Die Sache mit der Windel und dem Trockenwerden

Hallo Zusammen

Kennt ihr das wenn das Kind 3Jahre sich nicht mehr wickel lassen will, egal was in der Windel ist auch egal wenn die Hose bereits nass ist...
Auf den Topf oder Wc will es ebenfalls nicht.

Wie habt ihr reagiert, würdet ihr reagieren?

Kommentare

  • I würd mol trainingshösli probiere. Die hebe nid so vill uf wie Windle und de merke sis besser, dasses ebe doch nid so agnähm isch.

    Und dehei ume isches au nid so tragisch wenn mol öbbis denäbe goht. Mini hani oft lo blüttle oder mit de Unterhose lo umeseckle und hasi immer wieder ufs WC/Häfi gsetzt. Am Afang nur so e halb Stund und die Zitspanni ohni Windle stetig erhöht. Das isch nachher relativ schnell gange bis sis de gmerkt hei „oh, das wird jo nass“ wenn mol öbbis denäbe isch.

    Und mitem ufs WC go würdis spielerisch immer wieder probiere, „chum mit mir gönd ufs WC und luege ob en grooosse Wasserfall chasch mache“ bi mire Tochter isches es „grosses Monster-Bisi“ gsi wo zoge het 😂 si hends de mega interessant gfunde wies plätscheret oder au selber zgseh was do genau passiert. Ide Windle gsend sis jo nid.
    Mamelo
  • Ah und mini Chinder si bitz chliner gsi wosi die „i wett nid wickle“ phase gha hei aber ab denne hani agfange si im stoh z wickle. Si hei eifach nümme welle ligge 🤷🏼‍♀️ und das het guet funktioniert.
    Mamelo
  • Jo mer wickle au em stoh met de pants. S problem esch ned de eigentlech vorgang sonder meh tatsach das mer öberhaupt wechsle muess. Nei underwösch wett mer jo au ned allege get s gliche gstörm we weni säge chom mer wächsle d windle
  • Jaa die chline Mönschlis chönne rächt stuur si 😂 ganz zum verzwiifle vo üs erwachsene. I füehle mit dir!

    Isch zwar pädagogisch nid sehr wertvoll aber i ganz verzwickte Situatione isch es Trickfilmli mini Notlösig 😬

    Aber es het sicher no öbber anders e gueti Idee.
  • Bi euis hät en Timer amigs recht guet funktioniert und ja au mal öpis ufem Handy luege wänns gar nöd anderst gaht 🤷🏻‍♀️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum