🐛🌱 Baby April 2023 🐣💕

CelesteCeleste

136

Symbol
bearbeitet 7. 01. 2023, 16:58 in Geburtskalender
Hallo Zäme! Jetzt hani grad positiv testet 🤞🏻😌
Min Termin isch am 16. April und ich würd mich sehr über Ustusch mit eu freue 😊💕
JessyCAdminElvirageburtsbegleiterin.ch

Kommentare

  • Gratuliere!🎉🥰 Ich han mis zweite Wunder vor 2 monet uf d Welt bracht aber lise immer gern anderi biträg wünsche dir e gueti schwangerschaft🥰
    Celestegeburtsbegleiterin.ch
  • 🥰 yee, danke! dir au gratuliere! 🙌🏻
  • so, hät immer no niemert positiv testet? 😉 ich stell mich mal vor:

    ich bin 36, han e grossi tochter und erwarte mis zweite! mir isch bitzli schlecht de tag dur, und hüt händ d'mueterbänder afange zieh. das hani amix zimmli starch... hoffentlich blibt's bi dem 😃 am 30.8 hani de ersti US und cha's chum erwarte 🥹
  • gratuliere!🥳 Ich han gester positiv testet und da de errechneti Termin de 01.05.2023 isch, chas ja doch no si, dass s Baby au scho im April chunnt😄.

    Ich bin 31i, han en 18 Monate alte Sohn und mir wohned ide Agglo Züri.
  • juhuu, endlich 😃 hoii ❤️

    also zersch mal gratuliere! denn bisch ja scho e wuche drüber oder? wie häsch das usghalte so lang z'warte mit teste? 😄

    ich bin hüt 7+3 und chan zum erste ultraschall... bin zimmli ufgregt 😬 han letscht mal e fehlgeburt gha, aber ersch nachdem erste US. es isch offebar relativ selte dass s'herzli nacheme gsunde erste US wieder ufhört (öppe 10% hani gläse?) di meiste FG finded scho vorher statt.

    aber ich versuech etz eifach mal nöd dra z'denke und freu mich druf! wie fühlsch dich? isch der schlecht? LG!
  • ah, ich gseh gad dass du das am 21.8 scho gschribe häsch 🤪 sorry bin chli im züg hüt 😂
  • @Celeste das tuet mer leid weg de fehlgeburt! Han im März au eini gha (scho ide 6. Wuche).

    Ja ich au, blibemer positiv!✨🙏🏼Momentan gahts mer wie immer, han no gar kei Symptom😄. Mit mim Sohn isch mir um die Zit scho schlecht gsi. Wie gahts dir? Welli Symptom hesch du so? Wie isch din US termin gloffe?😃
    Celeste
  • min US isch super gsi!! herzli schlaht, grössi stimmt exakt mit de zit überein ❤️

    ja zumals relativ selte isch so spaht no e FG z'ha, und demfall no seltener grad 2x hinterenand, versuech ich etz eifach nöd so draz'denke. wirde aber scho sehr fill entspannter si wenn denn de NIPT und s'grosse screening dure sind!
  • mir isch so latent bitzli schlecht, aber eher so chli flau. aber HUNGER hani 😅 ich glaub letscht mal isch mer schlechter gsi, vo 9-12 wuche, obwohl ich selte g'chötzlet han. ich glaub ich bin vor allem luunisch 😬 mini arm familie hät sich aber recht guet druf igstellt haha.

    und wie gahts dir?? vo wo bisch du? und was machsch suscht so? 😃 du bisch glaub exakt 2 wuche weniger wiit als ich gäll 🤔
  • @Celeste freut mi, dass de US super gsi isch!♥️ mir isch mittlerwiile au latent bitzli schlecht😅 ich hoffe es blibt bi dem. bi mim sohn hani jede tag kotzt🥲. aber das mitem luunische hani au, i gwüssne moment bini eifach völlig dur de wind.
    ich bin vo züri aber wohne mittlerwile nüme ide stadt (30min usserhalb). vo wo bisch du?😊 schaffe tueni momentan no 60%
  • @Celeste und was machsch du sust so?😃 ja 2 wuche chunnt glaub ane😊. han mitti oktober s ersttrimester screening, bin scho gspannt!
  • oh neii, isch der doch no schlecht worde demfall 😄 aber wahrschindli chuntz denn nöd mso wild oder? i de nünte wuche sötz doch am schlimmste si, und denn abegah... drucke dir d'düüme!!

    (sorry aber jede tag chotze, bi dim sohn! eifach nei! tut mer so leid 🥲)

    bisch du eher emotional dur de wind oder hässig? ich bin eilech guet druf, also ich fühl mich nöd hässig oder so... aber ich bin SOFORT DEET wenn öppis isch lol. eifach mega luunisch? und so chli nöölig? 😂

    ich bi vo züri, mir wohned in wiedike. hett aber eilech mega gern es huus.... bin aber glaub nonig ready zum us de stadt use. was hätz bidir usgmacht? oder isch es dir gar nöd schwer gfalle?

    ich schaffe öppeee... 30%? also MO/MI/FR am namittag, maximal 4 stund. aber chamers guet iteile und en teil au dehei mache, was mega lässig isch.

    BISCH AU SO MÜED? und wieso hät susch niemer ET im april??? 😂

    ja druck der au de duume fürs screening!! so ufregend!! machsch kein NIPT demfall?
  • @Celeste danke viel mal, ich hoffe au es blibt bide übelkeit ohni chötzle😅

    ich bin grundsätzlich au easy druf, aber wenn öppis isch wirdi viel schneller hässig als sust.😂

    bi eus hets finanziell eifach meh sinn gmacht z zügle. in züri gits leider nöd so viel bezahlbari 5.5 zimmer wohnige🥲. und jetzt hemmer es huus wo au d chind chönd umestampfe wies wend😅. aber ich vermisses scho ide stadt zwohne!

    das isch ja mega cool, dass so flexibel bisch bim schaffe! home office findi au toll😊

    jaa gäll wieso het sust niemer ET im april, wo sind alli?😂 ehm ja die müedigkeit macht mi richtig fertig! fühl mi amigs wie en zombie

    nei mache kein NIPT, schisst mi ah das selber zahle😅 d chrankekasse zahlts ja nur wenns uffälligkeite bim screening git. (hoffe das wird nöd de fall si!) machsch du eine?
  • heyyy sorry dasi so lang nüm gschribe han i oisem chline grüppli 😊💕 bin mit de nerve am end gsi wäg dere warterei uf de hüttig termin 🤪 es isch aber alles guet! herzli schlaht, baby zabblet, grössi stimmt... bin mega happy! melde mich nachher grad nomal, muss zersch gschwind go schaffe 🥳
  • ja ich mach en NIPT, au wenn mer en selber zahle müend. ich wird d'schwangerschaft denn eifach meh chöne gnüsse und mich chöne entspanne!

    han hüt s'bluet abgäh und ich nime ah, dass öppe inere wuche s'resultat chunt 🤞🏻 am 07.10 isch denn s'organscreening und s'zweite trimester fang ah, denn hät s'allgemeine bibbere endlich es endi 😉

    es isch eifach nüme di glich entspanntheit wenn mer mal e FG erläbt hät gäll? oder wie isch das für dich? häsch es scho chli chöne vergässe mitlerwile?

    ja züri isch brutal... d'priise sind echt abnormal! aber e sones huus und so fill platz (defür uswärts) isch hlat scho verlockend 🫠 hach! häsch au en garte oder chli grüen i de nöchi?

    wie gahts der mittlerwile, isch glich blibe mit de übelkeit??
  • Celeste schrieb: »
    Hallo Zäme! Jetzt hani grad positiv testet 🤞🏻😌
    Min Termin isch am 16. April und ich würd mich sehr über Ustusch mit eu freue 😊💕

    Oh ich au am 16. April 2023 😉😊 Falls mit Einere Dich mal wettsch ustusche, wo demfall genau glich wiit isch 😅
  • juhuuu zuewachs! 😃 haha @benuim und ich händ scho nüme dra glaubt 😂

    hoi, wie gahts der?? häsch scho en ultraschall dure?
  • Hihi, mir gahts guet - immer besser han ich's Gfühl 😄
    Müedigkeit wird besser sowie auch d'Übelkeit 👍🏻 Nur grad mit Schwangerschaftsakne am kämpfe 😬.

    Min erste Ultraschall han ich am 2.9. ka, det han ich scho s'Herzli chöne lose & s'chlini Himbeeri gseh - bim negste Termin Endi Monat, stönd ja denn alli Tests etc. ah, bin froh, wenn's denn mal sowiit isch mit de erste 3 Monat - bin chli ungeduldig 😊
  • @Celeste hesch d resultat mittlerwile übercho?
    ja ich bin grundsätzlich scho guet über d FG hinweg, aber mache mir scho bitz meh gedanke die schwangerschaft als mit mim sohn.

    mir hend en chline garte, das isch viel wert wemer chind het! mag nöd de ganz tag ufem spielplatz si😅d übelkeit isch leider schlimmer worde und han hüt s erste mal kötzlet🤢. und müed isch nur de vorname. wie gahts dir?

    @Elvira gratuliere dir au no zur schwangerschaft!🥳
  • CelesteCeleste

    136

    Symbol
    bearbeitet 23. 09. 2022, 14:34
    @benuim nei leider nonig 😬 offebar gahts 10-14 täg, also werdetz nöchst wuche alüte. han aber sehr es guets gfühl! mer händ alli variable scho vor de schwangerschaft duregsproche gha, also chanis etz eifach uf mich zuecho lah und es chli verdränge 😉

    han s'gfühl schwangerschaft bestaht us SEHR GROSSE teile eifach us warte und ablenke 😂 @Elvira machsch du demfall au en NIPT? oder meinsch du s'organscreening endi monet?

    neiiii etz isch doch no d'chötzlerei cho @benuim 😭 das tut mer mega leid. druck der ganz fescht d'düüme dass es schnell umegaht ☹️ häsch medis becho? oder nützed die gar nöd so fill bidir? ja de garte isch natürlich jackpot i dere situation... türe uf und adie 😉 häsch susch au chli hilf vo öppertem? oder wohned am neue ort gar kei verwandti?

    vowäge müed: ich han hüt bscheid becho, dass ich 28/75 iisewert han, und 15/100 vitamin D 😂 kunststück bin ich müed!! hol mer nachher grad tröpfli haha. häsch das au scho abkläre lah?

    @Elvira ja bi ois gahts berguf!! no 1 wuche und d'beschwerde sötted verschwinde... emel spekulier ich etz eifach mal druf 😉 bin au langsam ungeduldig. wett mich endlich chöne entspanne, alli tests und beschwerde dure ha, 2. trimester gnüsse bevors sträng wird 🍹
  • aja: händ ihr es oiem umfeld scho gseit? und @Elvira verzell mal, isches dis erste? und vo wo bisch? ❤️
  • @Celeste Isch mini erst Schwangerschaft - alles neu & spannend, obwohl ja eh jedi Schwangerschaft wieder anderst chan sii 😉 Da im Umfeld scho viel Babies händ, aber au ned so total alles neu ☺️

    Bin gli 32gi, ursprünglich vu de Stadt Züri, sit letscht Jahr im schöne, chli ruhigere, ungstresste Luzern & sehr happy da.

    Glaub scho au de NIPT, jetzt so mal plant, chunnt ja au ganz druf ah, was da negst Wuche au usechunnt, alles normal usgseht. Sust han ich ned meh vor.

    Ja, bin au soo ungeduldig & freu mich so uf die negsti Ziit & wenn mr's au würkli mit allne allne teile chan. Obwohl ich das sehr ehrlich & offe gstaltet han bisher, d'Family weiss es, sit ich's weiss & Fründe die, wo ich persönlich gseh han - chan da niemertem was vormache, da bin ich zu ehrlich & direkt. Wür's au wieder so offe gstalte, isch eifach au schön, wenn mr allne verzelle chan, wie schlecht's oder guet eim grad gaht. Meistens ja ned so toll - will übel, müed & komischi Stimmig. Arbeitgeber weiss es au sit de 9. Wie mached ihr das?
    geburtsbegleiterin.ch
  • @benuim @Celeste Eu au herzlichi Gratulation zum bisherige Wunder 🤩
  • @Celeste das isch schön, wenn es guets gfühl hesch! so macht mer sich au weniger gedanke

    danke viel mal, hoffe au dass es schnell umegaht😓. nei ich nimme us prinzip kei medis ide schwangerschaft. s einzige woni no wür neh isch paracetamol bi chopfschmerze. ich muess da eifach durekämpfe😅.

    mir hend leider kei hilf, entweder wohneds zwiit weg oder sind selber no bruefstätig. wie isches bi eu?

    oh neii, d vitaminwert hani nonig abklärt, muessi denn no mache. bin wahrschinli au eher im tüfe bereich was ise agaht🙄. s problem isch ebe dassi momentan kei tablette chan schlucke weg de übelkeit😫

    freu mi au scho ufs zweite trimester, denn chömmer d schwangerschaft wieder chli meh gnüsse😅
  • Ja denn chumi doch zu eu.. im mai will niemer es baby.. de august isch wohl z warm gsi zum b... 🤭🤭🤭🤣
    geburtsbegleiterin.ch
  • hahaha gäll! findi guet @Angii85 denn lauft da filich wieder chli öppis 😉
  • CelesteCeleste

    136

    Symbol
    bearbeitet 12. 10. 2022, 14:34
    min NIPT isch zersch unklar/"eventuell uffellig" zruggcho 😬 hanen müse wiederhole, es chöngi aber dra ligge dass es z'wenig fötali zelle i mim bluet gha heg (4.2% bi 4% minimum)

    han mega bibberet di letschte 10 täg! so stressig. aber es isch alles guet! ICH BIN SO ERLIECHTERET HE
    benuim
  • Bi mir gseht zum Glück bisher au alles guet us :) Sehr erliechteret und es gaht mir au immer besser ;) Jetzt bin ich denn natürli scho gspannt uf de negsti Termin, wenn mir hoffentli s'Geschlecht erfahret und denn au gli d'Organ checked werdet. Step by step - aber es gaht vorah :)
    Celestegeburtsbegleiterin.ch
  • juhuu! denn häsch du es demfall über NIPT nöd wele erfahre?
  • so, wie gahts mine mitstriterinne?

    @Elvira @Angii85 @benuim
  • Bi üs isch sowiit alles guet. Gad ide ssw14 acho. Mir gahts au immer wie besser und ha wider chli meh energie 😊
    Und bi dir @Celeste?
  • @Celeste besser! aber nonig zu 100% frei vo übelkeit. han au all paar täg mal wieder chopfweh😓. und dir?
    hend ihr scho trittli vom baby gspürt? ich han glaub no nüt gmerkt, bzw. bin mer nöd sicher ob das s baby oder de darm isch😅
    Celeste
  • Nei trittli no kei aber i bin ja au erst ssw14, glaube isch nochli z früeh zums spüre 😊
    Ha vor 2 tag ja s ersttrimesterscreening gha und s het alles guet usgseh 😅
    Ha ja dur mia alter, e risikoss
  • @Angii85 ja bimir au guet, bin etz i de 19. wuche und fühl mich laaaangsam chli weniger müed. aber fitt isch anders 😉 warte immerno uf de versprochni energieschub vom 2. trimester haha.

    @benuim trittli gspüri scho chli, aber ganz anders als ich es vom erste mal in erinnerig han! wahrschindlich lit das dra, dass mini plazenta a de vorderwand isch. filich isch das bidir au so?
  • @Celeste ich han ebe e hinterwandplazenta. aber ich bin ja au erst ide 17. wuche, also wartemer mal ab😄.
    aber ich hoff die blöd übelkeit gaht bald ganz verbi😓
  • waas, es isch immer nonig weg? 🥲 ich druck der also nomal GANZ FESCHT d'düme he!!
  • CelesteCeleste

    136

    Symbol
    bearbeitet 30. 11. 2022, 16:24
    morn hani s'grosse organscreening 🙌🏻 bin zum glück generell chli entspannter, sit au de NIPT guet zruggcho isch. bewegige gspüri au regelmässig, bin also voll nöd nervös. freu mich eifach uf baby TV!

    freu mich aber scho, dass es langsam vorwärts gaht. es haperet bitz mit de geduld 🙈 s'läbe isch schwanger halt eifach langsamer und eher dehei-orientiert, meh schlaf und rueh... und es regt mich langsam bitz uf 😄
  • jetzt chunt ja zersch mal wienachte, isch sicher mega gmüetlich schwanger 😍 aber denn isch fäng januar... und denn gahts eifach nomal 16 wuche 🤪🤪🤪🤪
  • @Celeste wie isch s organscreening gloffe?
    das isch doch super dassd so entspannt bisch, so chasch d schwangerschaft viel meh gnüsse😊.
    ich gspür s baby jetzt au scho siteme ziitli und freu mich immer ufd trittli🥰.
    ja es isch wükli alles langsamer! ich bin au viel schneller erschöpft und miteme chlichind isches nöd eifach😭
  • das glaubi!! isch sicher mega streng 🥵 mis 1. chind isch zum glück scho gross (e huuseigni babysitterin, wow!) wie laufts mit de übelkeit??

    organscreening isch guet gsi, alles tip top, usser dass mer nöd alles genau gseh händ wäg de lag. mer lueged im januar nomal ine, aber gseht alles guet ine.

    du sötsch au bald de gross US ha oder?
  • hät öpper no interässe oisere whatsapp-gruppe biz'trätte? 🥰
    CarlaCo
  • @Celeste ich schick der e PN😊
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum