Auskochen vs Sterilisieren

Hallo zäme

Ich han bis anhin Schoppe, Ufsätz und Nuggis uskochet. Jetzt chunt i paar Täg Baby Nr 2 und ich bin am überlegge öb ich doch na söll en Sterilisator zuetue. Was mich am uschoche stört isch dass d‘Sache schnell nüm schön usgsend wills die wiislich chalchablagerig druf hät. Ich nimme a bim sterilisiere hätmer das nöd oder? Au doof findi dass immer Wassertröpfli zrugbliibet i de Nuggi.
Mir isch völlig klar dass en sterilisator unnötig isch, aber irgendwie störts mich nach 3 Jahr glich fängs 🙈 und jetzt chömet ja sicher namal 3 Jahr uschoche däzue 🤪

PS: schoppe tueni ab und zue in Gschirdspüeler, bim rest chunt das für mich aber nöd in Frag, ich weiss dass das paar so machet

Kommentare

  • Ich tuen immerno alles uskoche mit bitzli 🍋 zitrone, denn blibet sache lang schön
  • Ig ha nur ganz am afang bim erste Chind d Sache uskochet mit bitz zitronesaft im wasser. Ha so nie chalchigi fläschli und ufsätz gha. Has aber au nur die erste paar wuchene/mönet uskochet.
    Nalan83
  • Aso mini hebi het gseit uschoche sig unnötig. Bi früsche sache ja, aber bi termin geborene babys bruchis das eigentlich gar nid. Da langet de schoppe wäsche ide spüehlmaschine....
    budii11
  • Das mitem zitronesaft probieri mal na us, das hani na nie ghört, danke 👍🏻
  • Statt Zirtonesaft gaht au Essig. Find ich persönlich eifacher. Und es schmöckt nöd wenn öper sich fröged.
  • Ig ha o chli zitronesaft oder essig dri ta us ir pfanne uskochet. Ha när doch aber o e steri zuchä ta wöu igs praktischer finge. Ha aber ke nöie kouft sondern günschtig eine vo ricardo.ch oder tutti.ch. het sehr viu inserat u bi mega z fride!
    Uskochet hani o nid so lang evt 4-5 Monet bim 1.Ching. när nurno im
    Gschirrspüehler bi 65 grad.Was aber dert dr nachteil isch, d Sache chöi verfärbe wäg intensive Farbe vo Läbesmittu. Vorauem Tomate🙈
  • ich han nur neugebore usgchochet, nachher nur no normal abgwäsche (han kein gschirri gha). wenni doch no s'bedprfnis bechiemt würi mer d'müeh spare und en sterilisator poschte 🙌🏻 isch doch am eifachste
  • Ich han en Sterilisator mit Flaschewärmer. Ich chas eifach ine due chli Wasser inne und den gaht alles selber. Am schluss duets es no heiss troche föhne. Finds mega praktisch.
  • Ich koche mini Sache mit Zitronesäure us. Stinkt nöd wie Essig bim koche.. Und es bliebet kei Tröpfli etc.
  • bearbeitet 26. 11. 2022, 00:44
    Meh cha au ide mikrowelle fläsche sterilisiere sit den hani au nümm de kalk sterrilisierer hani bide erste tochter kha und ha das grosse teil khasst bi tochter 2-3 hani uskocht es nimmt richtig viel platz ide chuchi i findi und wen mehs nid versorge cha staubs eifach i wen meh nid täglich drüber gaht (MINI MEINIG)
    snowangelMiette
  • @samira. Wämer dänn e Mikrowelle dihai hät 😄

    Ich han i de Zwüscheziit usegfunde dass ich d‘Sache ja im Thermomix chan sterilisiere und probiere das s‘nöchst mal us 👍🏻
    Celeste
  • Zireael schrieb: »
    Ich han en Sterilisator mit Flaschewärmer. Ich chas eifach ine due chli Wasser inne und den gaht alles selber. Am schluss duets es no heiss troche föhne. Finds mega praktisch.

    whoo, das tönt super! wele isch das?
  • @Celeste Sry erst jetzt gseh de KYG 6in1😊
    Celeste
  • okay cool, danke für de tipp ✔️ häsch en du ufem nachttisch zum wärme i de nacht? oder eifach i de chuchi? er hät ja es nachtliechtli 🤩
  • Ich ha no sAlte Modell aber kollegin @lachuli het sneue Modell und sie isch mega zfriede
  • sAlte Model het das nöd also sNachtliechtli leider und au kein Timer. Ich muess alles selber i und abstelle🤣
    Celeste
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum