Wert het nach kaiserschnitt normale geburt gha?

Nalan83Nalan83

668

bearbeitet 27. 09. 2022, 17:59 in Geburt
wer het alles erscht en kaiserschnitt gha und den en normali geburt? esch alles guet gange?
i ha leider en kaiserschnitt gha vor zweiehalbjohr…ungewollt.. würd soooooo gern en normali geburt ha…sisch bald so wiit..warschinli scho nöchschtwuche…! bez angscht wege kaiserschnittnarbe das die risst oder so..🤔😱😅..!

Kommentare

  • Derfi fröge warum du dir so fest en normale geburt wünschisch?
  • weils für mich schlimmschte erlebnis gsi isch i mim lebe de kaiserschnitt…die schmerze danach..! normali geburt bisch eifach schneller uf de bei, mobiler, fürs baby isches au besser halt natürlich ufd welt cho..!
    i ha halt leider en notkaiserschnitt gha,has bide geburtsberichte mau gschrebe wies abglofe isch…! abr ebe sisch bi allne anderscht, nochberin vo mir het 0 problem bi beidne kaiserachnitt gha…!
  • ich ha nachm blitzsectio 2 und 4j später en normali geburt gha und sisch so super gange- es gschenk, dass derfe zerlebe, nach sonere erste geburt 🥰💕

    ich drücke dier ddüme ❤️
    Nalan83MameloNovember22
  • so toll..😍… danke hoffes au dasi das cha erlebe 🙏🏽!!
  • @Nalan83 mir gats genau gliich. Ha vor fast 6 Jahr au e KS übercho. Au ungewollt, nach 22 Stund Wehe u presse.
    Ich ha jetzt mau mit miner FÄ drüber gret. 1 Monet vorem ET will si alles genau untersueche und entscheidet ner ob mir e nat. Geburt wönd mache oder doch en KS. Klar chas passiere dass es de wärender Geburt glich en KS git. Aber so hani wenigstens dChance es nomau zprobiere.
    Mamelo
  • Mini besti Kollegin 2 Jahr nach KS. E Traumgeburt xi ohni Verletztige und sehr schnell. Ihre isches so viel besser gange nach de Spontangeburt. Glaub dra es gaht.
    Nalan83MameloNovember22
  • I has so gha, bir erschtä geburt ä notkeiserschnitt u bir zwöite knapp zwöi jahr nächhär ä spontangeburt. Si hei mi äs paar mau gfragt während dr geburt öbs mir bir narbe weh macht, aber das hets nid u därum isches überhoupt kes problem gsi. I drückä dir ganz fescht d dümä das du ä spontangeburt darfsch erläbä, aber bhauts glich im hingerchopf dases o wider angers chönnt loufe, houptsach am bebe geits guet, i weiss das das mängisch eifach nume so daher gseit isch, aber äs isch ja würklech ä so. U i merkä ke ungerschid vo minä zwöine wäg dr geburt, si genau glich viu chrank zum bischpiu. Müglächscht offä ad geburt härä u eifach aus uf di la zuecho, viu glück🍀🍀🍀
    Nalan83
  • Ich han bim erste Kind en Kaiserschnitt gha weg Beckeendlag und has au sehr schlimm empfunde. Drum hani s 2. Kind 2.5 Jahr spöter natürlich welle gebäre. Es isch problemlos und ohne Verletzig gange. Bin dena grad wieder fit gsi und au s Stille isch besser gange. hoff es chunt so, wie dus dir wünschisch🍀
    Nalan83
  • so schön…das macht me hoffnig 😊 danke euch für rückmeldig…jo ich hoffs dasi au normal cha🙏🏽❤️…!
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum