Zuckertest in der Schwangerschaft

hanehane

126

bearbeitet 9. 12. 2022, 12:03 in Schwangerschaft
Hey zeme, wie lauft zuckertest ab? Muess me da e Sirup trinke? Will lini kollegin het de nid müesse trinke nur 1 mal bluetabgno und da isch gsi? Hender erfahrige

Kommentare

  • Auso i weiss nid öb das i jeder Praxis glich ghandhabt wird, aber bi minere Froueärztin hesch du nur chönne Bluet gäh, wede kener Risikofaktore hesch gha, auso dr chli Zuckertest. U we ds Ergebnis unuffällig isch gsi, bet das glängt.
    We öpis uffällig isch gsi, hesch när no dr gross Zuckertest mitem süesse Getränk müesse mache. Wed aber e Risikofaktor wie z.B Übergwicht hesch, muesch vo Afang a dr grösser Test mache zur Sicherheit…
    Isch aber überhoupt nid schlimm, weder ds Getränk no d Wartezyt ir Praxis, hamers viu unagnähmer vorgstellt als es denn gsi isch!
  • Also ich han bi minere hebamme zerst de chli chönne mache. Aso en fingerstupf und wenn de wärt gränzwertig gsi wär hätti die flüssigkeit müesse trinke. Isch aber nid de fall gsi...
  • bi minere FÄ isches so, dass mer de sirup nur denn NÖD muess trinke, wenn mer en z tüfe bluetzuckerwert gha het bide bluetabnahm. ich han damals en normale wert gha und has drum trotzdem müsse trinke. es isch eigentlich nöd mega schlimm aber will ich mir allgemein nöd so süesses gwöhnt bin, isches mir nachdem überhaupt nöd guet gange und han denn dihei mal e rundi sport gmacht, was sehr ghulfe het😅 bin devo usgange dassi sicher gestationsdiabetes han aber isch denn negativ gsi zum glück.
  • Das macht echt jedi Praxis anderst. Bi mir sogar i beidne ss i de gliche Praxis unterschiedlich. 1. ss bluet gäh, zuckerwasser trinke, ei stund warte, namal bluet gäh. 2. ss nur bluet gäh fertig 🤷🏻‍♀️
  • Bi mier wie bi der @benuim. Venös bluetabnä, zuckerlösig trinke, all stund bluetabnahm (kapillär)
  • ouso zersch mou: müesse duet mä gar nüd, we mä öpis nid wott, cha eim niemer zwinge.
    i ha z.b. ir erschte ss gar nüd serigs gmacht, nid mou ä nüechterntescht.
    ir zwöite hani mi de druf geinigt, dä z mache u faus es uffäuig isch, dä sirup z trinke.
    das si aues empfählige vo de gynis, aber niemer "muess" irgendöpis mache.
    Celeste
  • Hallo Zäme.
    Ich hät au e frag zu dem Thema. Ich han de zuckertescht letscht wuche gha und d‘wert sind a de grenze gsi. De Frauearzt hät mer dän mega angscht gmacht, ich müess jetzt luege und au d‘ernährig umstelle. Muess jetzt drü mal am tag de bluetzuckerwert messe und en beobachte. Er hät gseit nüechtern wär s‘ziel immer bi 5.0 und e stund nach em esse bis 7.8.
    Nüechtern chumi nie uf die 5.0 und sit ich weder meh ufs esse luege, isch de wert isch zwei mal bis uf 8.0 ufe, suscht isch er eher so bi 5.5 oder 6.0. was ich mega speziell finde, das de wert so höch gsi isch, nachdem ich chli magerquark mit emene öpfel und chli Haferflocke gesse han.
    Kennt sich öpper us mit dene wert? Bi. Mega verunsicheret.
    Sorry, isch chli en lange text worde.
  • Bi mir isch au 5.1 gsi und ich sött etzt sage und schreibe 6 mal am tag mässe... ich bi aber sit etzt 2 wuche dra und min wert isch no keis einzigs ma irgendwie höch gsi😅🤷‍♀️
    Und ehrligseit hani oft au nöd gluegt mit de ernährig 😅
  • Isch es bi der die erscht Schwangerschaft?
  • Bi mir isches die 2ti, falls de mich gmeint hesch 😅
    hane
  • Wasi dir cha säge, stress und zwenig schlaf beiflusst de Nüchternwert! Wenn de z hoch isch chasch das mal beobachte. Sogar stille beiflusst de Bluetzuckerwert. Wos uf 8.0 isch. Hesch 1 Stund spöter gmässe? Und den nomal 2h spöter nomal? Wenn de denn ok isch, wür ich säge isch alles im grüene bereich.
  • Ouw ja @Angii85 han dich gmeint. Bi de erschte häsch kei Problem gha?
  • @SHAYENNE De nüechternwert isch immer unter 5.0
    8.0 hani gmesse e stund nachem esse, aber nacher hani nüm gmesse.
    Schlage tueni im Moment mega guet. Schaffe wohl na 100% aber det bini ned gstresst, nehmes grad chli gmüetlich bim schaffe.
  • Bi de erste hani au nüechtern z höch gha aber de gross isch ununffällig gsi.. etzt bi de 2. Hani de groas gar nöd defe mache
  • Ok, das wird demfal mega unterschiedlich gmacht.
  • Gaht au meh drum öb bim mässe gstresst bisch. Wenn mer scho denkt de wert isch schlächt zum biispiel.
    Den würi nögscht mal no nach 2h mässe. Mir händs das dazumal gseit. Und wenn das eimal i de Wuche isch, isch das au ned schlimm nur wenn sichs hüft. Frög am beschte nah wenn de nöchsti Termin hesch.
  • No als Info, de Test isch freiwillig!
    Mini FA macht immer de Gross mitm Sirup aber ich han mich dagege entschiede. Han nur de Nüchternwert gmesse und de isch guet gsi.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum