Startseite› Allgemeine Themen

Hund und Baby

Siina96Siina96

10
in Allgemeine Themen
Heey Zäme 😊Ich erwarte im Mai mis erste Chind. Ich ha 1 Frenchie und 1 Zwergpinscher, beidi sehr verschmust. 😁 grundsätzlich machi mir kei Sorge d Hünd ah s neue Familiemitglied z'gwöhne aber het öper vlt. Glich no Tipps us eigener Erfahrig?

Kommentare

  • MaylaMayla

    4
    Wens dinne guet loset und dregle kennet denki söttis kei problem geh 👍
    Siina96
  • MaMa22MaMa22

    14
    Ich denke wenns dini eigete Hünd sind und denn s baby da isch und es alltag wird, sötts kei (hoffentli)Problem geh.
    Ich han etz leider d Erfahrig gmacht, dassd d Hünd vo de Grosseltere mit Iversucht reagieret. Bide einte Grosseltere isches sehr guet händelbar. Bi de andere gar nöd...
    wichtig falls das itritt ... d Hünd händ ja Rudelverhalte und den wird um de Rang ''kämpft''... dementsprechend wird s schwächere Mitglied agriffe und das wär den s Baby. Darum wüki immer ufpasse.

    Wett dir kei Angst mache ... ich denke wenns alltag isch, isches wieder was anderes und d Hünd akzeptierets als Familiemitglied ... bi mir isches ganz en anderi Situation.

    Mini Chatze händ sich au apasst und gsehnds als Mitglied ah.

    Bind dini Hünd jetzt scho ide Schwangerschaft ih...Babywage kennelerne etc.
    Siina96
  • SonnenblümchenSonnenblümchen

    169

    Symbol
    Mini Hündin häts am afang recht lässig gfunde, s‘baby hät eh nur gschlafe und so hät sie immer chöne go kuschle. Chum hät er sich agfange bewege und ihre na chöne hät sies nüm soooo cool gfunde. Und jetzt striitets wie gschwüsterti 🙈
    Siina96
  • Tanja87Tanja87

    791
    Bi eus heds leider gar ned funktioniert. Mier hend de Hund denn mūesse weg geh. Hends aber Familieintern chönne mache. S Problem isch gsi, daser sehr en unsichere, ängstliche Hund gsi isch. Mine Maa hed ihn damals id Beziehig mitbracht. Er hed ihn sehr verwöhnt gha (hed bi ihm im Bett gschlafe, duurend ufem Schoss ghocket, usw.) Mier hend ihm sin Rückzugsort geh, scho 2 Jahr bevor eusi Tochter uf d Welt cho isch. dert hed die Chliini au nie here dörfe, das hetti supper funktioniert. Sobald er aber bim Maa ufem Schoss oder neb ihm ufem Sofa gläge isch und die Chlini zum Papi hed welle heder sie a knurret... und das hed denn immer extremer worde, au ohni das die Chliini bewusst uf de Hund zue gange isch... mier isches nümm wohl gsi.
    Er isch denn zu de Schwögerin und ihrere 10 jährige Tochter züglet, woner no 2 tolli Jahr gha hed, mit wieder im Bett dörfe schlafe und Verwöhnprogramm. Und mier hend ihn au jedi Wuche chönne gseh❤️
Hey! Melde dich an oder registriere dich, um mitzureden.