Startseite› Allgemeine Themen› Plauderecke

Nachts immer no nid trochä

CrystalCrystal

280
in Plauderecke
Mi Sohn isch füfi worde im Früehlig u isch ir Nacht geng no nid trochä. Wäm geits o so? Ab wenn sött mäs äch la abklärä?

Kommentare

  • GröipschiGröipschi

    148
    mi Bueb isch vor 3 Wuche 5i worde, het ir Nacht o no Wingle brucht. mir si letscht Wuche i d Ferie, i ha d Wingle vergässe mitznä 🫣 ouso hei mer müesse ohni probiere, und siehe da, kes Problem.
    störts di de? i hätt mer iz Gedanke gmacht, wener düre Tag no nid wär troche gsi. aber ir Nacht hets mi iz gar nid gschtresst.
  • AnDu88AnDu88

    786
    Mini isch jetz 4i und i mache mer au scho gedanke… tagsüber isch si scho über es Johr troche aber ide Nacht noni. Hami aber au noni getraut d windle eifach wäg zlo, will si je nach Tag sehr voll isch am morge, obwohl mer vorem schlofe no ufs WC göi 🙈
  • CrystalCrystal

    280
    Spannend ds läsä, danke fürd Antworte. Är isch nid jedi Nacht nass, mängisch zwe drei Nächt trochä, när wider zwe Nass…ja äs stresst mi scho chli ehrläch gseit🤷🏻‍♀️ düre Tag isch är scho sit zwöi Jahr trochä
  • MameloMamelo

    430

    Symbol
    Bi de buebe gohts oder chas hormonellbedingt länger dure
  • CrystalCrystal

    280
    Aber bis wi aut isch de „normau“?
  • MameloMamelo

    430

    Symbol
    I glaube es normal gets ned. D kollegin esch metem 6jährige zom arzt ond het s problem gschelderet. De het de ebe gseit das es be buebe chli länger dure chön er seg jo ersch 6i. Met 8ti wörder die thematik de schösch genauer aluege.
    CrystalGlöö
  • GlööGlöö

    76
    Wenn dich das bitzeli beruhigt, ich bin bis 13i nöd troche gsi ide nacht. Und ich han sehr oft glese gha vo vieli wo länger bruchet. Nöd normal wär erst wenn dis chind drunter lidet. Ich cha dir sehr Kidsdoc. Podcast lose empfehle. Er isch en chinderarzt und er het e folg über das thema.
    Crystal
Hey! Melde dich an oder registriere dich, um mitzureden.