Wenn Kind von anderen Kindern gehauen wird.

Wie geht ihr in denen Momenten damit um? Was sagt ihr eurem Kind wenn es sich in dem moment nicht wehrt u sich schlagen lässt.

Kommentare

  • Mini schwöster hets ab die 1 klass ganz schwierig ka. Sie isch oft gmobbt worde. Irgendwenn simmer züglet am afand isches guet gsi aber mobbing gits leider überall uf dwelt...
    Es het im neue Ort langsam ahgfange mor sind id schuel go rede mir hend hilf gholt es het nie irgendöpert reagiert. Eimal het e lehrerin gseit "es Isch userhalb vom schuelhus passiert mir chönd nüt mache" also bin ich mite muetter vo dem chind go rede wos denn au eskaliert isch, ich has so lieb wie möglich versuecht aber die muetter isch nöd grad e ahständigi gsi. schuelleitig isch denn au cho und het sich glich drigmischt nachdem es gheisse het sie chönt nüt mache. Mini sis het sich zerscht niee welle wehre will sie eifach zuuu lieb gsi isch.

    Irgendwenn hemmer sie in taekwondo ahgmeldet und de lehrer het sie mega motiviert sich zverteidige was sie denn au endlich ahgfange het zmache. 🙏
    Id schuel go rede bringt sehr wenig öpis will vieli Lehrpersone leider nöd loser oder seget das seg normal die tüend sich nur chli provoziere.
    Es het irgendwenn ufghört wos gmerkt hend dass sie au zruck chan.
    Wenn min Sohn denn mal au sowit wür sie ich hoffe ganz fescht nöd, abee das wirdich ihn au zu öpisem amelde woner denn lernt sich zverteidige.

    Wenns no seeehr chli sind chasch nöd viel mache da chasch amene chlises höchstens sege er söll ihn sege dass er das nöd gern het dass ihm das weh macht und din sohn debi tröste...wenns zu viel isch dass de ander wo haut nöd ufhört würi dmuetter ahspreche.
    Ab und zue tueni zerscht eifach beobachte will sie sich vo allei wieder beruhiget und sogar zemme spielet..



    Aber ganz ehrlich mir tuer das ihm Herze so weh wenn min chline msl gschlage wür werde... Es isch sho mal passiert und ich ha gmerkt wie ich hinter min Sohn mit gange bin und de ander wo haut chli streng ahgluegt han 😳 sowie " er isch nöd allei, hörsch uf oder ich brems dich" ( ich weiss es isch nöd wükli läsig vonmir 🤭 aber min chline findets au nöd lässig ghaur werde)

    EJC
  • Das mit selbstverteidigung hani denkt so oder so wärs sicher guet für chinde.
    Aber die situatione wo mer sich zum spiele abmacht u schind halt agressiv isch u ständig haut trotz muetter wo seit dass mer ned sett (vermuetli ned starch gnueg seit zum chind stoppe) ich meine was segeder/macheder denn. Finds schwierig denn das chind bös aluege oder dem chind sege dass ufhöre sett will smami gsehts au/sett das chind richtig stoppe.
  • Wenn muetter schind nöd chan stoppe und er witerhin eso haut würi für e zitli ufhöre die person treffe... Ich bi kei masochist und lahn so öpis immerwieder gfalle irgendwo häts grenze. Wenn min sohn en andere wür haue und er nöd wür ufhöre nachdem ich es ihm ganz genau gseit kah isch schluss, denn gömmer hei. Er muess lerne mite konsequenze rechne.
  • Du chasch sandere chind au sicher selber aspreche aber am beschte wärs wenn sini muetter au nebetdra staht..
    Seisch dass das din sohn nöd gern het und frögsch wieso er denn haut ob er hässig isch und warum er hässig isch.. ob er irgendöpis brucht.. und ebe wenns denn au nüt bringt denn ebe chli abstand neh.. aber ebe ich red wie ich das mache wür..
  • Es chunnt au ganz druf a wie alt d Chinder si. Im Alter zwüsche 1-3 cha das öbbe mol vor cho. Mini Tochter haut nur de Brüeder, anderi Chinder nid und do sägi ganz klar, das goht nid. Si isch mit 2 no am lerne wie ihri Emotione usdrücke/kontrolliere und do understützi si debi, ihre das bizbringe.

    Wenn mer underwägs si, spielplatz etc. dueni beobachte, je nach Situation griffi natürlech i. De nimi mis Chind us de Situation. Bis jetz het jedes Mami vom hauende Chind, selber igriffe und me hets so chönne gmeinsam kläre. Ha aber au scho bi anderne erläbt, das d Müettere vom hauende Chind nüt undernoh hei und si hei lo mache…anderi chinder si agriffe worde und diejenigi hets eifach nid interessiert. Do würdi mol am Chind selber säge, das goht nid und de d Muetter druf a spräche.

    Bi Kolleginne wo z Bsuech chömme mit chinder oder so isches au scho vor cho aber do heimer klar d Grenze definiert und hei ide entsprechende Situation beidi igriffe.
    De sägi au am andere Chind wenn öbbis nid goht genauso wie mini Kolleginne das bi mine Chinder dörfe mache.

    Bi mim Bueb wo 6,5 isch hani das scho lang nümme erläbt, do isches sit er 4i isch gsi niemeh vorcho.
    Aber i bi absolut gäge Gwalt und säge mim Sohn dass das schlächt isch. Aber i wüsst nid wieni würd reagiere…
    snowangelEJC
  • Wie alt ist das Kind? Ich finde, es macht einen enormen Unterschied ob wir hier von 2-jährigen oder von 6-jährigen reden.

    Warum macht die andere Mutter nichts? Hat sie es vielleicht nicht bemerkt?
    Warum denkst du, dass das andere Kind deines haut? Will es in Kontakt treten mit deinem Kind oder kann es sein, dass davor irgendwas vorgefallen ist, was du nicht mitbekommen hast (z.B. das dein Kind, dem anderen ein Spielzeug weggenommen hat) und das andere Kind einfach sauer war?

    Ich denke, je nachdem gibt es mehrere Ansätze das ganze zu lösen.

    Wie gesagt: ich finde es kommt enorm aufs Alter der Kinder an.
  • Bald 3 jahre u nein sie hatten nie wirklichen kontakt. Und nein haut starch u schaut auch sehr böse dabei und etwa 20 mal in 2 stunden.
  • ich finde das es mega schwierigs thema will mit knapp 3 emfindets no kei empathie und s chind macht das ev. au wills noni richtig cha kommuniziere was es wetti… und d muetter seits ihm ja, und es git eifach chind wo das usgrprägter mached, isch am mami vo dem sicher au unangnehm und s nüm träffe isch doch au fiis…
    KaffeelöffelEJC
  • dim chind chasch vilicht stopp regle erkläre, und s andere chind nimmt mer für en moment us dä situation use und fragt werum s haut… und dänn in rueh mit dä chind bespräche dass es nöd sött haue, aber i dem alter macheds es kum bösartig
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum