Startseite› Allgemeine Themen› Plauderecke

Schulrucksack

CrystalCrystal

280
in Plauderecke
Wenn choufet dir einä für im Ouguscht fürd 1. Klässler? U was für einä? Isch ja gspunne was z.b. ä Ergobag choschtet🤷🏻‍♀️

Kommentare

  • AnDu88AnDu88

    786
    Mir hei denne zwar e Ergobag kauft aber i finde de rucksack aber super und er wachst mit. S Muster und form womer gwählt hei isch relativ neutral und so chaner ne no es zitli träge. Planet isch daserne sicher bis u mit 4. Klass treit. De Rucksack het denne 260.- kostet, drbii hets 2 Etuis, e Sporttäsche und e Heftbox gha.. wennmes usrächnet mit allne utensilie isches eigentlech no verhältnismässig. Kauft heimerne im Mai.

    Obs sone tüüre muess sii… das sicher nid. I findes eifach wichtig daser guet Sitzt resp. verstelle loht und daser e Brustgurt het zum vorne zuemache und au ggf. e Hüftgurt.
  • GröipschiGröipschi

    148
    mir si go probiere, was ihm am bequemschte isch. i ha eifach gseit, wenn är sone tüüre wott wi ergobag oder step by step (wos jo nume im set git, was mer aber nid bruche), gits ä occassion. finges gschpunne was die choschte.
    är het sech iz fürne beckmann entschide, dä isch nid sone chlobige chaschte wi di angere, eher schmau u mä cha ds Motiv gäg ine chehre, dass er neutrau isch. hane hüt grad bschteut.
    mir hätt dr funki a4 plus am beschte passt, meh brüchtis eigetlech nid, fingi 🤷‍♀️ junior het ne aber nid so bequem gfunge.
  • vilovilo

    6
    Han grad e ähnlichi Frag zu de Chindsgi-Täsche… was hett me hüt so für Chindsgi-Täsche? Längt e chline Rucksack (z.B. Deuter Waldfuchs) oder so e Umhängetäsche?
  • CrystalCrystal

    280
    Minä het ä Rucksack vo Funki, Raumwunder oder so öpis. Fingä ä Rucksack viu praktischer aus di Täschä. U würd bim Rucksack unbedingt einä mit Bruschtgurt choufe das d Tregär nid abä rütsche. Äs brucht nur Platz fürd Trinkfläschä ud Znünibox
  • CrystalCrystal

    280
    @Gröipschi, i welnä Lädä sit dir gsi ga luege? Du tönsch nach Kanton Bärn😇I finge di Priise äbä o gspunne

    Danke AnDu88 für dini Ischetzig
  • MameloMamelo

    430

    Symbol
    vilo schrieb: »
    Han grad e ähnlichi Frag zu de Chindsgi-Täsche… was hett me hüt so für Chindsgi-Täsche? Längt e chline Rucksack (z.B. Deuter Waldfuchs) oder so e Umhängetäsche?

    Mer bliebe bem deuter waldfuchs us de spelgruppe. Da muess jo ned es riese ding si för es znüniböxli hin und här zträge. Emu före start ond wenns de spöter mol öppis anders sell si us wellne grönd au emmer chamers jo emmerno mache.

    Mini meinig
  • SHAYENNESHAYENNE

    250
    De Ergobag bechunt mer jetzt au einzel. Choschtet aber glich no 199.-
  • GröipschiGröipschi

    148
    @vilo mit hei o dr Raumwunder vo Funki, längt lengschtens. deuter waldfuchs längt perfekt. bi üs müesse si nid mou es Trinkfläschli mitnä.
  • GröipschiGröipschi

    148
    @Crystal das ghörsch du richtig ;) mir si im Shoppy gsi, vo Office World hei si eismou äbä ä Usschtelig gha. ouso Office World het es grosses Sortimänt (ussert äbä dr Beckmann, dä si mer im Müller go probiere, di hei o paar Modäu). u ha mer lo säge, dass es im Stauffacher/Orell Füssli o viu Uswau het.
  • AnDu88AnDu88

    786
    @vilo Mini tochter wird de sehr wahrschinlech ihre deuter pico vor Spielgruppe au für im KiGa träge. Das längt längstens 😃

Hey! Kostenlos & anonym

Deine Erfahrung fehlt noch

Bisher 10 Antworten – deine könnte die nächste sein.

Seit 2012 helfen sich bei BabyForum Eltern gegenseitig – vom Kinderwunsch bis zum Familienalltag. Registriere dich kostenlos und rede mit.

  • Anonym & geschützt Nur mit Nickname, ohne echten Namen.
  • Schnelle Antworten Oft schon nach wenigen Minuten, auch nachts um drei.
  • Moderiert & entspannt Freundlicher Umgang, keine unangebrachte Werbung.
  • Produkttests & Aktionen Teste neue Produkte vor allen anderen.
Jetzt kostenlos registrieren

Kostenlos und ohne Abo. E-Mail, Nickname, Passwort – fertig.