Natürlich abStillen 🤱

Wie isch das bi eu gange? Wenn het sBaby brust nüm welle? Ich bi Momentan no am Abig 1x am stille und mengisch no 1 x i de Nacht. Soe wird bald Jährig und wett denn langsam nüm stille. Sie trinkt kei vertig Milch, aber Milchbrei also wär en Milchschoppe kei alternative.
Am Abig wett und brucht sie Brust au no, das isch aber jetzt no OK. Aber wett au nüm all zu lang witer stille.. wär acho froh wens es endi het🤣

Kommentare

  • I finge sobauds für öper nüm stimmt sött mä äs Ändi finge🤷🏻‍♀️ Chuemiuch trinkt si de o nid? I ha de eifach anstatt gstiuät ä Miuchschoppe gä, bim erschtä hani churz vor Jährig ghört, denn hani nume no am Abä ta u de het är ä Miuchschoppe übercho. Bim zwöite hani früecher ghört wüu är d Bruscht komplett vürweigärät het mit öpe nün Mönet u de hani no PuMi gä
  • Mine het grad churz vor Jährig am Abig nüm ad Brust wele, denne hani ufghört und er hets ned vermisst und zwei Wuche spöter denne au es Theater am Morge und denn hani ganz ufghört. Mer hend nie Schoppe gäh, han denn eifach mit Chuehmilch im Becher agfange.
  • PUMI het sie nöd gern, sie akzeptierts nur im Milchbrei. Darum isch Milchschoppe kei lösig. Ich glaub fast sie verbindet Schoppe nöd mit esse sonder mit trinke/turstlösche wasser trinkt sie super. Wett au nacher kei PUMI geh das findi nöd nötig, drum wetti das für die paar Mönet nöd ihr ufzwänge bis soe KuMi trinkt.

    Ja so eifach isches ja au nöd eifach Brust nüm zgeh🤣 Ich hoff da ganz fest das es demfall so wird wie bi de Groan.
  • Also verstönd mi nöd falsch PUMI isch super aber sie isch über 11 Mönet da wetti nacher natürlichi Kalzium liferante geh😅Joghurt Chuemilch Käs etc.
  • Wie isches, wenn en Abig ned ume bisch? Nimmt sie denn eifach de Schoppe oder laht sie‘s eifach us?
  • Si isst nur de Abigbrei, denn schlaft sie bi mim Maa i. Er git ihre kein Schoppe meh will sie mega hessig wird und afangt umeschreie. Mir hends über Wuchene probiertt und denn mit de Hebamme beschlosse das es würklich kei Sinn macht. Sie bruchts ja i 1 Monat nüm.
  • Ah so, denne trinkt sie am Abig gar nüm? Nur na ide Nacht? Denn chunts ja würkli vlt bald mitem abstille😊
  • Ich hoff es sehr🙈 Ich glaub zum das abrupt zbeende hani kei nerve. Ich würs so gern eifach natürlich usschliche la.
  • Also ganz ehrlich ? uf der ein Monat chunts glaubs nit druf ah
    de chasch ihre sicher Chuehmilch gäh (klärs aber nu mitem arzt ab, aber mine seiht oft, sigi richtline und dr köper seiht nit soooo hitte bini 12 monat alt ets isch alles anders 😉)
  • @LillyFee Ich würs ebe gern für mich Wünsche das ich Natürlich abstille chan und sie selber sintresse a deBrust verlührt. Nei klar uf die paar Wuche chunts nöd druffah.
  • Glaub ich au;)…aber sicher sinmer nöd🤣
  • @Pallas ja verstahni ☺️darum dr hiiwis mitem abkläre mitem arzt☺️
  • U wetts de ä chli ungerstützisch u Salbeitee trinksch? D MuMi schmöckt när ä chli „gruusig“ 🤷🏻‍♀️🤪
    Pallas
  • @Crystal Das probier ich mal us, danke für de Tipp 🤩
  • @LillyFee Arzt und Mübe seit nei erst nach 1 Jahr🤷‍♀️Weisch Ich denke es gaht ihre nöd um dMilch sonder um Brust, zum beruhige etc.
    Ischlafe klappt ohni Stille, aber Brust brucht sie no i de Nacht 1 mal. Weni die weg la hani es riese Theater 😆

Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum