Was für Creme nehmed ihr geg Schwangerschaftsstreife?

Bin uf de suechi noch empfehlige oder Rückmeldige was ihr so guet findet.

Kommentare

  • Cremes und Öl chönne understütze aber ob du Streife bechunnsch, isch vorallem vor Veralagig und dim Bindegweb abhängig.

    Ig ha vo Afang a s Schwangerschaftsöl vo Weleda brucht und ha bir erste Schwangerschaft nur ei einzige Riss becho bim Buchnabel. Bir zweite SS hani genauso gölet und massiert ha aber einigi fiini rissli becho am underbuuch und au bitz es hängebüüchli dür das.
    Eifach de Gruch vom Öl vo Welede isch rächt intensiv, es verliide nid alli Schwangere ir afangszit weg de Gruchsempfindlichkeit und de Übelkeit.

    Aber i muess säge, es stört mi überhaupt nid dasi die Streifli und das Büüchli ha… hätti nie dänkt vor de Chinder dasi so öbbis mol säge 😂 Aber i finde mi Körper jetzt schöner als vor de Chinder irgendwie 🤪
    Sunnysideup
  • bi minere erste schwangerschaft hani burt‘s bees mama bee belly butter benutzt und kei streife übercho, aber chan nöd sege obs au wükli a dem glege het. s guete bi dem isch, dasses schnell izieht. das öl vo weleda het bi mir so en ölige film hinterlah. jetzt bide 2. schwangerschaft benutzi no nüt aber wahrschinli wirdi wieder s gliche neh!
  • Ich ha i 3 SS s Öl vo Weleda benutzt und kein einzige Streife… aber öbs das gsi isch oder eifach Verahlagig? 🤷🏼‍♀️
  • Also ich han mich täglich Morge jewils mit Weleda und am Abig mitem Bio Oil igschmiert🤣Bin trotzdem volle Streife. Ich glaube das lit a de Gene sorry
  • Han Bi Oil, schwangerschafts öl fu weleda und schüssler creme 1&11. Gnützt het alles nix. Min buch het ez zebra look🤷‍♀️
  • Wär mol interessant so verschiedeni büch noch de Ss zgseh.. i ha glaub kein streife, aber en riss i de buchwand, weiss nöd öbi da mol söll/mue operiere. Sorry chli am thema verbi 🙃
  • I de 1.ss beni ohni streife wegcho, schiins es guets bindegwäb. Bi de 2. Metem gliche bindegwäb nemi paar erinnerige met🤷‍♀️
  • Ich ha Weleda gno ha gfunde vo de Inhaltsstoff isches am beste, vo Bi Oil bi i chli entüscht woni det über inhaltsstoff gläse han😑Mir hets würklich ghulfe jede Tag bis zu 3 mal habi de Buch Massiert mit em Weleda ss ÖL. Nacher hanis au fürd Kaiserschnitt Narbe gno die isch mega schön flach worde bi de Kollegin wos nöd massiert het isch dNarbe mega wulschtig worde. Ich glaub ufjedefall dra das mers biz vorbüge und verfinere cha.
  • I ha öppis gfunde ☺️ha schüsslersalz gno wos 11&1 dinne isch has hüt i de apothek gholt und finds no sehr agnehm
  • Wenn ihr Schwangerschaftsstreife hend.... aber au erschlaffti Hut dur d Schwangerschaft oder aber au süs eifach Dellene Beseriser usw....de chani au e absolut mega top Creme empfehle🙂
  • Ich han nur es reins Jojobaöl z‘abig gno, und amigs melkfett.
    Am morge und am abig hani immer! trocke bürstet, damit d‘huut guet durchbluetet wird. Han kei streife becho und nach de geburt isch d‘huut uh schnell zrugg (han mit dem allem wiitergmacht).
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum