Hilfe Hämorhoiden!

Hallo zusammen. Ich kämpfe mit einem sehr unangenehmen leiden und habe Angst das ich irgendwann operiert werden muss. Ich bin in der 38ssw und habe nun eine von aussen sichtbare Hämorhoide. Diese wird ja dann bei der Geburt wohl noch schlimmer! Hatte das jemand auch und ist sie ohne OP wieder los geworden? Danke für eure Erfahrungen

Kommentare

  • Ha zwar erst nach de Geburt gha. Ha die zäpfli vo de hebamme becho und isch sofort besser worde demit. Sie sind au wieder vo eleige weg mit der zit. La dich mal i de apothek berate. Es git au e salbi die isch allefalls besser i de schwangerschaft
  • Foto i PN.
  • Ich han au nach de geburt gha. Han vode FÄ sone salbe übercho und nacheme ziitli sinds denn vonallei weg, ohni OP. Wür mi au mal go berate lah!
  • Demet hani au chorz vor geburt kämpft gha, aua. Be de go salbi hole het nix brocht aber gueti nachricht, s het duret aber ohni öppis zmache esches weder zrogg
  • Danke üch. Ich han salbi dihei und bruche die fliessig, mach mr halt chli sorge das die denn nach dr geburt monstermässig sind wenns ez scho so sind. Hoffe jetzt z besti. Nach dr letschtä Geburt hend die mich nämli nu rächt labg begleitet....
  • Hallo minggi,
    Hans in de erste SS au gha, zum Schluss sind sie öppe so gross wie Trube gse und ich han die letzte zwei Wuche vo de SS immer müesse chüele, dasses ushaltbar gse isch. Han nach de Geburt au e Salbi becho vo de FA. jetzt in de zweite SS spür ichs au wieder cho. Han jetzt agfange mit Sulgan Zäpfli und Salbi und hoff ich chan demit vorbüge, dasses nid so schlimm wird wie in de erste SS.
    Generell würd ich eifach luege, dass du e lockere Stuehlgang hesch - ich weiss, isch schwierig, grad mit dene Isetablette, wo me in de SS muess neh.
    Es isch e sehr unagnähms Thema aber es betrifft meh Fraue als me dänkt.
  • @vilo hesch du sulgan ide Apo becho oder fumene arzt? Das isch die einzig salbi gsi wo mier nach de erst ss gnützt het, jetz hends mier die aber ide apo nüm welle gäh. Ich wirde am Mo mim FA ahlüte. Ich han jetzt im Internet nu gläse das Nasespray sell hälfe, kei ahnig ob das was nützt. Fakt isch es isch mega schmerzhaft und macht mi irgendwie grad chli fertig....
  • @Mamelo @benuim wie lang hets dured bis sie vonelei weg sind?
  • @Lilamama weisses leider nüme so genau, vilicht 2 wuche? ufjedefall nöd vo hüt uf morn!
  • Ah was so schnell?? Oh man mini sind zwar chli aber ha sie scho siet 7 mönet.. d ärztin het aber gmeint mer machi da nüt.. weh düends nüm nachdemis damals mit creme behandlet han
  • @Lilamama han mal glese dass beckebodetraining guet gege hämorrhoide seg. hesch es mal mit dem probiert?
  • @minggi Han sie vo de FA uf Rezept becho. Glaub s isch generell nid rezeptpflichtig aber bi Schwangere nur nach Rücksprach mitem FA… irgendwie so.
  • @benuim nur im rahme vode rückbildig.. aber vlt machi nomal wär cool wenns hilft, danke dier!
    benuim
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum