Härzgrüsch

Kommentare

• Sti

  343

  8. 02. 2024, 21:34

  Mi Sohn het ds ou kha. Mir si när bim Härzspezialischt im Ultraschall gsi. Si hei nüt gfungä u dr Arzt het gseit ds gäbs hüfig und sig meischtens harmlos. Solang ds keni angärä Symptom vorligä muess mä sich ke Sorgä machä. Aues Gueti Dir.
• Tanja87

  791

  8. 02. 2024, 22:11

  Das hani bi beidne Chind müesse go mache. Beidi Mal isch es denn nüt gravierends gsi. Es schockt im erste Momänt, das isch völlig verständlich. Aber es gids wirkli sehr hüfig, dass es harmlos isch🫶🤗
  Hend ihr den familiär bedingti Vorerchrankige?
• AnDu88

  786

  8. 02. 2024, 22:13

  Mini Tochter het bir erste Untersuechig nach Spitalustritt au es Herzgrüsch gha, d ärztin het gseit si wartet no bis zum nöchste Termin und wenns denne immerno isch, überwiest si üs zum Kardiolog. Aber es isch de nachher nüt me gsi. Das gäbs schins no öfters.
• Adorable

  125

  9. 02. 2024, 08:14

  Be üs genau dasselbe bim Sohn damals. Send d au zur Kontrolle is Kispi aber detä hed mer vo dem nüd meh ghört und esch alles gued gse.
  Es cha z.b es Löchli si wo sech noned hed chönne schlüsse, wo d plötzli zue esch.
  i wörd mol „entspannt“ a d Ultraschall gah, das ghört mer nämli no vell.
• AmBir

  0

  9. 02. 2024, 09:25

  Ich ha das am endi vo de schwangerschaft gha, han dänn is uni spital müesse für en gnauere ultraschall. sie hend dänn eh chlini unregelmässigkeit gse. nach de geburt isch dänn nüt meh gsi. Damals es en schock gsi, aber mit em rede hani gmerkt, das gits mega oft.
• Mayla

  4

  9. 02. 2024, 13:40

  Üsi tochter hets au gha und me het e chlini verdickig gseh wo sich tuet usewachse oder so. Glaub bis 3 het sie jedes johr müese go kontrolliere und den isch guet gsi.
• Crystal

  280

  9. 02. 2024, 21:12

  Danke öich aune fürds schribe, bi chli beruhiget. Nei äs het niemer ir Familie Härzproblem. Aber mi anger Sohn het sit Geburt äs chlises Löchli im Härz. U jtz dr Grösser äbä äs Grüsch😳 hoffe dasi schnäu ä Termin überchume