstützig git. Alles gueti 💓
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum