Federwiege

BAS · 29. 11. 2022, 19:24

Hoi zeme, wie sind eui Erfahrige?
Sett mer das ha? Händer ruhigeri babys dadurch ka? Oder gaht au ohni? Isch leider recht tür und weiss halt ned ob sichs lohnt??

Mamelo · 30. 11. 2022, 10:44

Meekr hend es sehr unruhigs baby gha ond hend eini gha aber het ned vell gholfe. Met knapp 3 mönet het sechs chöne dreie ond de esches eh z gföhrlech worde

Ginkgo · 30. 11. 2022, 11:31

Mir hend eini und hend sie bi beidne Chinder gnutzt. Find meh brucht absolut keini, es isch eifach praktisch. Mini gross isch e High need baby gsi und het für 5 Mönet nur 20-30min schlöfli gmacht. Han sie de 1x am Tag dört inne glegt zum schlöfle und de het sie au 1 1/2h gschlofe. Bi minere Chlei isch es halt bsunders am ahfang super gsi, wenn ich emol kei Zyt kah han sie in Schlof z begleite. De han ich sie chöne in d Federwiegi lege und wieder zu de Grosse goh. Nach em 4te Monet isch sie chli nutzlos worde und jetzt verwend ich sie eigentlich nur no mega selte, wenn sie z.B. krank isch. Persönlich find ichs eifach wichtig, dass d Federwiegi e usnahm isch und nid d Norm (die Menge macht das Gift) aber ich kenn au anderi wo sie immer fürs Mittagsschlöfli nutze und es de trotzdem kei Problem gsi isch wo sie de d Chind d schwer worde sind. Es git immer wieder gueti uf Tutti oder au swingtosleep verchauft occasion Federwiegeme wo ufbereitet worde sind. Liebi Grüessli

Celeste · 30. 11. 2022, 17:13

es isch en life saver gsi für ois 😄 mer händ sie vo fründe becho wo oises baby öppe 2.5 mönet alt gsi isch und sie hät bis jöhrig drin gschlafe (also au über nacht). sie hät dadurch relativ schnell au duregschlafe obwohl ich sie voll gstillt han. chas also wärmstens empfehle!