Name

eatblackmilk · 9. 10. 2022, 15:26

Hallo mitenand, ich ha e Frag a eu

Da ich i 4 Wuche min 2. Bueb überchumme und mi zwüsche 2 Näme nöd cha entscheide und min Maa gseit hät (ihm gfallet beidi) frögi jetzt mal um d‘Meinig. Es wäri entweder Nelio oder Milo (englisch usgsproche)

benuim · 9. 10. 2022, 15:48

find irgendwie beidi näme süess, verstahn also dass di nöd chasch entscheide😅. wie wärs wenn ihr abwartet bis er da isch, zum luege welle name ihm besser passt? eues gfühl wird eu denn bestimmt de „richtig“ name sege😊

Nalan83 · 9. 10. 2022, 16:18

nelio

Mamelo · 9. 10. 2022, 18:27

No en stimm före Nelio

minggi · 9. 10. 2022, 18:33

Nelio

mira457 · 9. 10. 2022, 19:25

Nelio

aenderli · 9. 10. 2022, 19:28

Nelio

Sonnenblümchen · 9. 10. 2022, 19:54

Schön findi beidi Näme, würd aber Nelio wähle, will Milo vermuetlich sehr viel lüt falsch würdet usspreche 🙈

MissLoquita · 9. 10. 2022, 19:56

Min Sohn heisst Nelio 🥰

MissLoquita · 9. 10. 2022, 19:57

und mini Fründin hät en Mylo, finds englisch usgsproche mega schön, und ghörsch nöd viel da bi eus!

Crystal · 9. 10. 2022, 19:58

I bi o für nelio wüu is gäbiger finge we dr name so gseit wird wi är gschribe isch, aus guete für di bevorstehendi geburt🍀

eatblackmilk · 9. 10. 2022, 20:03

Ebe das falsch usspreche wür mit de Ziit uhuere störe 🙈

MissLoquita · 9. 10. 2022, 20:06

wänns ebe würsch mylo schriibe? dànn ischs klar? bi nelio ghöred mir viel „wie? Nevio?“ münd dänn immer säge nei, mit „l“…mitlerwiile gahts aber und er seit sin name eh sälber..

eatblackmilk · 9. 10. 2022, 20:27

Ha Mylo so ebe au scho so im Hinderchopf ka, aber was mir det dure Angst macht wenn er grösser isch dass d‘Chind in Mülo nennet (wells y meistens mit ü ussprichsch z.B. typisch), wenn‘s ihn nöd möget 🙈