4 jährig und wot nid troche wärde

nic10 · 12. 11. 2024, 16:54

Hallo zämä
Üse 4 jährig Bueb wot eifach nid troche wärde😩 I ha gfüehlt scho aues probiert aber nüd nützt! I weiss würkli nüm witer… Het mir öber ä super Tipp wo är cha troche wärde?

Adorable · 12. 11. 2024, 17:37

Aso mine gross hed au bes churz nochem 4. geburi gah bes er troche gse esch. Er häts vorher warschindli scho äne brocht, aber er esch eifach zfuul gse und mit d Windle halt alles eifacher. (noch paar std. ohni heder d weder welle oder esch eifach die ganz ziit ufem Häfi gsässe 😂) Aber plötzli heder vo sech us kenni meh welle und das ohni Unfall nüd. (💩 au grad)

Adorable · 12. 11. 2024, 17:39

I has gfühl me dued sech und sech ame zvell stresse.. zeigt er d gar kei Intressi?

Crystal · 12. 11. 2024, 21:27

Hallo, nid vürzwiflä, einisch schaffts o är ( mir si grad o am probiere nid ds vürzwiflä wüu üse 5 1/2 jährig ir Nacht no nid troche isch ) isch är de Tag u Nacht no nid? No nie? Was hesch de aus usprobiert?

nic10 · 12. 11. 2024, 22:51

Auso fuul isch är o🤪 Inträsse zeigt är scho aber het sich när irgendwie nid drfür für ufs WC🤷🏻‍♀️ Mir hei scho mit Belohnig ect. probiert u de wot är när o Unterhöseli alege aber duets när o chli verchlempe…

Adorable · 13. 11. 2024, 08:42

Und ufnes Häfi? (ha ghört vell hend zerscht vorem WC chli angscht 🤷🏻‍♀️)

I nimme mol a im Sommer vell eher unde nackt ume laufe lah hesch scho ghört/gmacht. 🙈

Aber ebe mer hend au paar Sache probiert und chum hemmers ruhe lah, esch er d vo selber cho. Und d Schwöschter hed d zum Glück grad nohzoge. 😂 Aber id Nacht hend bed no windle,, aso mer hends au nur am Dag äne brocht.

minggi · 13. 11. 2024, 13:45

Aso bi üs het d drii tage methode gfunktioniert. Üse isch zwar chli jünger gsi, hets aber guät chenä hebä, gezielt ahstüre. Het eifach nid wellä. Den hemer zämä abgmacht das ab jetzt kei windle meh git am tag. Han konsequänt keini meh ahgleit. Er het den am afang viel irgendwo anebislset. Im summer zum glück viel verusse. Jedes mal weni usem hus bi hedr ufs wc miässä. Nach 3 täg hets gfunktioniert und er hets akzeptiert gha. Sind herti 3 täg gsi, ha ihn nie bös ahgfahre sondern nur kommentiert. Aber den woni ahgfange han übers ufgäh nah dänke, ischer plötzlich fu sich us ufs wc. Er het eifach die ziit brucht zum das akzeptiere, umgwöhne. Gezielt stüüre hani gwisst dasers eig chan. Er het eifach kei lust gha...

fabe · 13. 11. 2024, 20:20

@minggi Han au scho vondere Methode glese und göhrt es wür guet funktioniere, dörfi fröge wie alt din chline gsi isch? Und wie isches mitem 💩gsi?🙈

Eline22 · 13. 11. 2024, 21:50

Hesch scho versuecht d Windle in Hafe inne lege? Ha ghört für de übergang segi das no guet und hilft de Chind, wills halt lang det drii bislet hend dases chli Sicherheit git. Viellicht verchlempt ers so ned.

minggi · 13. 11. 2024, 22:33

fabe er isch knapp 2.5 jährig gsi. Und z 💩 hedr eig fast immer grad is häfi gmacht. Eimal hets dusse en unfall gäh, das hedr aber schnelm km griff gha. Ich ha das immer den ai i de ruum gstellt wo er grad gsi isch...