Darmflora aufbauen bei KS

Habt ihr euren Babys irgendwas gegeben um seine Darmflora aufzubauen nach einem Kaiserschnitt? Man sagt ja, dass sie eine schlechtere Darmflora haben als vaginal geborene Babys.

Kommentare

  • Nei, ig ha gar nüt gä 🤔 het mer au niemer vode Ärzt oder Hebamme empfohle. Ghöre das jetz zum erste mol.
  • Ghör ich au zum erste Mal... Han ich bi beidne Kids nöd geh nach KS🤷‍♀️
  • Ja hani au ersch etz ghört, aber demfall sind die Chind au ohni gross worde! Min erste het das au ned gha und ich merke eich nüt. Wemmer das bemerke chan…
  • BIGAIA tropfe isch echt sbeste. Ha de Tipp au vo da übercho. Ich ha eifach ihre das geh als Kur will sie Blähige verstopfige, Krämpf gha het.
  • Ja mer seit das bim KS ich selber cha nöd bestätige das sie e schlechteri Darmflora gha het well mir KS gha hend. Aber mit lbbe 6 Wuche hets ihre ghulfe geg die Koliken.
  • Ich ha au KS kha,und mini Hebamme het mir au d Bigaia tröpfli empfohle zur unterstützig,und ich find es het scho gholfe,er het nid oft buchkrämpf kha zum glück
  • So wiit mier isch, het die Geburtsart kei ifluss uf die Darmflora. Vor allem zstille oder tverabreichig fo PRE hei ifluss. Mier het mini hebamme e studie zeigt, wo ufzeigt, dass stillbabys e besser ufbauti darmflora hei, als nit-gstillti babys. Aber sowohl gstillti wie au nit-gstillti chind glichermasse buchchrämpfli hei.

    Weni mi nit irre isch Bigaia vor allem bi nit-gstillte chind empfohle. Bi gstillte chind hei si mier jetzt Probiotika vo der Marke Panda empfohle. Die sie mier jetzt sit 1 wuche am usteste ☺️

    Das hei mir mini hebamme, osteopathin und mine KiA so erklärt. Da gits wahrschinli vili verschidnigi meinige 😉.
  • @Miette Und werum hesch Probiotika vo Panda geh? Wils Baby Chrämpf gha het?
  • @Groan Will sie chli problem mitem stuehle het. Sie gaggelet so all 6-10 tag. Zwei tag bevor sie muess stuehle het sie recht buchchrämpfli. Gemäss Osteopathin & KiA sötte die Probiotika das alls chli besser reguliere.
    snowangel
  • @Miette Also mer seit das bi Vaginaler Entbindig sKind mit em Mikrobiom vo de Muetter(vaginalflora) in berüehrig chunt. Das Kurblet s Immunsystem a. De erstkontakt kurblet au Darmflora a. Das hends mir au im USZ erklährt. Ich selber ha aber jetzt nöd sgfühl gha das mini chlii meh problem gha het. Luut USZ isches aber so das die Babys e schlechteri Darmflora hend.
  • @Zireael Das hani au scho ghört. Aber dass chani mer irgendwie gar nit so vorstelle, durchs fruchtwasser wird ja vaginal sehr vil „neutralisiert“, das isch ja au steril 😂…
    Zireael
  • Ich ha au BiGaia tropfe geh has super gfunde ☺️
  • Miette schrieb: »
    @Groan Will sie chli problem mitem stuehle het. Sie gaggelet so all 6-10 tag. Zwei tag bevor sie muess stuehle het sie recht buchchrämpfli. Gemäss Osteopathin & KiA sötte die Probiotika das alls chli besser reguliere.

    Jöö neii, aber schöön hets ihre eso ghulfe 🥰🥰
  • ja lactibiane-es esch wörkli so das babys die meiste guete bakterie bede gebort dord scheide bechömed-darom seit mer den mer chön bemene kaiserschnitt helfe und zuesätzlech die bakterie em baby gej
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum